انا متزوجة من 10 سنوات ومعى ثلاثة أولاد لكن حياتى كلها مشاكل بسبب حماتى وزوجى ليس له أى رأى وكل ما اكلمه يقولى أمى اخدت حاجات من فرشي وأخدت حلقى الدهب بحجة أن هى اللى جايباه بفلوسها وكانت تتوجه ليا بالإهانة دايما وسب وشتيمه باهلى وكل ما أقول لزوجى يقولى مترديش لأنها أمى وتخلق مشاكل من مفيش ومخليانى عايشة فى عزلة تامه عن الناس وقطعت العلاقه بين أولادى وعماتهم وأولاد اعمامهم وحدهم أيضا وعيالى دايما يسألونى عن أهل باباهم وهى مهدداهم بأنها تحرمهم من أى حق لهم لو حاولوا يكلمونى انا وعيالى لأن كل شئ ملكها حتى البيت اللى كلنا فيه وبالرغم من كل اللى انا فيه عمرى ما رديت عليها ولا عمرى أسأت ليها لو باللفظ بس النهارده كان فرح بنت اخت جوزى فقالت لهم لو عزمتنى انا وعيالى مش هتحضر فطبعا جوزى لم يبدى أى اعتراض وفعلا راح يحضر الفرح وانا دلوقتي نفسيتى تعبت من المعامله دى. لأن والله العظيم انا عمرى ما غلط فى حقهم خالص بالعكس كانت دايما تغلط فيا وانا اللى استحمل وكنت شايله البيت كله على دماغى وقايمه بكل شغل البيت فوق وتحت ومش بخليها تعمل أى حاجه وده اللى بيخلى نفسيتى تتعب خاصة وأنى نفسي اشوف جوزى يرد ليا كرامتى مرة واحدة بس للأسف …. وجوزى غير أن مالوش شخصية فيه عيوب تانية كتير أن من يوم ما اتجوزنا نفسي أقضي معاه وقت أتكلم معاه عن أى شئ نفسي أحس معاه بالحب والأمان زى أى حد هو معظم وقته نوم أو التليفزيون ولو جيت اهزر معاه حتى يقولى انا تعبان عاوز انام ومن عيوبه برده انه عمره ما أتحمل مسؤولية ودايما يلح عليا ادور على شغل ويبقي قاعد فى البيت وعاوزنى انا اللى أخرج أقضي بعض مطالب البيت ولو فيه مشكلة في البيت مش بيشاركنى فيها وكمان ودايما كل حاجه انا ومن عيوبه برده لو ولد من أولاده طلب منه طلب مش بيجيبه بس مش بخل بس قلة اهتمام أو قلة مسؤولية انا بجد زهقت .. انا قررت انا أطلق منه واوهب نفسي لاولادى وتربيتهم علشان استقر نفسيا فهل قرراى غلط …. وهل فيه حل تانى مع العلم أنى لم أعد أطيق الحياه هنا
اتفق مع -المتواضع – في كل ماقال لك هو عين الصواب والصحيح والحل انك تطلقي منه ارحم لك من العيشة دي وربنا يعوضكي ويكرمكي بحسن منه ان شاء الله
الاخت الغالية صاحبة المشكلة لاشك ان تدخل حماتك في شوون حياتكم الزوجية هو جوهر المشكلة التي انتو فيها وشئ طبيعي ان زوجك يقف عاجزا امامها لانها مهما كان امه ولايريد اغضابها او يزعلها والحل من وجهة نظري انكم تخرجوا وتسكنوا بعيدا عنها منعا لتدخلها المستمر في حياتكم الزوجية وهذا حق من حقوقك لازم تطلبيه من زوجك واعتنى باولادك واهتم بهم ولااريدك ان تفكري في الطلاق ابدا فزوجك يحبك ويحب اولاده واصبري فالطلاق ليس هو الحل وفكري في مصلحة اولادك قبل كل شئ فكم من زوجات مثلك وعندهن مشاكل ومعانات مع اهل ازواجهن ربما اكثر منك واشد قسوة وعذاب ولكنهن صابرات لاجل اولادهن والله بيجعل لك فرجا ويبارك لك في زوجك وابناؤك ويصلح لكم الاحوال ويؤفقكم ويسعدكم دوما في هذة الحياة ويهدي ام زوجك ويحنن قلبها عليكم وهو الهادي لسوا السبيل
زوجك بلا شخصيه وصدقني لن يتغير هذا نصيبك وعلى فكرة انا رجل و اعرف هذه النوعية من الرجال وحتى لو سمع انك تخونينه سيصمت بمجرد اعطائه المال اذن اختي لا داعي للقلق ابدا واهتمي بتربية اولادك للاسف بعض الرجال خساره فيهم بنات مثل حضرتك لو اخرى تبحث عن الحب في مكان اخر لكن ثقتك بربك هي من تحميك
لا تنزعجي ابدا وحتى امه تعرف ابنها انه بلا شخصيه لهذا تقوم بهذه الامور ولو امرته امه بالطلاق سيطلقك عادي جدا