مشكلتى طويلة تبدأ من7 سنوات سنة ونصف خطوبة وخمسة ونصف زواج فى كل يوم تقريبا يحدث حاجة تحرق دمى لدرجة انى حاسة انى قريب هيحصلى حاجة خاصة انى من النوع اللو بيكتم فى نفسه وما بيحاولش يعمل مشاكل يعنى مثلا فى خلال فترة الخطوبة اهله كدبوا عليا كتير جدا لدرجة ان ما فيش حاجة قالوها كانت حقيقية يعنى مثلا اخته فهمتنى انها فى كلية تجارة ولما سالتها عاملة ايه فى المحاضرات قالت ان واحدة صاحبتها بتكتبهاله وبعد شوية قالت لا دانا لسة هعمل معادلة وادخل الكلية انا دلوقت فى معهد وبعد شوية لا طلعت فى اللاخر دبلوم تجارة قلت معليش يمكن اكسفت تقول لانى خريجة صيدلة ولو انى مش من النوع اللى متكبر ابدا على العكس هيا اللى كانت بتتعالى عليا بدون سبب غير كده كدب كتير مالوش اول من اخر حياتهم كلها كدب فى كدب بيتنفسوه ذى الهوا تزوجت فى نفس المنزل بالرغم من ان كان شرطى الوحيد فى زواجى انى ما اعيش مع اهل زوجى لعلمى ان البعد يخلى القلوب تفضل صافية ولانى بطبيعتى انطوائية وفعلا لما جه زوجى يتقدم قال اننا هنقعد فى الشقة دى مؤقتا لمدة 3 سنين مثلا لما ربنا يكرمنا و وفعلا تزوجنا وما كنش لسة اشتغل وتكبدت معاه كل المشاق كنا عايشيين على الكفاف وكنت بشتغل واديله مرتبى علشان يدفع الجمعية اللى عليه وكان يقولى انا اسف انى مش قادر اعيشك فى المستوى اللى انتى كنت عايشاه كنت اقوله ايه يعنى كل البيوت بتمر على المر والحلو وكنت تعبانه جدا منعيشة مفيش فيها غير المكرونة لمدة سنتين حتى بعد ما بقيت حامل ما كنش بيلاقى فلوس يودينى اكشف كل ده كنت مستحملاه لكن اللى كان معكنن عليا ان اخته كانت بتشتغل وبتقبض 600 جنيه فى الشهر وتصرف فلوسها على الاكل واللبس وتيجى الصبح تطلب منه فلوس علشان المواصلات كانوا بيبقوا ال2 جنيه اللى فى جيبه ويدهم لها وكنت اروح شغلى مفيش فى جيبى اجيب لنفسى سندوتش افطر بيه كنت فى الاول بكسف اكلمه عشان ما يفتكرش انى باسيه على اهله مع العلم ان ابوه عنده ورشة وهو كان معاه الصنعة وطول الفترة دى كان بيشتغل مع ابوه وما كانش بيديله اجره الا بالقطاره وكتير جدا ما يدلهوش واجى اسـأله يقلى انا سبتهم لبابا عشان محتاجهم طيب واحنا ما احنا برده محتاجين لدرجة انلما كان يزنك فى كشف ولا حاجة مهمه ما يطلبش فلوسه من ابوه ويستلف فكنت ما بين اب سلبى ما بيستحيش ياخد شقى ابنه اللى محتاج ادامه ومرة فى وسط الكلام وكنت حامل قالى انتوا هتصرفوا كام يعنى 50 جنيه تمشيكوا طول الشهر هذه نبيذه مختصرة جدا عن الاب اما عن الام فهى مستودع الكذب ولجل حظى ان دى اكتر صفة مش باطيقها فى حياتى بحس انى فى مكان ملوث مخنوقة جدا فيه مش قادرة اتنفس وطبعا بدورها كل حاجة محتجاها هى او بناتها تطلبها من زوجى وهذه فى حد ذاتها ليست المشكلة المشكلة انى ارى مالنا يهدر بمنتهى الاهمال امراة مهملة باقصى درجةعلى سبيل المثال مفرش ما كملش شهر الاقييه محطوط فى مية المجارى اعزكم الله طبعا اللى دافع تمنه البنك اللىما لوش مفتاح عايزة اقول ان الحمد لله زوجى اشتغل فى شركة حكومية بمرتب معقول لكن طبيعة عمله بيسافر باستمرار فى محافظات مصر وما بيجيش غير اجازة يوم ولا اتنين