افتقد الحب بسبب زوجي الاناني

انا متجوزة من سنة ونص ومش حاسة بالسعادة ولا الراحة لان زوجى انانى جدااااا مش بيشوف غير نفسه ولا بيعمل اعتبار لشعور حد , معندوش اى استعداد للعطاء فى اى حاجة والجواز مش كده , الجواز مشاركة و مودة وحنية وانا مفتقدة للاحساس بالاهتمام والمودة والحب .. حتى العلاقة ما بينا بتكون كل شهر او اكتر ومفيهاش اى احساس ولو طلبت منه حاجة معينة يتضايق وما يحبش يعملها ومش بيحاول يعرف انا عايزة ومبسوطة ولا لا .. حتى الاولاد احنا ما خلفناش لحد دلوقتى بسبب انه دايما بعيد … اسلوبه فى الحوار سىء جدا مش بعرف اتفاهم معاه وكل حاجة بالزعيق او كلام بطريقة مش حلوة و بيحسسنى انى مش بفهم حاجة .. كمان مش بيصلى خاااااالص ودى حاجة مضايقانى جدا كل لما احاول اقرب من ربنا يشدنى لورا و السجاير مش بتبطل من البيت لما اتخنقت .. ومعندوش احساس بالمسئولية, نفسى احس انى مسئولة منه فى كل حاجة .. اغلب الحاجات فى البيت انا اللى بشتريها حتى الاكل .. لو طلبت منه يجيب حاجة او يودى حاجة بتبقى حكاية مش عشان الفلوس عشان هو مش بيحب حد يطلب منه حاجة ولا يعمل حاجة
يعنى مفيش حب ولا اهتمام ولا علاقة ولا اولاد و لا قرب من ربنا ولا فلوس
انا عايزة اسيبه بس مش عارفة يبقى حرام عليا ولا ليا حق ؟؟؟
انا حاولت كتير معاه طول المدة اللى فاتت ومفيش قايدة
مش هقدر اعيش بالشكل دا الا لو قدرت اتنازل عن كل حقوقى ومتطلباتى ومشاعرى وانا مقدرش لانى رومانسية وحساسة جدا
اعمل ايييه؟؟؟؟؟؟؟

مشاكل وحلول ذات صلة

• خيبة بعد الزواج واشمئزاز من زوجي
• حبيت واحد غير جوزي
• هل اصبر على زوجي وارجع اعيش مغمضة
• احس ان زوجي عنده احساس بالنقص
• الفراغ العاطفي و الاكتئاب وانا متزوجة
• متزوجة من ابن عمي وافكر بالانفصال عنه
• الحب القديم والخيانة الزوجية