مضى الان 5 اشهر علي وفاة بنتي وكان عمرها اسبوع …رغم حبي الشديد لزوجي وحبه الشديد لي الا ان الاكتئاب ومظاهر الحزن تحيط بحياتنا مند وفاة طفلتنا الاولي المشكلة ان انا السبب في الحزن دة وانا دايما اللى بضيع كل لحظة حلوة بس غصب عني لاني مش قادرة انسي اي حاجة ومش عارفة اعمل اية علشان انسى وخايفة اني مااحملش تاني لاني قعدت 6شهور علي ما حملت والمشكلة الي مخوفاني اكتر اني ولدت قيصري امبارح مثلا وانا قاعدة عند حماتي كانت اخت زوجي لسة جاية من عند الدكتورة وعرفت ان هي حامل في بنت وكانت فرحانة لان هي نفسها في بنت انا فرحتلها والله بس المشكلة اني افتكرت نفسي واليوم اللي عرفت فيه اننا حامل في ينت وافتكرت فرحتي وافتكرت من اول يوم عرفت فيه اننا حامل واد ايه كنت فرحانة وبعت لوالدي رسالة المتغرب وقولتله وكان فرحان اوي انه هايبقي جد وزادت فرحته لما عرف انها بنت رغم ان انا اخت لاربع بنات انا مش عارفة اقولكم اية زوجي دايما يقولي امال لو كانت قعدت معانا اكتر من كدة كنتي عملتي اية دي قعدت اسبوع بس والمشكلة ان مافيش حد حاسس باللي جواية وعارف انها قعدت معايا 9شهور و7ايام احساس جميل اوي اني ابقي ام واحساس وحش وحش جدا انك تتحرمي فجاة من اللقب دة بدون اي مقدمات انا بقول ان يمكن ان بنتي اتحسدت لانها كانت جميلة جدا وغير كدة كان والدي جايبلها كل حاجة واحسن حاجة من اول الببرونة لحد العجلة دة غير الدهب المشكلة ان انا زوجي ظروف شغله بتخله يجي متاخر وان انا اساسا شخصية انطوائية فبفضل قاعدة لوحدي طول النهار رغم ان حماتي تحتية وماما مش بعيدة عني فبفضل افتكر كل حاجة واعيش نفسي في حزن بس انا مش عارفة اعمل اية لكن زوجي دايما يقولي متاخديش الوسيلة لانك مش هاتنسي غير لما تحملي بس انا بقوله لا ماينفعش لانه خطر لازم اقعد علي الاقل سنة اخدها بالله عليكم انا عايزة حد يطمني لو حد حصله نفس اللي حصلي انا رغم الحزن اللي جواية دة الا اني والله سجدت لله سجدة شكر في الحظة اللي عرفت فيها انها ماتت انا اسفة ادا كنت طولت عليكم بس انا لسة جواية كلام كتير مش عارفة اقوله
انا كمان حصلى اللى حصلك ده بالظبط من سنتين و عايشه فى اكتئاب و مش كايقه نفسي ياريت تقوليلنا عامله ايه دلوقتىطى
يااختي عليك بالصبر على هذي المصيبة واحتسبيها عندالله عزوجل قال تعالى – انما يوفى الصابرون اجرهم بغيرحساب – ونشاالله تكون لكما شفيعة يوم القيامة واعلمي ان هذة مقادير الله عليكم في هذة الدنيا والموت علينا حق ولازم نومن بقضاء الله وقدره علينا حتى نكون مومنين حق الايمان وهذة الطفلة عطية وامانة اعطاكم اياها الخالق عزوجل واستردها منكم فيجب عليكم التسليم بالقضاء والقدر ولاتعترضوا على مشية الله عزوجل والحياة قدامكم طويلة وانتما مشاالله في عز شبابكم انت وزوجك والله بيعوضكم ويرزقكم غيرها من البنين والبنات ويجعلها ذرية صالحة نشاءالله
