متزوجه بس عايشه مع نفسي بشوف زوجي وقت الأكل فقط ولو قعد شوية فى البيت يانت يانوم واتكلمت كتير مع جوزي يقولي عايزاني أقعد جنبك بقعد لوحدي من ساعة ما اصحى ويرجع 12 أو 1بليل ولو اتكلمت يقولي بتتكلمي كتير رغم اني قليلة الكلام جدا ولما ازعل لتاخره يقول اني نكدية وقلتله اروح شوية عند ماما وافق وقالي اقعدي براحتك عشان أخرج براحتي قعدت عندها 3ايام كلمني وقالي هتيجي بكرة ومكالمة رومانسية كده ولما قلتله خليني يومين كمان قفل اتصلت عشان أراضيه قالي هتقعدي وتسيبي البيت زبالة والهدوم عايزة تتغسل وطريقة كأني مكانتي عنده خدامةقلتله عاوزني أرجع عشان كده ماشي هاجي بكرة وقفلت وجيت المحله في المكالمة الرومانسية اني محتاجة وجوده معايا يقولي انا بسيبك وأخرج وامك مش بتخرج خليكي عندها يعني كأن قصده هي دي حياتك معايا أخرج براحتي واعيش حياتي وارجع تعملي اللي عايزه وتتضحكي ولا كأن حاجة حصلت رغم أنه مكنش كده في الخطوبة طول الوقت اتصالات حتى لو قاعد مع مين يسبيهم ويكلمني حاسه انه بيجرحني جدا وبيبعدني عنه
حولي تحسيسي جوزك ان في واحده ست في البيت و الست في البيت مش اكل و شرب بس لاء في حاجه اهم من ده كله بالنسبه للراجل يعني حسيسيه انك عايزاه يقعد معاكي علشان انتي عايزه و عايزه تتمتعي معه مش عايزه علشان تتكلمي معه و خلاص طبعا انتي فاهمه اقصد ايه و بعد كده هتلاقيه بيقعد و يتكلم و كل حاجه يعني من الاخر اعطي زوجك حقه الشرعي و دلعيه و هو هيلزق جنبك
تصرفات زوجك مش طبيعية بالمرة ولاتدعوا للارتياح والاطمنان قد يكون كاره العيشة معك او على علاقة باخرى والوضع هذا لايجب السكوت عليه او تجاهله مهما كانت الظروف اشركي احد من اهلك في هذة المشكلة لاجل يجدون لك حلا مع هذا الزوج اما ان يتقي الله فيك ويراعيك كزوجة مثل بقية الازواج مع زوجاتهم ويصون كرامتك وحقوقك كزوجة له او يطلقك بالمعروف وكل يذهب لحال سبيله وربنا بيعوضك خيرامنه اهم حاجة ان الانسان يحفظ كرامته ويصونها ولايفرط فيها ابدا