انا بحب جوزي جدا وهو ايضا ف اتجوزنا وانا حاليا 20 سنه بس بعد الجواز اتغير تماما معايا من إهمال ومشاكل مع اهله وماكنش بيتقي ربنا فيه حتي واحنا مخطوبين كلم بنات عليا كتير وسامحته بس انا ضعفت وزهقت طلبت منه يتغير مش بيرضي كان بيفضل ب 10 ايام نايم لوحده وانا لوحدي من غير اي اسباب ماكنتش بسمع كلمه طيبه ولا منه ولا من اهله وظلمني ف حاجات كتير بس انا غلطت كلمت زميل ليا ع النت وكنت بقابله وكنت بتكلم ع الشات لان كان فاض بيابجد واول ما هو كان بس يبتسم ف وشي كنت يجري عليه وانسي كل اللي عمله واللي انا عملته فجأه يتغير بدون أسباب اتجوزنا سنتين بس حتي مشاكله وامور تخصه ماكنش بيسمحلي اكلمه فيها كان بيعاملني اكني عيله مش مراته فجاه حصلتله مشكله ف شغله وساب البلد بحالها ومشي وبعد عني وطلب يطلقني بدون اي أسباب تذكر فضلت اترجاه ماكنش بيسمع مني وقالي ان ابوه هايجوزه عليا لو انا رفضت اعيش في بيت اهله فهو كلم بنات كتير اوي وعمل علاقه ف شات مع واحده وبعدها حب يرجعلي وانا سامحته وبعد اما كنا كويسين رجع طلب الطلاق مني فضل يعمل كدا كتير وكان بيضربني ويسبلي بالدين ومشي وسابني ف ديون ومن غير حتي شقه لانها كانت ايجار وحاليا انا ماعرفش عنه اي حاجه ولا عاوز يطلقني ولا عاوز يرجعلي وانا حاسه ان ده عقاب ربنا بس الحمد لله ربنا سترني ومحدش عرف حاجه واتقيت لله وكفرت عن ذنبي وبقالي الحمد لله 5 شهور مواظبه ع طاعه ربنا وهو مش بيسال فيا وسايبني عند اهلي دخلت ناس كتير عشان توفق ما بينا بس اهله بيرفضوا عشان مش بيحبوني وهو بيسمع ليهم حتي قالي ف مره انجدي نفسك مني اهلي مش بيحبوكي وانا عاوزه ارجعله عشان اكفر عن ذنبي بس الله الاول ثم هو مش فاتح سكه خالص ليا اني حتي اكلمه شويه يبقي كويس معايا وشويه يقلب عليا اكني عدوته بقالي 6 شهور عند اهلي ف الوضع ده ومش معايا منه اطفال بس هو آذاني كتير اوي وظلمني هو واهله وده الذنب اللي عملته اكفر عنه ازاي ولا اعمل ايه ارجوك ساعدني انا مش بنام انا نيتي صافيه ليه وربنا يعلم بس هو مش عاوزني عشان اهله مش بيحبوني وبيقولوا ليه اني صغيره ع الخلفه مع اني ولله الحمد كويسه جدا بس ربنا مش اراد وهو خسر شغله بسبب انه ظلمني ف حاجه برضه واتكبر عليا اما كان معاه فلوس وربنا حرمه من شغله انا المفروض أعمل إيه الله يخليك ساعدني نفسي ارتاح من تأنيب الضمير هل ده ذنبي انا ولا هو
يابنتي عايزك تسمعيني للاخر خليه يغور في ستين داهية صدقينى ده لسع عيل ومش راجل ولايعرف قيمتك ولاقدرك والله انك تستاهل احسن منو مليون مرة ولايساوي هو واهله جزمتك احمدي الله انك عرفت بلاويه وانه بتاع بنات وخاين وسافل وحقير وانو مافيش ولاد منه ولاكنت هتبقى في حوسة كبيرة معاه الف من يتمناكي زوجة له ياقموره دي الحقيقة ماتزعليش ولايكن في خاطرك ايه حاجة تطلق منه فورا واياك ان تجري وراءه او ترجع له مهما كانت الظروف كرامتك فوق كل حاجة حافظي عليها وواعي تفرطي فيها ابدا وعايزك تقولي له دام اهلك مش بيحبوني ولايبغوني اني كمان مايشرفني اني ارجع لك اواعرف اهلك وربنا بيكرمك ويعوضك بخيرمنه بابن الحلال الصالح اللي يستاهلك ويقدرمشاعرك ويصونها ويسعدك طوال حياتك الزوجية