اختي الله تعالى قدر ذلك وماشاءفعل ولانعترض على مشية الله وقضاءه وقدره علينا نحن المسلمين عليك ان تعرفي ذلك جيدا وتومنى به حق الايمان والمعرفة وتاكدي ان الله عزوجل بيجعلها شفيعة لكم يوم القيامة اختارهالجواره سبحانه وتعالى كي يختبركم في هالحياة الفانية اصبري واحتسبيهاعندالله وربنايكتب لك الاجروعظيم الثواب على صبرك وايمانك بالقضاءوالقدر وانتمالسه العمرقدامك طويل وفي عزشبابكم سوف يكرموكم الله عزوجل بغيرها بنين وبنات فلاتجزعي واحسنى الظن بربك خالقك عزوجل واترك عنك الحزن والجزع وتقربي من زوجك واهتم به واخرجي من عزلتك وانطواك عن الناس وادع الله عزوجل في كل لحظات حياتك وعندكل صلاة بان يرزقكم الذريةالصالحة ويعوض صبركم خير وهوالسميع المجيب الكريم المنان اللي يعطى كل سائلا حاجته ولايرد دعوة عباده الصابرين القانتين المحرومين خلي ايمانك بالله كبير وفقك الله ورزقك كل الخير والسعادةفي حياتك
اعرفى ان بنتك دى خير ليكى وانها مش هتخش الجنة غير بيكى وانتى صغيرة وربنا اكيد هيديكى غيرها واعرفى ان الموت حق ورنا يصبرك
والله حاسة بيكي
بس الفرق بيني وبينك انه ابني عاش في حظني 9 أشهر وكان طفلي الأول
انا عارفة الحالة النفسية الي بتمري بيها
بس تذكري القول “عسى ان تكرهو شيئا وهو خير لكم”
على فكرة انا بعد ابني الي مات انجبت طفلين كثير حلوين ويارب يعطيك الابن الصالح
ترا زوجك حاسس مثلك او اكثر لانه الي خسره بنته كمان وانتي لازم تكوني قوية
من شان هو كمان يكون قوي
انا ماقدرت اطلع من الحالة الي انتي عايشاها هلا الااااااااا بالعمل والعمل والعمل
وبثقتي الكبييييييرة في رب العالمين انه راح يخلفني خير من الي اخذه لاني بحبه فاكيد هو كمان بيحبني
حاولي اختي تغيري نظام حياتك ..حاولي تشغلي نفسك بشئ ثاني من شان تنسي لانه النسيان نعمة كبيرة
بالنسبة لمعاودة الحمل فستة اشهر كافية على ما اظن وانتي خليها على الله وربنا يسهلك
يا اختي الكريمه \قال رسول الله اكثر البلاء هم الانبياء \ومنهم من كان البلاء في جسده وولده \فنحن بشر لسن انبياء ولاكن نبتلى في اجسادنا في المرض وفي الولد مرضه او موته \فقول الحمدلله ان كان هدا البلاء بمرض في الجسد او بلاء في الولد\تعرف لمدا اقول لك هدا لان المصيبه الكبرى\ بان يكو ن البلاء الاعظم في ديننا \الله يحسن ختامك و حتامنا في دار السلام هي الجنه و لمدا سميت دار السلام لانها خلية من الامراض و ليس فيها موت فيها حياة ابدية لمن اطاعه الله ورسوله باداء الوجبات و اجتناب المحرمات \فاعليك يا اختاه الصبر وصبرك بالله حتى تثاب وتدخل الجنة بسلام\اللهم امين
حزاختي حزنت كثيرا لقصتك لكن تاكدي ان الحل بيدك.لازم تسترجعي زوجك لانه بصراحة مع الوقت ستفقديه.عليك بالرجوع الى حياتك الطبيعية والفرج قريب ستحملين ان شاء الله وتعود السعادة الى قلبك والى بيتك …لا تحزني واصبري وزوجك ثم زوجك ثم زوجك والله معك
لالا
انتي المفروض ماتحزني لانها عطيه من ربنا وربك ارد انها تجعل سبب دخولك الجنه وانها تاحد بيدك علي الصراط يبختك عند الله اي نعم الحزن صعب بس افتكري انك هاتدخلي الجنه بيها ربي يرحمها ويجعلها في ميزان حسناتك وعلي فكره تاخر الحمل ده بيبقه من نفسيتك لانها وحشه ارمي تكالك علي الرحمن وهايعوضك خير