يعنى مقابل مرتبه مشحتتواحنا مش شاعرين باى استقرار اولاده حالتهم النفسية سيئة بسبب بعده عنهم خاصة انى عندى طفل عنده صرع وتاثر عليه الحالة النفسية اكملكوا عن الام اللى نفسها تاخد عنينا من جوه وتديها لبناتها لدرجة انه عملها مرتب شهرى الى جانب اى حاجة تحتاجها تاخدها منه ومهما كان معهوش يستلف ويديهم تنام طول اليوم وتيجى اخر اليوم يجيبوا اكل جاهز اخواته البنات بالرغم من انهم بيشتغلوا ما جابوش لنفسهم معلقة الاولى اتجوزت وجوزى ادين لحد ما جهزها من كل حاجة كانت تروح تستلف من اخويا وتسيبه بالشهور ما تدفعش لحد ما يضر يقولنا وطبعا جوزى اللى يدفع ما يهمهمش معانا ولا لا بناكل ولا ما بناكلش وغلبت اقول لزوجى طول ما بتديهم مش هيعرفوا انك مش معاك لدرجة انى زوجى فى مرة جاله استدعاء من الجيش وراح ومكا كانش معايا فلوس ااكل ولادى لمدة 15 يوم باكلهم رز حاف وهما عارفين ما فاكروش يبعتوا حتى طبق اكل لاطفالى ولا حتى فكر ابوه ان يعرض عليه فلوس كل اللى همه انى قلت انى هروح استلف فلوس من امى قالى لما يبقى فى حاجة زى كده مش لازم تطلع بره تخيلوا لانى بعت دبلتى عشان اكل اطفالى وهما عادى جدا مفيش اى مشكلة المشكلة انى لوكنت كلمت زوجى وهو فى الجيش كان جه عشان يدينى فلوس بس انا خفت عليه يحصلوا مشكلة ده موقف من الاف المواقف اللى بتحرق دمى كل يوم المصيبة التانية الكبيرة اخوه 31 سنة معاه نفس الصنعة ومع ذلك ما بيشتغلش نوم طول النهار وسهر طول الليل ع الشات والكمبيوتر ومشاكل وخناقات يعنى مالهوش لزمة المشكلة بالنسبالى مش فى كدة المشكلة ان البيه بيتخانق مع زوجى عشان عاوزه يصبلة شقته ويجهزهاله عشان يتجوز شفتوا البجاحة وامه مسنداه واخته كمان ويقولوا حقه دى المرة الوحيدة اللى وقفت لزوجى وقلت يا انا يا هو المشكلة فى زوجى انه مثالى ذيادة عن اللزوم وما يسمعش منى اللىفى دماغه هو اللى يمشيه المشكلة دلوقتى ان اخته التانية اتخطبت وبدات حرب الاستنزاف من كل ناحية لا احنا قادرين نجيب شقة بدل الشقة اللى ضاقت علينا 50 متر بتالعافية ولا مستقرين ولا قادرة استحمل اللىبيحصل وكانهم بيستخسروا فينا اللقمة ودى حقيقة دا انا مرة ابنى كان عنده 3 سنينوولادى مش من النوع الاكيلة فما كلش حاجة طول اليوم فجبتله قرصة بربع جنيه من جوعه كالها فلسه بقله اجبلك واحد كمان ردت حماتى لا كفايه احمدوا ربنا على كده وكانى هجيب من جيبها مرة من المرات الكتيرة عملت باميه بالحمة وطلبت اخته اكل وما كناش لسة كالنا منها حاجة اديتها الحلة وقلتلها بس اكلى ابنى معاكى احسن بيحبها تخيلوا انهم جم يسخنوها مالوها مايه ولما جت امه تاكل ابنى بقت تديله الميه وتاكل هيه اللحمة والله يا جماعة لو فضلت احكى عى المواقف اللى تحرق الدم مش هخلص انا اسفة طولت قوى بس كنت حاسة انى عايزة افضفض مع حد لانى بطبيعتى مش بوصل مشاكلى لاهلى وبكبت فى نفسى بس بجد تعبت وحاسة ان هيجرالى حاجة وجوزى مش بيسمعلى وعلى فكرة يمكن ده العيب اللى ظاهر قوى فيه تقريبا غير كده هو انسان كويس بس انتو مش معايا ان دى سلبية منه لان الشىء اللى يزيد عن حده ينقلب ضده ارجو النصيحة
