في البدايه انا متزوج بقال حوالي سنه ونصف من بنت انا اللي اخترتها بنفسي ولم اجبر عليها وكنت في فترة الخطوبه بحبها موت وكنت حاسس انها كل حاجه بالنسبه ليا وفي اول الزواج كان نفس الاحساس موجود – انا زوجتي مشكلتها وانا عرفها من الخطوبه كان باباها وماماتها قافلين عليها اوي يعني مش بتعرف تحط مكياج ولا تلبس بشكل انيق ومحترم ولا بتخرج مع اصحبها فتعمل الموضه والجديد في الحياه ولا اشتغلت ما مبتعرفش كانت تتعامل مع الناس – انا كنت اعرف الكلام دا كويس وانا في الخطوبه بس انا قولت بعد الزواج الموضوع دا انا هعرف اغيره بسرعه ونا كنت مبسوط في الاول جدا انها مكلمتش ولا عرفت ولادفي الجامعه وقولت المكياج دا في البيت بس وهيا هتتعمل عادي – لاقيت بعد كده مع اول مولود وضغط الحياه وقبل المولود بطيئه في التعلم وكل ما نقعد نرجع وتقولي خلاص هدخل علي النت وهتعلم بس اصبر وان شاء الله هتلاقي تغير علما والله بجبلها كل ادوات التجميل انا بصراحه كنت بحب زمان البنت البيضاء والشعر الطويل الناعم ولكن لقيت غير مدهقولت في وقتها المهم هيا محترمه واهلها طيبين الجمال دا نسبي وفي الاول كنت بشوفها جميله ودلوقتي كل شويه نتخانق باسباب تافهه وباسباب قويه احيانا وبقينا نقول لبعد خلاص نسيب بعد وكل واحد يروح لحاله ولكن مع كل دا ممكناشوفها كويسه انها بتسمع كلامي وبتحترم كلامي اكيد انا عارف ان كل انسان في الحلو والوحش بس انا وصلت اني بجد كرهت الزواج لوبالشكل دا انا لسه صغير 29 سنه او بقول لوربن رزقني بفلوس هتجوز تاني اللي نفسي فيها مش عارف اعميل ايه وهل انا صح امغلط وللاسف انا مش بحب اطلع مشاكلي لحد من اصحابي او اخواتي وبحوال احلها بنفسي ولكن المره دي مش عارف ؟؟؟؟ ارجو الحل واسف للاطاله وشكرا
مشكلتك انك لا تغض البصر عن النساء الاخريات ازهد فيما عند الناس تكن اغنى الناس وانظر الى نصف الكوب الممتلئ
صلي ع رسول الله .. انت بتقول لو ربنا رزقك بفلوس هتتجوز تاني يعني انت كل طموحاتك تلاقي ست كاملة متكاملة ودا مش موجود ع وجه الارض مفيش حد كامل لو دورت ع الجمال اللي مفيهوش غلطته هتلاقي ناقصها حاجة وممكن تبقي منفتحة زيادة عن اللزوم وانت هتبقي قليل اوي وهتحتكر نفسك ربنا يزقك بزوجه صالحة ومن اسرة طيبة حافظ عليها لان انت من جواك مش شايفها كاملة دا مسبب لك عدم ثقة ف نفسك ممكن هي شيفاك مش كامل وفيك عيوب وبردو محافظة ع كرامتك وشعورك ومش بتقولك دا الحياة مش كلها ست وعلاقة جنسية وربنا يسعدك
بصراحة ربنا انا بحسدك على وجود مثل هالزوجة المحترمة والمتدينة وعلى خلق وتربية احمدالله على النعمة اللي بعتها ربنا لك وحافظ عليها جيدا ومسالة انها ماتتعلم وماتعرفش تتزين وتضع مكياج او زينة ياسيدي الامرفي غاية البساطة تماما خليها تروح لمحل الكوافيرة او صالونات التجميل وهم هناك يعلموها كويس وتبقى عال العال صدقني زوجتى كانت بنفس الحالة دي ويمكن اكثر من مراتك في بداية حياتنا الزوجية رحت مشتري لها مجلات عن كل مايخص المراة من تعليم فن المكياج والزينة والموضة والجمال وبعدها صارت زوجتى شكل ثاني وصارت تهتم بمظهرها واناقتها وتضع المكياج و الزينة وفوق كدا اصبحت خبيرة في هذا المجال طلبت مني افتح لها صالون تجميل للسيدات وجابت معها وحدة صاحبتها تساعدخا وبقت الامور بزنز وارباح تجارية وتحسنت احوالنا المادية تماما فعاوزك تعرف ان الانسان بحاجة للتعلم وماحدش يولد عالم اومعه ملعقة من ذهب اهتم بزوجتك ام ابنك وساعدها واوقف لجوارها حتى تتغلب على تلك المشكلة وترجع السعادة والاستقرار يعم حياتكم الزوجية طوال العمر
يا راجل ياطيب انت معاك جوهرة حافظ عليها يعني انت بتقول انك بتحبها و انها محترمة جداً و عمرها ماتكلمت مع حد و انت اول حب في حياتها كل ده مش مكفيك
بجد ربنا يباركلك فيها و اي واحدة حلوة مهما كان جمالها مع ضغوط الحياة مش بتبقي مهتمة بنفسها ده طبيعي جداً
و هنا بقي دورك انك تقولها بطريقة كدة حلوة فهمها انت واحدة واحدة هيا شاكلهاابيض خالص مش فاهمة كل ده انت دورك انت تدير الموضوع و توقولها تعمل ايه و انت بتحب تشوفها ازاي و مفيش ابداً مانع انك في مرة كدة انت تحطلها ميك اب بنفسك و الله مش هيقلل خالص من رجولتك خصوصاً ان دي حاجة مابينكم بالعكس هتحس انك مهتم فعلاً بالموضوع و هي بنفسها لما تلاقي كده هتهتم بنفسها فعلاً غير كده دي وسوسة شيطان
بس هيبقي حرام عليك فعلاً تسبها خصوصاً ان في بينكم طفل
و ربنا يبعد عنك و الشيطان و يباركلك فها