اختي الدنيا مش هتقف وهتستمر وان شاء الله بنتك تاخد بأيدك للجنه ربنا يعوضك قولي اللهم اجرني في مصيبتي واخلفلي خيرا منها
انا حاسة بيكى جدا لانى اناكمان بنتى ماتت بعدماقعدت معايا81يوم واتحجزت فى المستشفى اسبوع واناكان نفسى انى اجيب بنت ولماجبتهاكان اهل جوزى مش بيحبوها وجوزى نفسه كان بيدعى عليها ولماماتت حس بيها وبكى عليها كتير ولكنه من اول يوم كان عاوز انى اسيب الوسيلة لكن انا نفسيتى مش مخليانى افكر فى الموضوع ده لانى بجد تعبانة بس كل اللى اقدر اقولهولك ان اكيدربناهيعوضنا خير لان ربنا اعظانا امانة واخدها مننا تانى فاللهم لا اعتراض مانقدرش نعترض على حكمه غير ان نقول انا لله ان ايه راجعون ونحتسبهم عند ربنا وربنا يصبرنا
لصبر عند الصدمه الاولى جعلها الله ستر لكم من النار يوم القيامه وبا اختاه ان الاولاد هبه من الله فلا تتعجلى ادعى الله ان برزقك الذريه الصا لحه قولى ربى لاتزرنى فردا وانت خير الوارثين نتمنى لكم ان يهبكم الله الذريه الصا لحه امين
السلام عليكم و رحمة الله
اختي الكريمه انا قريت حكايتك وو الله حسيت بيكي اوي تعرفي ليه
لانه حصل معايا زي الي حصلك
بنتي الاولى اتوفت بعد الولاده على طول و كانت ولاده عسيره اوي حتى انا كنت هروح فيها بس ربنا اراد اني انا اعيش و البنت تموت.قدر الله و ماشاء فعل.
و الي حصل بعدها اني تعبت اول ماعرفت بالخبر ده لان اهلي خبوا عليا وفاتها عشان كنت تعبانه موت في المستشفى. وبعدها جالي اكتئاب و عيطت كتير و زعلت اوي اوي و كل الناس حواليا بتواسيني بكلام جميل و مواقف مؤثره.بس صدقيني مع الوقت و الرجوع لله و الايمان بالقضاء و القدر هتقدري تطلعي من الي انتي فيه.انا لحد دلوقتي منسيتش الي حصل بس استوعبت ان ربنا القادر القدير على كل شيء هيعوضني و بقا عندي دلوقتي زي ما الناس كانت تقولي يومها عندي بنتين وولد ماشاء الله عليهم ربنا يحفظهم.
ان شاء الله انتي كمان هتكوني ام و الدعاء شيء مهم اكيد بس اصبري و الله مع الصابرين و البنت الي راحت منك ابشري…. هتلاقيها يوم القيامه منوره و ماسكه ايدك الي الجنه ان شاء الله.
على فكره…انا دعيت ربنا يعوضني و استجاب و اداني بنت بعد الي راحت مني عندها 10 سنين دلوقتي.بحمده و بشكره و يا رب عقبالك انتي.
قلبي معاكي يا اختي و ان شاء الله تسمعينا اخبار حلوه عنك و استهدي بالله و عيشي حياتك و الله كل حاجه بتعدي بس خلي بالك من نفسك و من جوزك الي بيحبك و بتحبيه و بلاش تضعي احلى ايام حياتك في التوهان و الحزن.و الله هتندمي على اللحضات في المستقبل زي ما انا برضه ندمانه على وقت طويل ضيعته في البكاء و الاحزان.بس انا للاسف مكنتش لاقيه جوزي جمبي.
احمدي ربنا على نعمة ادهالك عشان تساعدك و تفوقك من الي انتي فيه و هي جوزك الي بيعمل كل حاجه عشان يريحك و الله نعمه كبيره من عند ربنا الي قال في كتابه العزيز(و من اياته ان خلق لكم من انفسكم ازواجا لتسكنوا اليها و جعل بينكم مودة و رحمه).و نصيحه اخرى مني ليكي ان الرقيه برضه مفيده ضد الاكتئاب و الحزن بس الرقيه الشرعيه مع الصلاه و الدعاء و الاذكار.
و الله ولي التوفيق.
