متجوزة من 15 سنة والدى ووالدتى متوفيين وكنت وحيدتهم لما اتجوزته اعتبرته اهلى ودنيتى واديتى كل حبى واهتمامى , بس مع العشرةلاقيته انسان قاسى ومادى وانانى ولما نحتلف على حاجة الاقى شتيمة وسب وساعات ضرب (منه لله ).حاولت كتير اقربه منى بالحنية والحب وناس كبيرة تكلمه مفيش اى تغيير كلامه معايا بالعافية ودايما خناق على الفلوس منان جداا , ما يكلمنيش كويس الا لما يحتاج يعاشرنى وده كل كام شهر وكمان بيبقى مستعجل لا كلام ولا مداعبة واجب بيحلصه ,ده غير انه منفصل عننا فى اوضة لوحده من بعد سنة جواز, وكلمته كتير اوى واترجيته وبكيته له عن احتياجى ليه وسبب معاملته دى وانى محتاجة راجل يملا فراغى العاطفى قالى شغله كتير والحاجات اللى انتى محتاجاها كلام افلام انتى عايزة واحدة فاضى احمدى ربنا على عيشتك والجواز مش فيه الكلام الفاضى بتاعك ده ’اعتبرينى مش موجود عشان تريحينى و ترتاحى .عمره ماخاف ولا غار عليا دمر ثقتى بنفسى ومع البعد والجفاء منه ,لجأت للشات بس حسيت بتأنيب ضمير وخفت اموت وانا بعرف حد ؟ طب اعمل ايه طلاق وماليش حد يقف جمبى قصاده واساسا رافض وقالى مش انا اللى واحدة تقولى مش عايزاك ,هابهدلك ومش هاصرف عليكوا , واكمل معاه مش قادرة اتحمل اكتر من كده وخايفة اضعف .واخونه’.. وشكرا مقدما لكل من يرد عليا ويجعله فى ميزان حسناته بس ماحدش يقولى انسى وابدأى من جديد انا كرهته حقيقى مفيش ذكرى حلوة حتى افتكرهاله
لو محتاجة محامي محترم يخلصك منه موجود
بس بشرط تكوني صادقة في كلامك
اختي مافيش بينكما اولاد ولك 15سنة متزوجة من هذا الرجل القاسي اللي مايخاف الله عزوجل ولافي قلبه رحمة ولايقدر الحياة الزوجية منتظره ايه منه بعد كلهذا يااختاه لاجدوى من الكلام معه ولاامل في تغييريه للافضل صدقينى الطلاق منه خير لك من عيشة الذل والمهانة والاحتقار ليس من حقه الرفض ان يطلقك اذهبي للمحكمة ولوتطلب الامر الخلع واياك والتفكير في الخيانة فهذا حرام وليس حلا للهروب من المشكلة اللي انت فيها بل يزيدها ويجلب لك العاروالفضيحة امام الناس اتقي الله وابتعدي عن الخيانة وربنا بيجعلك مخرجا اذا تطلقت بيكرمك بالزوج الصالح اللي تكمل حياتك معه وتلاقي كل الخير والامان والطمانينة والسعادة والاستقرار طوال حياتك