من قسوة زوجى اتخيل قصص حب واعيش فيها

عندي 34 سنة تزوجت من 15 سنة كان عمري 19 سنة وزوجي يكبرني ب13 سنة لا اعرف كيف اسردلك حكايتي او كيف ابتدي بس انا كنت مثل كل البنات ابحث عن الحب والحقيقة عندما كنت بنت كنت بتحب كتير اوي وكنت مثلا في المرحلة الاعدادية كان يتقدم كثيرون لخطبتي فشكلي كان يوحي باني اكبر من كدة وعندما انتهيت من الثانوية العامة تقدم لخطبتي زوجي وشدني غموضه وطريقته في الكلام فانا كنت احب من يكبرونني ولا احب الشباب من نفس سني لاني كنت اعتقد ان تفكيري اكبر بكتير المهم تزوجنا بسرعة صممت علي استكمال دراستي وكان اتفاقه مع ابي ان اكمل الدراسة لاكن شغل لاة ولاكنه بدا في مضياقتي اثناء فترة تعليمي وكان دائم الخناق علي كل هيفة شيلتي دا من هنا وحطيتي دا ليه ودا مش مقفول وحاجات كتير من هذا القبيل ولاكني استحملت مضياقاته اليومية وكنت بغضب كتير واجيب اهلي ليحلو المشكلة ولم يكن عندي الجراة للانفصال فطريقته اليومية في الخناق كانت تتعب اعصابي ولاكني بطبعي صبورة الي حد ما ولاكنهبدا بالتطاول عليا بالكلمات والالفاظ التي كنت عمري ما سمعتها وتجريحه لي وشك زائد بدون سبب ولكي اوضح الصورة اكتر هو لا يعمل فلقد كان يقول انه بيشتغل في مؤسسة كبيرة بدون ذكر اسماء ولكن بعد الجواز اكتشفنا انه ترك العمل وكان يعتمد علي فلوس امه وكان عنده مكانين للايجار شوية يتاجرو وشوية لا وشوية يعمل مشروع ويخصر ويعمل اخر وهكذا ولاكني عمري ماسالتو من اين تصرف علي البيت لانه كتوم ولايريد مني الكلام في اي شئ يخصه وانا بطبعي مش فضولية حتي كنت اتكسف اطلب منه اشيائي الشخصية فكنت انتظر الي ان تاتيني فلوس من اي حد من عائلتي واجيب الي انا عيزاه واستمرينا علي هذا الحال وجبتي ابني الاول واكملت رغم ذلك دراستي مع محاربته لي باني لن احتاج شهادتي لاني لن اعمل ولاكني اصريت حتي اتخرجت وفي نفس السنة اتعرض عليا شغل في مدرسة قريبة من البيت وقلت له انهم يعرضون علي شغل وانا لا اريد فوافق
واشتغلت وجبت ابنتي الثانية عندي منه الي الان اربع اولاد ولاكن مشكلتي هي ان حياتي تخلو من كل انواع الحب فلا كلمة حلوة ولاتعليق ولا تشجيع وعندما سالته في يوم من الايام قال لي اني ممكن اركبه لو قال لي كلمة حلوة لقد ساعدته كثيرا من شغلي ولاكنه دائم القول انتي بتعملي ايه يعني عمري مطلبت لنفسي شيئا ويقولي طلباتك كتيرة ويحرض علي ابنائي ويمسك ابني الكبير في الصف الاول الاعدادي ويكلمه عني ويقول امك بتقول كذا وهي تقصد كذا وياما شتمني وبهدلني امام الاولاد ونعتي باني لا افهم وعندما ادافع عن ابني وانا شايفة انو صح يقول له حتكون تربية نسوان وعمرك محتكون راجل ومد ايدو عليا كذا مرة اما الاولاد ورفع علينا سكينة وحفنا بالكراسي وحاول خنقي مرة وفي كل مرة كنت اترك البيت وبعد ما ياتي يصالحني ارجع عشان ولادي ولاكني لم اعد استطيع تحمل كلامه اليومي اقسم لك انه لا يعدي يوم من غير تجريح او خناق ولو سكت واخذت جانبا يزيد ولو رديت يتنرفز و بقي كدا قليلة الادب لقد حاولت معه كتير وخلقت الجو الرومانسي في البيت وكذا مرة يكسفني اذكر مرة من المراتلبست وولعت شمع وشغلت موسيقي هادية وعملت عشا وجلست بانتظاره فكان منه انه دخل ولع النور وشغل التلفيزيون وجلس ياكل ولا اكني عاملة حاجة عمره ماعلق علي لبسياو حتي مدحني في اي شئ كل اسراره مع امه وعندما اساله عن شئ يقول لي مش لازم تعرفي المهم كذا ويطلب ايطلب
ساعات بكون قاعدة علي الفيس وهو فاتح بيكلم اخته واعرف منها دا بعد كدا ولاكن نفسي نتكلم مبيكلمنيش غير لو عايز طلب اعمليلي شاي او اي حاجة مفيش حوار كل الموضوع اني بتفاداه وببعد عن شره حتي ابني بيقولي معلش يا ماما اسمعي من الناحية دي وطلعي من التانية تخيل لو ابنك بيقول عليك كدا حتي الاولاد مش مقتنعين بكلامه حاجات كتير في البيت بايزة لاكن لو حد من اخواته طلب منه اي شئ يجري ويعملهالهم ولو اختي طلبت مني اي حاجة بسيطة يبقي انا جيت علي البيت واهملت الاولاد كل حاجة عندو ليها فلسفة وعمرو مبيطلع غلطان ابدا حتي لو واقفين جمبو ساكتين وهو غلط يبقي احنا السبب مش عارفة اقول اي حاجة تانية دول 15 سنة جواز لاكن الي انا عارفاه دلوقتي اني مخنوقة وحاسة بعذاب ومش عايزة اغلط ومش قادرة اعيش من كتر ضغطو عليا انا حاسة ان حياتي انتهت وملهاش معني ولو قلت اعيش للاولاد بس هو يبطل يجي علي اعصابي مش قادرة علي كلامه وانتقاداته لقد رفضت مغريات كتيرعشان مغلطش في حقه بس عايزة اعرف اعمل ايه ارجوكم من ساعة متجوزت وانا بعيش قصص حب في خيالي ولاكن قصص حب فقط مثل الافلام يعني لا اططرق بخيالي للموضوع الجنسي ولاكن قصص حب بريئة اعتقدت اني لن الجا اليها ولاكن كل يوم الموضوع بيزيد معايا ولا استطيع النوم دون ان اتخيل نفسي داخل قصة واستمر في تخيلها كل يوم وازيد عليا احداث جديدة الي ان امل من القصة فابحث عن رجل اخر ابدا معه قصة جديدة احس فيها بالحب واحتياجه لي وهكذا فانا اصبحت اعيش في الخبال معظم اوقاتي اسفة لطول رسالتي رغم اني حسة اني لم استفيض ولاكن الكلام يتوه مني وارجو افادتي

مشاكل وحلول ذات صلة

• زوجى لا يشتهى الا اللحم الحرام
• جوزى وحبه القديم وكلامه على الفيس بوك
• حاسه انى اتظلمت فى جوازتى
• لا احب زوجتي وقمت بخيانتها مع صديقة قديمة
• أحببته و تزوج غيري و يريدني زوجة ثانية
• التعدد ومرض الزوجة
• زوجي غير متحمل المسئوليه ويعتمد علي اهله ولا يثبتلي حبه