اختي الكريمة اتمنى لك الصبر ودائما قولي الحمد لله على كل الاحوال وربنا يعوضك بخير وعسى ان تكرهو شيئ وهو خير لكم انا كمان كنت حامل ومات الجنين وكنت باشهر متقدمة من حملي يعني بتحصل كتير قصص من النوع ده بس انتي استهدي بالله وربنا يعوضك بخير وحاولي تبتعدي عن حزنك وتعيشي حياتك وتسعدي زوجك ما اتضيعيش لحظات السعادة وعلى فكرة حزنك ممكن يأثر بشكل سلبي على انجابك خليكي فرش واحمدي الله على نعمو
الاطفال زى ما هيه نعمه من عند الله فهى برضه رزق وربنا ما اذنش ان يكون ان طفلتك هذه رزقك ولازم تتفهمى ان فى حكمه من عند ربنا لا يعلمها الا هو فى وفاة طفلتك ياعنى كان ممكن اوى تكون معاكى دلوقتى وتكبر وعندما تصبح عروسه تتوفى اعتقد حزنك هايكون اكبر او يحدث لها شىء مش كويس تندى له الجبين لازم تعرفى اختى فى الله ان الله ابدلك بتلك الاشياء يد تسقيكى ماء يوم الظماء الاكبر ياعنى ضمنتى ان شاء الله الجنه ولازم ترضى بقضاء الله وقدره وبعدين انتى ممكن تستشيرى الدكتور اللى كنتى متبعه معاه اثناء حملك السابق وهوه يفيدك فى مووضع الحمل مره اخرى وبالنسبه الاكتئاب انتى اللى عمله فى نفسك كده مش عايزه تخرجى نفسك منه انتى لو مش عايزه تروحى لولدتك او تنزلى لحماتك ممكن اوى تتمسكى بكتاب الله وهوه فيه الدواء عليكى بالقران وربنا ان شاء الله هايصبرك ولا تنسى دعاء المصيبه ” اللهم اجرنى فى مصيبتى واخلفنى خير منها “
بصى يا حبيبتى اولا فى حاجة عاوزة اعلق عليها انتى قولتى كلمة حرام اوى قولتى جايز ماتت عشان اتحسدت ياحبيبتى استغفرى ربنا دى حاجة بايد ربنا وربنا عاوزها فا اخترها وخدها انا حاسة بيكى بس احمدى ربنا انك معشرتيهاش كتير وكبرت قدامك وبعدين ماتت الحمد للة ولازم تخدى بالك من جوزك وانشا اللة هتحملى تانى متقلقيش بس عيشى حياتك وعيشى جوزك حياة حلوة بلاش حزن ونكد على طول وربنا يصبرك ويرزقك بطل جميل
البقاء لله انا لله وانا اليه راجعون كل نفس ذائقة الموت اختى الحبيبة الله يصبرك ويعوضك خيرا منها وبكرة تجيب اولاد كتير بس احتسبها عند الله
اولا قولى ان لله وانا اليه راجعون اللهم اجرنى فى مصيبتى واخلف لى خيرا منها )ان شاء الل ربنا هيعوضك باحسن منها وانا مع زوجك انك متحطيش وسيله لان مفيش حاجه هتنسيكى اللى حصل الا لما تحملى وقتها هتنسى كل شىء وحملك بعد ست شهور ده مش تاخير خالص
متشكرة اوي علي شعوركم النبيل ودعواتكم الجميلة اسال الله ان يجعل كل كلمة كتبتوها في ميزان حسناتكم…انا فعلا مش بشتغل لاني لسة بدرس في الجامعة بس حتي الجامعة مابقيتش اروحها غير للضرورة القصوي اسالكم بالله ان تدعولي ربنا يوفقني في الامتحان الجاي لاني مش مركزة خالص ….وارجوكم ان تدعو لي بان يرزقني الله النسيان.. وانا بادن الله هاعمل بنصايحكم لاني فعلا محتجاها فحياتي اصبحت جحيم رغم ان زوجي بيحاول دايما مايزعلنيش بس برضو انا بزعل من اقل حاجة وبرضو بعيط وبختلق المشاكل ودايما باطلب منه الطلاق وباتهمه بالتقصير رغم ان هو مش مقصر وبصراحة هو بيستحملني وبيعديلي حاجات كتيرة جدا مليت من كل حاجة حلوة او وحشة مبقاش لية نفس لاي حاجة بالرغم ان بعد كل مشكلة بتحصل بعاتب نفسي وبقول انا ليه عملت كدة انامش عارفة اعمل ايه بس انا حاسة اننا غلطانةياريت تنصحوني اعمل ايه مع العلم اننا سافرنا اسبوع نغير فيه جو بعد ما بنتنا ماتت وكان اوحش اسبوع عشته في حياتي رغم ان زوجي كان بيعمل كل حاجة ممكن تفرحني انا اسفة علي التطويل ياريت تستحملوني لاني ما صدقت لاقيت حد اتكلم معاة بكل صراحة وجزاكم الله خيرا اختكم في الله ام حبيبة
ألم تقرئى سورة الكهف فى قصة سيدنا موسى وسيدنا الخضر عليهما السلام( فأما الغلام فكان أبواه مؤمنين فخشينا ان يرهقهما طغيانا وكفرا فأردنا أن يبدلهما ربهما خيرا منه زكاة وأقرب رحما )فهذه هى حكمة الله سبحانه وتاعلى وإختباره لقوة إيمانك وصبرك على المصائب فإصبرى وإحتسبى فهو القائل تبارك وتعالى فى كتابه العزيز (إنما يوفى الصابرون أجرهم بغير حساب )وإلزمى الإستغفارلقوله تعالى( فقلت إستغفيروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا مالكم لاترجون لله وقارا وقد خلقكم أطوارا )صدق الله العظيم.
