انا متزوجة من 3 سنين وعندى بنت عمرها سنتين . الجواز كان شبه صالونات ممكن نقول نسب قديم عمى متزوج من خالته. المهم انا وافقت عليه بعد رفض كتييير وقولت انهم بيقولوا كويس وطيب ومش بيعمل حاجه في حياته الا الشغل وبس يعنى وﻻ عينوا زايغة وﻻ صايع وماديا كويس جدل هو ليه اخ واحد ويتيم الاب والام من زمان وخالاته ومراتات خيلانو هم اللى مربينوه هو واخوه . قلت ده واحد مستني يتجوز علشان يعطى مراته كل حاجه من حب واهتمام يعمى يالعربي كده ملناش الا بعض . لاقيت العكس تمام برود ومفيش مشاعر ومفيش كلام حلو ومفيش حب ودلع واهتمام ومفيش فسح وﻻ خروجات وﻻ هدايا في اي مناسبة وكل لما اطلب منه حاجه يقوللى مفيش فلوس مع العلم انه رجل اعمال ومليونير بيشتغل في الاراضي يعنى مفيش بعد كده وكل حجته مفيش سيولة كل الفلوس اللى تيجي بتروح في الشغل واحنا مصاريف اكل وشرب وبس وعلى طول عند اهله طول اليوم بحجة انه عنده شغل لان احنا ساكنين فى منطقة وسط بين اهلى واهله . قلت هخلف هيقعد ويرتبط شوية بالطفل اللى اي وﻻ الهوا وﻻ كان في حاجه . المهم انا نفسيا تعبانه وعايزة اطلق بس مش عارفه اقول لاهلى لان عندنا دى عيب ونظام العائلات بقى بس مع العلم ان مامل شافت بعنيها مشاكل كتير وكل شوية تقوللى ربنا يهدي وبابا اصلا مش طايق العيلة بتاعت جوزي من زمان من ساعة جواز عمى وخالت جوزي برضه كان في بينهم مشاكل ولغاية دلوقتى هم منفصلين بس مش مطلقين برضه بسبب العيلة يقولوا مفيش حاجه اسمها طلاق . انا تعبت من البخل والبرود والوحدة اللى انا عايشه فيها وخايفه من الغلط . انا عندي 30 سنة وصغيرة وبسمع كلام اعجاب كتير والحمد لله محبوبة وبلاقي اهتمام من ناس كتير في الشغل وبره الشغل. مش عارفه اعمل ايه بجد تعبانه انا عايزة اقول لبابا يطلقنى بس مش عارفه اقوله ازاى ان المشكلة مش في الفلوس اد ما هى فى الحب والاهتمام والعواطف. برحاء سرعة الرد
يااختي مثل ماشرع الله الزواج شرع الطلاق قال تعالى – امساك بالمعروف او تسريح باحسانا- وقال – وان يريدا فصالا يغنى الله كل من سعته – وطالما انك مش سعيدة ولامرتاحه مع هذا الزوج ويقصر معك في امور النفقة لك ولابنك وحاجة البيت وخصوصا انه مقتدر وميسور الحال فمن حقكي طلب الطلاق منه حتى لو كان عن طريق المحكمة وتلزميه بالنفقة لابنك الصغير وتعيشي حياتك في بيت اهلك مكرمة حتى يرزقك الله بالزوج الصالح اللي يستاهلكي ويقدر الحياة الزوجية ويصونها ويسعدكي طوال عمركي
انا مش عارف انت واهلك تسرعتم في القبول بزواجه منك مع انك تقول ان ابوك مش طايق العيلة دي اهل زوجك من زمان وهااانت تدفع الثمن من عمرك وشبابك مع شخص لايحترم الحياة الزوجية ولايقدر المشاعر والعواطف لزوجته ولااهتمام بك وبخيل جدا معك رغم انه من رجال الاعمال وميسور ماديا ولاقاصر عليه شي ارى انك مظلومة طوال حياتك معه وعايزك تعرفي ان دي الاموال التي معه والعزاللي هوفيه بيصرف منه على اهله خالاته وعلى البنات الساقطات اللي يعرفهم وعلى السهر ومش بعيد تلاقيه يلعب القمار مع رفقاء السوء من الاصدقاء والصديقات ولاخير فيه على الاطلاق توكل على الله وتطلق منه فورا ولااحد يجبرك على الاستمرار معه دي حياتك وانت حرة ولست بقاصر اوصغيرة عشان اهلك يتحكموا فيك والشرع اباح للمراة الطلاق اذا كان الزوج بهذاالشكل ولاجل رفع الضرر عنك وصون كرامتك وحقوقك والحفاظ عليها ومسالة وجود ابنة صغيرة معك فهي ابنته وهو ملزوم بالانفاق عليها شرعا وقانونيا ولايجب التساهل في موضوع النفقة لابنتك والحضانة لك وربنا يكرمك بخير منه وهتلاقي نصيبك مع ابن الحلال الصالح اللي فعلا يخاف الله عزوجل ويقدر المسوولية ويتحمل اعباء الحياة ويصون مشاعرك وكرامتك ويسعدك طوال حياتك القادمة