لازم تأخذي حقك وحق أولادك في الاكل والسكن وزوجك سلبي مسلوب الإرادة ولازم تضعي حد لأهله وخذي شقة إيجار وارتاحي من المشاكل وتفهيمه لازم يشوف حل ويكون له شخصية ورأي لا يكون تابع لأهله أولادك أمانة لازم توفري لهم الطعام والشراب وكل إحتياجتهم وزوجك غير ملزم بأهله وغير قادر مادياولا مانع من وضع حدود حتي تعيشي مرتاحة وكل يوم صلي صلاة الحاجة وتضرعي فى الدعاء لرفع البلاء عنك وعن أسرتك وإذا لم تحل المشكلة ونفسيتك تعبت ومش قادرة علي هذا الوضع اطلبي الطلاق للضرر وأدعو الله يعوضك عليك بالزوج الصالح الذي يكون عونا لك وسند علي أمور الحياة فلا تستقيم الحياة بهذا الوضع فهي حياة مستحيلة لا راحة فيها غير المعاناة والتعب النفسي رافقن بنفسك وأعصابك وأولادك التي لابد من وجود حياة طبيعية وسوية لهولاء الاطفال حتي لا يتضرورن نفسيا
اختي الفاضلة والله ان قصتك دي حصلت مع اختي الكبرى لاداعي لذكر تفاصليها وشرحها لانها في نفس السياق والمعاناة والعذاب كما حصل معك بالضبط لكن الفارق بينكما انك تحملت وفرطتي في حقوقك وكرامتك كزوجة وام للاولاد عكس اختي التي كرهت العيشة مع زوجها واصرت على الذهاب للعيش في بيت الاهل وطالبته بالطلاق لانها عارفة انو زوجها استحالة يتخلى عن معاملته معها اويوفي لها حقوقها وحقوق الاولاد لضعف شخصبته امام اهله وطيبته الزائدة وطمع اهله واخواته فيه تطلقت منه واكرمها الله عزوجل بعد مرور سنة بالزواج من رجل صالح مقتدر ماديا وكان الرجل ارمل وعنده ولد واحد صغير فحصل القبول والتفاهم والرضا من الطرفين وتم الزواج بينهما وراحت لتعيش معه حياتها الجديدة ورزقها الله منه ولد وبنت توائم وهذالزوج رضي بان يعيش اولادها من طليقها السابق معهم ويعاملهم بمنتهي الرعاية والاهتمام وكانهم اولاده ولايفرق بينهم كل شي موفره لهم من سبل العيش الكريم ولاناقص عليهم شي ابدا رجل بمعني الكلمة الكل يشهد له بالتقوى والصلاح والخير اتمنى ان يكرمك الله بزوج مثله وماذلك على الله ببعيد الدنيا لسه بخير يااختي وليس كل الناس مثل زوجك واهله لا خاليك واثقة من ربنا ومتوكلة عليه وغلبي مصلحة اولادك فوق كل شي خير لهم ان يعيشوا في كرامة ورغدمن العيش ام محرومين من ابسط حقوقهم مع ان ابوهم للاسف الشديد موجود على قيد الحياة ولكنه خيره ورزقه على اهله واخواته واقرب الناس له زوجته واولاده محرومون من كلهذا تاكدي ان الله عزوجل سوف ينتقم لك من اهل هذالزوج لانهم ظلموك انت واولادك وسيطروا على زوجك وماله ولاتستغرب اذا قلت لك مش بعيد عليهم يخلوه يتخلى عنك وعن اولادك ولايسال فيكم نهاية الطمع والجشع يعمي النفوس المريضة ويدمر كل شي حلو وجميل في هذي الحياة
اختي الطيبة الزائدة منك ومن زوجك اوصلتكم الى هذة الحالة المزرية اي نعم هم اهله وملزومين منه واللي مافيه خير لااهله مافيه خير للناس لكن مش على حسابك انت زوجته واولاده لازم زوجك يعرف ان لكم حقوق وواجبات عليه من ايجاد سكن مستقل لك ولاولادك وتعيشوا في راحة وسعادة وبكرامة ويوفر لكم كل متطلبات الحياة والعيشة الكريمة ولا يقصر معكم بشي دام ان ابوه فاتح ورشة وبيكسب منها يبقى هو الملزوم بالانفاق على بيته واولاده مش زوجك اللي متغرب وبيشقى