لله مااخذ ولله ما اعطى ::واعلمى اختى السائله بأن طفلتكم عند رب رحيم ارحم عليها منكم .وهى بأذن الله تعالى فى جنته ويوم القيامه ستأخذ بيدكم الى الجنه بأذن الله ..فأحتسبى ذلك عند ربك وابشرى بخير كثيرا/والايام والسنين بينكم طويله املأيها سعاده لزوجك وكونى قريبه من ربك سببدل الله تعالى حالك الى الافضل /وحاولى ان تشغلى وقتك ولا تجلسى وحدك.انزلى عند حماتك .او روحى لوالدتك او خليهم يوميا عندك ..وربنا يوفقك ويطمن قلبك .
كان الله فى عونك و اعلمى انها حتاخد بأيدك و تدخلك الجنة … و يجب ان نتأسى بالرسول الكريم ص لما مات ابنه ابراهيم و احمدى ربنا انها توفت فى هذا السن لانها كانت حتبقى صدمة اكبر , ربنا رحيم بعباده و اعلمى ان ميزان حساناتك زاد كتير فلا تضيعيه بكثرة الحزن و عدم الرضا بقضاء الله …. ربنا بيمتحنك فلا تسقطى فى الاختبار … اعملى جاهدة علشان تكونى جديرة بدخولك الجنة وبعدين ناس كتير بمروا بمثل هذه التجارب و قدروا انهم يتماسكوا وهو ده المطلوب من المسلم الموحد بالله و ان شاء الله ربنا حيعوضك باذن الله وقدر الله وما شاء فعل….وبعدين ياستى كلنا سايبنها ما حدش قاعد فيها عسى ربنا يجمعنا فى الجنة و بنتك تبقى تسقينا من خيرات الجنة…. لا تنسينا من صالح دعاءك اخوكى فى الله
حبيبتى الله جاب الله خد الله عليه العوض اناحسه بيكى جدا لكن الحمد لله انها قعدت اسبوع حتى لو فىبطنك 9شهور مش احسن لاقدر الله ماتعيش معاكى عمر وتتعلقى اكتر واكتر وتتاخد فجاه عليكى بالصبر وقراءه القراءن وماتخديش وسيله 6شهور وعبال ماان شاء الله يحصل الحمل باذن ربنا هتكونى اخدتى وقتك فالراحه وزياده صاحبتى حملت تانى قيصرى بعد 6شهور وابدئى خدى حمض الفوليك يقوى عندك ويساعد على الحمل باذن ربنا طبعا ياستى بكره تملى البيت عيال ويصدعوكى ويعملولك شقاوه تبقى عايزه تريحى شويه متعرفيش المهم ديماعليكى بالاستغفار وتطلبى من ربنا يرزقك الذريه الصالحه وشيلى الوسيله صدقينى جوزك عنده حق مش هتنسى كل الالم الالماربنايرزقك تانى ان شاء الله ويلعبوا بلعبها ويلبسوا الدهب وكل حاجه وبعدين المؤمن اللى بيصبر على المصيبه ربنابيجزيه خير من حيث لايحتسب وديما قولى اللهم اجرنى فى مصيبتى واخلف علياخيرا منها وبردوا قولى اللهم لاتزرنى فردا وانت خير الوارثين واحمدى ربنا هو له حكمه فى كده وبيختبر ايمانك اناحسه بيكى جدابس كمان واثقه انك هتطلعى من اللى انتى فيه بسرعه يابنتى انتى لسه عروسه عيشى حياتك وانسى ابدئيها من الاول كان مفيش حاجه حصلت ربنايقويكى ويلهمك الصبر
