السلام عليكم ورحمه الله وبركاته
هى مش مشكله بالظبط اد ماهى فضفضه انا متجوزه بقالى 8 شهور وحامل مشكلتى ان لما جوزى اتقدملى اكتشفت ان عيلته بالكامل كلها بنات وطبعا ده مش مشكله خالص بالنسبه ليا هو اخواته سبع صبيان ماشاء الله السبعه متجوز منهم 5 وهو السادس والغريب ان كلهم خلفتهم بنات بالرغم من ان امهم ماتت وهى نفسها تخلف بنت وكانت خلفتها كلها ولااد المهم ان كل اخ من اخواته عنده تلت بنات وكلهم كان نفسهم فى ولد برغم انهم بيعشقو بناتهم ومدلعنهم جدا ولما اتجوزت وحملت الدكتور قالى انى حامل فى بنت وكانت الصدمه لما عرفو محدش اتكلم بس الحزن اللى على وشهم كسرنى اوى كان نفسى يطلع ولد اللهم مالا اعتراض ده غير ان الناس والجيران مسمين العماره عماره البنات وكل ماحد يساءلنى عن سلايفى او عن حملى واققولهم كلهم بنات يقولولى ليه كل خلفتهم بنات هما ليه العيله دى مش بيجيبو صبيان ولما بنخرج نتفسح فى الاجازه او نروح مكان عام وكلنا متجمعين الناس بتبص علينا وبتفتكرنا رحله لمدرسه بنات غير تعليقات قرايبى انا السخيفه لما يقابلونى فى مناسبه ويقولولى هتجيبى بنت ولا ولد واققولهم بنت واخد الموضوع ببساطه وانا فرحانه ببنوتى اللى يقولى لا حول ولا قوة الا بالله واللى يقولى معلش بكره تجيبى ولااد واللى يساءلنى هو كده العماره بقا فيها كام بنت انا نفسيتى ادمرت واستغفر الله العظيم ندمت انى اتجوزت فى العماره دى لانها بجد طلعت معاناه ان الكل ينتظر منك الولد ولما تخرج معاهم تسمع تعليقات زى ايه البنات اللى احتلت المكان فجاءه دى لدرجه بتاع السوبر ماركت بيساءلنى انتو ليه خلفتكو بنات من غير سابق معرفه بينى وبينه وجوزى قمه فى الطيبه رغم انه كان نفسه فى ولد بس مش حسسنى بده وكل يوم يرجع من الشغل يحط ايده على بطنى ويبوسها وبيحمد ربنا ولما حصل حادثه لولد قريبنا فى النادى وهو بيلعب كره قولت لجوزى بهزار انا عمرى ماهخلى عيالى يلعبو كره علشان ميحصلهمش كده بصلى وقالى البنات مبتلعبش كره متخفيش ساعتها عينى دمعت ولما روحنا ساءلته ليه قال كده قالى علشان انا خلفتى كلها هتبقا بنات يعنى اشمعنا انا احنا مبنجبش صبيان قعدت اعيط فى الاوضه لوحدى علشان صعب عليا صوته المكسور وهو بيقولها وقولتلو فى الاغلب الاسباب بتكون من الست اصلا الرحم هو اللى بيهىء للحيوان المنوى اه يوصل ويحصل اخصاب وفى رحم مهىء يستقبل اناث انا عارفه ان الكلام ده مش صح بس انا مخنوقه اووووى وانا عارفه التعليقات اللى جوزى بيسمعها فى الشارع ومن اصحابه عن ان العيله دى مش بتجيب رجاله وفى المستقبل مش هيكون معاهم راجل واحد حتى ومن يومين واحده صحبتى قالتلى ان فى دكتور بيدى حقنه معينه بتموت الحيوانات المنويه المؤنثه وبتسيب الذكور بس وان اخت جوزها عملتها مرتين ومعاها ولدين زى الفل وان فى حالتى دى مش حرام وانى ممكن اعملها المره اللى جايه وافرح جوزى وعيلته كلها انا الموضوع شغلنى لدرجه كنت هقوله لسلفتى لانها كانت بتفكر تحمل بس خايفه تجيب بنت تانى عاوزه اعرف هو حلال انى اعمل كده المره اللى جايه ولا حلال واققول لسلفتى على الفكره دى ولا بلاش اجبلها نصيبه والطفل يطلع فى حاجه لقدر الله وفى حد سمع عن الموضوع ده قبل كده ولالاكمان انا كنت عاوزه اعرف هل السبب ممكن يكون فى هرمونات معينه عند العيله كلها والموضوع مثلا محتاج علاج ينشط الحيوانات اللى بتمل الذكور ولا ايه
