سبب مشكلنا انه بيفرض اهله فى كل حياتنا ويجبرنى اعمل اللى عاوزة على حساب راحتى النفسية وكل اللى يهمه انه ينفذ لمامته واخته كل اللى عوزينه على حسابى وحساب بناتى ومش من حقى اناقشه فى اى حاجة عشان ده فرض عليه يحرمنى من اسسيات حياتى انا وبناته عشان كماليات لاهله وممكن ياخد منى عشان يديهم وهما مش محتاجين ويزعلوا لو اشتريت حاجة ليا من غيرهم ولازم يعطيهم فلوس يجيبوا زيها ولو اتكلمت يقولى ماله وهو حر ودايما يجبرنى انى اجلس عند اهله فى البيت عشان يوفر مصار يف عشان نعمل حاجة فى حياتنا تفدنا كنت بنفذ اللى بيقول عليه ولكن اكتشفت انه بيصرف عادى على الاكل والشرب واكتر من المصروف فى بيتنا ولما يكون مبلغ يشترى ليهم حاجة تنفعه مثل كمبيوتر لاخته عشان اللى عندها موديل قديم او مامته تغير فى ديكور الشقة ومش عارفة اعمل اه بجانب الاهانة المستمرة ليا ولما اناقشه يقولى انا كده مش عجبك روحى لاهلك وهما يصرفوا عليكى وعلى عيالك عشان متاكد ان اهلى ظروفهم متسمحش بكده ودايما محسسنى انى ماثرة معاه عشان مليش دخل اسعده بيه وحتى تربية ولادى ولبسهم واكلهم وكل حاجة تخصهم مش من حقى اللى اهله يقولوا عليه هو الصح ولازم اعمله حتى اللبس ممكن يكون لبس ولاد وهما بنات وحجته ان ظروفه متسمحش غير بكده رغم انه سافر السعودية ومرتبه الحمد لله ذات اكتر من الضعف يعنى ممكن نعيش كويس ولكن برده بيتححج بمصاريف البيت انها كتير عليه رغم انه بيصرف على نفسه ومش بيحرم نفسه من حاجة انا مش عارفة اعمل اه فكرت كتير فى الانفصال بس خايفة على بناتى وخصوصا ان بناتى اخلاقهم بتسؤ عندهم وهو من الشخصيات العصبية جدا جدا وكل مناقشتى معاه بتتنتهى بخناقة كبيرة ويجرى على اهله يحكلهم كل التفاصيل ويبقوا فى منتهى السعادة رغم انى والله العظيم كنت بعماله بما يرضى الله بس قوة احتمالى منهم نفذة ومش عارفة اعماله بحب زى الاول وخايفة من ربنا عشان بحس انى بنافقهم فى المعاملة
لاحول ولاقوة الابالله كان الله في عونك يااختي العزيزة مش عايزك تكوني ضعيفة او مغلوبة على امرها لا ابدا لازم تطالبي بحقوقك انت وبناتك ولاتتساهل معه او تفرطي في تلك الحقوق فانت زوجته وهولاء بناته وانتم مسوولون منه والله عزوجل سوف يحاسبه يوم القيامة ويقتص منه على ظلمه لك ولبناتك اياك والسكوت على هذا الوضع مهما كانت الظروف اشركي احد من العقلاءمن اهله او اهلك في الموضوع لعله يستجيب ويتقي الله فيك انت والبنات ويعطيكم كافة حقوقكم من النفقة والمصاريف مثلما يفعل مع اهله وخصوصا ان احواله المادية ميسورة وجيدة جدا فان رفض الاستجابة لكلهذا واستمر في ظلمه وتقصيره معك انت وبناتك ولم يراعي الله فيكم فلاخير في البقاءمعه وصار الطلاق لامفر منه وخير لك من عيشة لذل والمهانة مع شخص كهذا وتاكدي ان ربنا بيعوضك باحسن منه وبيرزقك بالزوج الصالح اللي يخاف الله عزوجل ويقدر الحياة الزوجية ويصونها وتلاقي معه كل الخير والسعادة والهناءوالاستقرار طوال العمر ومسالة البنات هم بناته ومسوول عنهم والدين والقانون يلزموه بالنفقة والمصاريف لهن حتى اذا تزوجت وتمنى لك كل الخير والتوفيق وان يبارك الله لك في بناتك ويحفظك لهن ويكرمكم جميعا من واسع فضله وعظيم امتنانه ويسترعليكم اجمعين وينتقم الله ممن ظلمكم ويردكيده في نحره