أختى الكريمة
أدعوا الله سبحانه وتعالى أن يلهمك الصبر والسلوان انا أعلم تمام العلم نا تشعرين به الأن ولكن لا تنسى أن لزوجك عليك حق وسأقول لكى شىء من الممكن ان يخفف عليكى ما انتى فيه (تذكرى مصابنا فى رسول الله صلى الله عليه وسلم) وتذكرى موقف سيدنا محمد من وفاه ابنه ابراهيم فلنا فى رسول الله الأسوة والقدوة الحسنه
الحزن شيئ طبيعي وشعور إنساني واللي مايحزنش لفقد أحب الناس ليه يبقى مش بني آدم بدليل ان الرسول الكريم عليه الصلاة والسلام قال عند وفاة ابنه ابراهيم وكان صغيرًا قال : ” إن القلب ليحزن وإن العين لتدمع وإنا على فراقك يا إبراهيم لمحزونون”.
بس ياريت نلاحظ حاجة إن لما حصل كسوف للشمس قال الناس إنه بسبب وفاة ابراهيم ابن الرسول ، فغضب الرسول صلى الله عليه وسلم وقال : ” إن الشمس والقمر لا ينكسفان لموت أحد ولا لحياته” مشكلتك إنك انطوائية ومش متداخلة مع حد اجتماعيًّا ومن كلامك عرفت انك مش بتشتغلي ، ده شيء بيزود الحزن أكتر وكل ماتزهقي تبتدي تعيدي أحزانك . ثم باين عليكي انك عندك فكر تحليلي بس لو شطحت بخيالك هايعيد عليكي أحزان الماضي وهموم المستقبل . لازم تحاولي تدربي نفسك انك تدي لكل حاجة حقها بس ، الحزن ياخد حقه ووقته ، وكمان الفرح . . . وكل شيء ، أي شيء يزيد عن حده يتقلب ضده ، يعني ربنا عملنا الأكل علشان نحافظ على صحتنا لو كلنا زيادة عن اللازم بنمرض ، وعملنا التفكير علشان نعيش كويس ونحل مشاكلنا لو فكرنا زيادة عن اللازم هانكتئب ولو مشكلة هاتتعقد ، خلقلنا الشعور والغريزة وحكمها بقوانين لو ادينالها زيادة عن حقها مش بنبقى بني آدمين ، كمان الحزن الزيادة علشان نحس اننا بشر ، لو حزنا زيادة عن اللازم هايبتدي إحساسك يقف وماتحسيش انك إنسانة ، الموت والأجل بإيد ربنا سبحانه وتعالى ، وعجبًا للمؤمن أمره كله خير إذا أصابته سراء شكر فكان خيرًا له ، وإذا أصابته ضراء صبر فكان خيرًا له ، وإنما الصبر الحقيقي عند الصدمة الأولى، وهذا مجرد اختبار من ربنا وربنا مخليلك الأحسن واعلمي أن قضاء الله كله خير ، إما شايل الأحسن أو مانع شيء أسوأ . استهدي بالله والجئي لربنا والصلاة فيها كل الراحة . ربنا يصبرك ويعينك على تخطي الأزمة دي ويرزقك بالذرية الصالحة.
