انا مش عارفه ابدا منين انا عندى 27سنه متجوزة من 11سنه اتخطبت وانا 15سنه واتجوزت 17 واتجوزت جوز تقليدى بس بحب جوزى حب غير طبيعي هو بنسبه لي الدنيا او بمعني ادق هو نظرتي لدنيا اللي هو بيحب يخلي اعرفه بس المهم انا بشتغل وحالتي الماديه كويسه جداااا وعندى 3 اطفال وبشتغل بدل الشغلانه واﻻتنين وبحب الحياة والشغل وبحب وﻻدى وبيتي المهم جوزى دة اسلوبه وحش جدا معايا بس اتعود مني ياخد ميديش وانا كنت بدي بنفس راضيه بس انا تعبت اقسم بربي تعبت محتاجه اخد محتاجه احس اني ست بيعاملني وحش قوى قدم الناس وقدم وﻻدى ومش مخلني مبسوطه في البيت مش بيتكلم معايا مش بيقولي كلمه حلوة لحد لما كرهت البيت وحسه اني قربت اكرهه وهو بردة مش بيتغير مش فرق معاها انا تعبت قوى وعايزة حل
جوزي علي طول بيضربني وبيشتمني وعصبي وانا تعبت ومفيش كلمه حلوه منه ومش عارفه اعمل ايه
يااختي انت غلطانة لانك عودت زوجك ياخذ ومايعطيش ابدا والحياة تتطلب منكما الاثنان التضحية وهوالرجل ملزوم ان يقوم بالصرف وتحمل اعباء الحياة الزوجية لك وللاولاد ويقوم بكل مسوولياته تجاهك انت والاولاد والبيت ولاينظر انك تعمل ويتكل عليك في القيام بالانفاق عليه وعلى اولاده والبيت لا يبقى مش راجل ولايستحق معنى الرجولة ومسالة معاملته لك فلازم تتكلم معه وتعرفي ليه يعاملك هكذا فالله تعالى قال- وعاشروهن بالمعروف – وقال ايضا – امساك بالمعروف او تسريح باحسان – وقال الرسول -ص- خيركم لااهله وانا خيري لاهلي – وقال ايضا – مااكرم النساء الاكريم ولااهانهن الا اليم -وعليه ان يتقي الله فيك ويحسن المعاملة لك فانت زوجته وام اولاده فان لم يتغير ويحسن معاملته لك بالمعروف ويقوم بواجباته كزوج واب للاولاد فلاخيارامامك سوى الذهاب لبيت اهلك واخبارهم بكل مايحصل لك لاجل يتدخلون في الموضوع وايجاد لك الحلول وضمان حقوقك كزوجة وام لاولاده واخر العلاج لتلك المشكلة ان تعذرحلها من قبل الاهل هو الطلاق فهو خير لك من العيشة مع شخص كهذا وتاكدي ان ربك فضله عظيم ورحمته واسعة بيرزقك بخير منه وبيجعلك مخرجا ويرزقك من حيث لاتحتسبي
بحب جوزى حب غير طبيعي هو بنسبه لي الدنيا او بمعني ادق هو نظرتي لدنيا اللي هو بيحب يخلي اعرفه بس المهم انا بشتغل وحالتي الماديه كويسه جداااا وعندى 3 اطفال وبشتغل بدل الشغلانه واﻻتنين وبحب الحياة والشغل وبحب وﻻدى وبيتي
الفقرة اللى فاتت دي مقتبسة من كلامك إنتي…شؤالي بئة ليكي.. إزاي ده يتولفق مع الشخصية اللى إنتي بتتكلمي عليها دي ..أنا مش بهاجمك خالص ولا تفتكري إني بنتقد أسلوب كلامك أبدا أنا بسألأ عشان عايز أفهم… إزاي واحدة تحب جوزها بالشكل ده وهو كده
ودي رسالة لكتير من الزوجات اللى أزواجهم معاهم من أروع مايكون ,حب ورومانسية وكلام جميل وغزل وسفر وصرف ورعاية واحتضان وبيبقوا مع زوجاتهم رعاية وحب والله أكتر من أمهاتهم و أبائهم وفى الأخر من أقل غلطة أو طلب تتأفف وتغضب