انا زوج عمرى ٣٧ سنه وزجتى ٣٥ سنه تزوجنا عن طريق زوج اختى عرفنا على الاسره وانا اقتنعت تماما بهم وكنت ف قمه فرحتى بدات المشاكل ف الاتفاق الاول على الموخر والعفش وانا كنت اعمل بدخل بسيط بس بعد المناقشات مع اهلى بين رفض وقبول تمت الموافقه وتزوجنا بعد كنت سعيد بها لكن بدا الخلاف بعد ذلك بسبب قله الدخل وبعد المكان ف الشروق وظهر والدى لينهى كل شىء حيث كان كثير التردد على بيتى ومعه نسخه من مفتاح منزلى وبعد حدوث مشكله مع زوجتى كبيره بسبب الدخل وضحت الامور وطلبت الطلاق واختى اكدت ان والدى كان بيضايقها وكثير الذهاب لها وانت ف الشغل بعد ذلك تصالحنا وقمت بدفع مبلغ من المال مصاريفها طول فتره الزعل ورجعنا بيتنا وبدا خلاف اخر بسبب نزولها المستمر عند امها واختلاطها الداءم باهلها واهمالى وتصالحنا ثم جاءت ثوره يناير وحسنى مبارك وسرقت اشياء من الشقه من ملابس لها واجهزه كهرباءيه وقمنا بالذهاب لمنزل والدى لنسكن معه وننقل العفش وكانت مبسوطه انها جنب امها واختها وشغلها ورزقنا بالطفل التانى ولكن الامور اختلفت تانى حيث كان والدى وامى يتركونا نستقر بالمنزل ويذهبوا الى منزل العائله الى ان تعب والدى ووالدتى واستمرو ف منزل العائله ولم يتركو وتركو الشقه واختلفنا مره اخرى حيث كانت زوجتى تريد نقل اخر اوضه تخص والدتى وباقى عفشها حتى تستطيع ان تفضى الشقه وتكون بكاملها لها وبعد تعب استطعت ان اقنع والدى ووالدتى وفرحو بانى هستقر ولم يحدث لانى بعدها قمت بعمل قرض كى اجهز الشقه واوضبها وجبتلها موبيل حديث واتسرق وجبتبلها واحد تانى يعنى حاولت ارضيها بكل السبل وف المشكله قبل الاخيره لقيت فلوس ناقصه سالتها وخدت موقف افتكرتنى بسرقها وقعدت ٢٠ يوم بره البيت وهيا ولا فارق معاها بعد قعده الصلح جت اخر مشكله حاولت ان افتح معاها باب تتعامل معايا كويس واقولها انا وضبت الشقه عشان انام مع الواد وانت تنامى مع البت ف سريرى المفروض انى انام ف سريرى معاكى قالتلى عاوز حقوقك خدها انت هتلف وتدور قرفت من الطريقه سيبتها وانا داخل انام مع الواد لقيت اكونت ع الفيس باعتلى رساله عاوز اتعرف واكلم معاك وانا شكيت انه راجل واكلمت ع اساس انه اشتغاله وقلت كل اللى ف نفسى وقعدت تبعتلى قمصان نوم وانا اكلمها كلام كله شهوه وبعد كده تانى يوم مراتى بعتتلى كل الشات الل كتبته مع الاكونت الوهمى وقالتلى ما شوفش وشك تانى وانت بنى ادم مورف وبتاع شهوتك كنت اجوز بالحلال وف الاخر بتعاملنى معامله زفت مفيش اكل ولا شرب ولا غسيل ولا معامله ومش عاوزانى ف الشقه اعمل ايه دلونى وعيالى مش عاوز اخسرهم
اخي الفاضل مش عاوز اغلطك ولا عاوزك تزعل من صراحتي معاك من البداية انت ماحافظتش على زوجتك ولاصنت شرفها ولاكرامتها ازاي ترضى ان ابوكي معاه مفتاح لشقتكم ويذهب لاجل يضايق مراتك كما اخبرتك اختك بهذا كان المفروض عليك تزعل من ابوك ومن تصرفاته ماحدش عارف ايه ممكن حصل بينهما عندما كان يتردد عليها في الشقة اثناء غيابك في العمل وهي استحالة تقولك لانك مش هتصدقها ولايمكن تفكر ان ابوك ممكن يتحرش بها او يحاول الاعتداءعليها ومسالة ماحصل من سرقة اثاث البيت فهذا حصل لكثير من الاسر ايام الثورة وكثيرامن الناس اتسرقت بيوتهم وسياراتهم وتخربت بيوتهم مش بس انت وحدك عليك ان تغلب مصلحة اولادك فوق كل شي ولاتنسى انهم بحاجة لحنان ورعاية الام حرام تفكر في الطلاق او تطاوعها فيه ارفض الطلاق تماما واسعى لاجل التصالح معها وتلبية مطالبها مش علشانها علشان خاطر الاولاد ولاجل يعيشوا وسطيكم مع الاب والام ويتربوا في اجواء هادئة ومستقرة بعيدا عن الخلافات والمشاجرات بينكما اذهب لبيت اهلها وطيب خاطرها بكلمتين حلوين منك وقولها وحشاني موت وحياتي بدونك ظلمة ومش قادر اعيش من غيرك وصدقني المراة مهما كانت تذوب لما تسمغ تلك كلمات الحب والغرام والغزل من زوجها وسوف تسامحك وتتصالح معها وترجعوا لبعض وربنا يهدي سركم ويبعد عنكم المشاكل والخلافات ويصلح حالكم ويسترعليكم ويبارك لكم في الابناء ويسعدكم طوال العمر