ياعزيزتى هون على نفسك طفلتك امانه عندك واخذها واهبها لماذا كل ذلك هون على نفسك وعلى زوجك
الحياه قدامكو وانشاء الله اللى رزق بهذه الطفله ربنا هيكرمكو غيرها وغير كده زعلك له الاثر الكبير فى موضوع الحمل
انا رزقت بأنبنتى الاولى وسميتها هبة الله وكانت جميلة جدا وعينيها زرقا لم ار مثلها قط وعاشت لمدة ستى اشهر وربنا افتكرها ولكن احتسبتها عن الله اى نعم زعلت عليها وبكيت عليها بكاء شديد ولكن دعوت ربى فرزقنى من البنات اربعه غيرها وكل بنت برزقها الوفير وشأت قدرة الله بان رزقنى بولد وسميتة محمد والحمد لله
صلو مع بعض جماعه وتضرعو لله بالدعاء ان يعوض عليكم
وان شاء الله ربنا هيكرمكم ويمكن موت ابنتك ده خير ليكى وليها انتى لاتعلمين ربنا وحدة الذى يعلم وله حكمة ممكن يكون ده ابتلاء ليكى ولزوجك فأحمدى الله على السراء والضراء
وربنا قادر على كل شىء والمستقبل قدامكم وانتم فى مقتبل الطريق اخرجو وغيرو جو الكئابة اللى انتم معيشين نفسكم فيه ده اسبوع بعيد عن البيت ده هيكون ليه تأثير نفسى ليكم بالخير ان شاء الله
وفقكى الله وادعو الله لكما بان يرزقكم خلفا بولد صالح
الأخت العزيزة صدقيني أنا حاسس جداً بيكي وبمشكلتك ودة واضح اوي في رسالتك وعارف انك بتعيشي وقت عصيب اوي بس صدقيني دة كلة ان شاء الله هياخد وقتة والموضوع ينتهي وخلاص بس دة برضوا متوقف عليكي انت يعني متفضليش تحطي نفسك في دوامة وتفضلي توهمي في نفسك وكل الوساوس دي تأثر عليكي لأني صدقيني أنت الوحيدة اللي قادرة تطلعي نفسك من الحالة دي وحاولي تتقربي لربنا وتعرفي ان دة عمرها وقدرها وحافظي على الصلاوت الخمس في مواعيدها وخصصي ليكي ورد من القرآن الكريم كل يوم تقرية لو كنتي مسلمة ولو كنتي أخت قبطية أكيد في الديانة المسيحية وفي الأنجيل أيات للصبر والمحن تقبلي تحياتي بكل حب وتقدير أخيكي في الله
الأخت العزيزة صدقيني أنا حاسس جداً بيكي وبمشكلتك ودة واضح اوي في رسالتك وعارف انك بتعيشي وقت عصيب اوي بس صدقيني دة كلة ان شاء الله هياخد وقتة والموضوع ينتهي وخلاص بس دة برضوا متوقف عليكي انت يعني متفضليش تحطي نفسك في دوامة وتفضلي توهمي في نفسك وكل الوساوس دي تأثر عليكي لأني صدقيني أنت الوحيدة اللي قادرة تطلعي نفسك من الحالة دي وحالي تتقربي لربنا وتعرفي ان دة عمرها وقدرها وحافظي على الصلاوت الخمس في مواعيدها وخصصي ليكي ورد من القرآن الكريم كل يوم تقرية لو كنتي مسلمة ولو كنتي أخت قبطية أكيد في الديانة المسيحية وفي الأنجيل أيات للصبر والمحن تقبلي تحياتي بكل حب وتقدير أخيكي في الله
الله يصبريك ويرحمها برحمتة
ابنتى عيشى حياتيك واحملى حتى تنسى واملئى البيت فرحة وضحك حتى تحافظى على زوجيك
وربنا يوفقيك ابعدى عن الوسيلة حاليا حتى تحملى والله هو العاطى وربنا مفيش اكرم منه ابدا
يارب يامنان ياحنان ارزقها الزرية الصالحة واملء قرة عينها بالاولاد امين امين امين
ربنا يوفقيك وعسى ان تكرهو شىء وهو خيرا لكم انها عطايا من الله يعطى وياخذ هو الرحمن ارحم من الام والاب هو الرحمن
ابنتى الحبيبة هل تعلمى مصير ابنتك ان عاشت يمكن لقدر الله تصاب بمرض صعب او تنحرف لسمح الله
فالله يلطف بعبادة
ادعو لها بالرحمة ولكى بالصبر والسلوان
فرسول الله والانبياء جميعا ماتو ما باليك بنا نحن بشر وليس رسل
الموت حق والساعه حق وكل نفس ذائقة الموت
اللهم ارحم المسلمين الاحياء منهم والاموات
امين امين امين
وصلى الله على سيدنا محمد النبى الامى الامين