ويتعب وكمان مستغرب من جلوس اخوه الاكبر منه بدون عمل ليه ماينزل يشتغل مع ابوه في الورشة ويبقى راجل مثل كل الرجالة ويكون نفسه ويعتمد على شبابه وعرق جبينه ويجهز نفسه للزواج كذلك اخواته الببنات نعم يساهم معهم في تجهيزهن على قدر الاستطاعة وماينحملش كل العب والمسوولية على عاتقه لان زوجك طيب زيادة عن اللازوم وماقدرش يرفض لااهله اي طلب يطلبونه منه حتى لوكان ده على حساب بيته ومراته واولاده وده تفكير خاطئ وغير مقبول اطلاقا ولازم تتكلم مع زوجك وتشركي احد من اهلك في هالموضوع عشان يعرف انك لك اهل قادرين على حماية وحفظ حقوقك كزوجة وام لاولاده لو التزم زوجك بكلهذا امام اهلك واعطاك كافة حقوقك الشرعية من سكن ملائم وخاص بك انت واولاده ووفر لكم كل سبل العيش الكريم وقام بدوره كاب وزوج خير القيام دون تقصير او تفريط في حقوقكم كان بها وهذا المرجو والمامل منه والا فلاانصحك بالاستمرار معه والذهاب لبيت اهلك والعيش فيه وعدم الرجوع له الا بعد تحقيق كل هذي المطالب لك وللاولاد وان رفض كلهذا فمن حقك طلب الطلاق منه ولاشي عليك وهومطالب بالانفاق والمصاريف لاولاده ولايعفيه ذلك لان دي حقوقهم الشرعية وتاكدي ان الله عزوجل سوف يجعلك مخرجا مماانت فيه ويعوضك خير من العيشة دي وفضل الله واسع وكرمه عظيم والله يبارك لك في ولادك ويرزقك برزقهم ويسترعليك ويصلح لك الاحوال ويوفقك ويسعدك في حياتك
ياحبيبتي عادي هذولي أهله وهوولدهم وحتى لوكنتي مراته بس بتضلي بنت الناس وجمعتكم ورقه وتفصل بينكم كلمه وكلآيروح لحال سبيله لذلك خليك برى عن الموضوع
اختي الفاضلة قرات مشكلتك من البدايةحتى النهاية وتالمت كثيرالماسمعت من تصرفات اهل زوجك معك وكانك عدوةلهم مش مرات ابنهم وام لابناءهم وتعجبت كثيرامن شخصيةزوجك السلبي والانهزامي والضعبف امام طلباتهم ورغباتهم التي لاتنتهي وكلذاعلى حسابك انت واولادك واسمحيلي اقولهالك انه ليس براجل ولايستاهل ان يكن زوجا لك واب لعيالك نهايامن يفرط في حقوقه وواجباته غير جدير بتحمل المسوولية اطلاقا وانت غلطانه من الاول سكتي على هضم حقوقك الزوجية وتنازلتي عنهالاجل تقدرزوجك وماتريد خراب بيتك لكنك تماديت في التضحيةوهم تمادوافي ظلمك واكل حقوقك الزوجيةوعرفواانك ضعيفةالارادة ولااحدمن اهلك يدافع عنك اويحمي حقوقك كان المفروض توقفيهم عندحدهم واولهم زوجك هذاعشان تحفظ حقوقك كزوجة وام لاولادوتحفظ كرامتك وكرامةاهلك وكل شي وله حدود وكل شي له طاقة مايمكن التهاون اوالتساهل فيهاابدا اذهبي لبيت اهلك واخبريهم بكل شي واصري على طلب الطلاق منه فورا كي تحمي نفسك واولادك من الحرمان والذل والمهانة وربي يكرمك بالزوج الصالح اللي يخاف الله ويراعيك ويقدريسعدك
يادكتورة الوضع لايحتمل السكوت عليه اطلاقا لانك للاسف الشديد طيبة ومتسامحةزيادةعن اللزوم وزوجك دامش راجل يعني شخشيخةفي ايد اهله وانهزامي وسلبي جدا ماقدريقولهم لالا كفاية مراتي وولادي برضوالهم حقوق وواجبات مافي امراة عاقلة ترضى بهذالوضع لابدمن تدخل اهلك فورا لاجل كرامتك وحفظ حقوقك الزوجية حتى لوتطلب الامر الى طلب الطلاق منه ارحم لك ولاولادك من العيشةدي وتاكدي انك مظلومةوربك بينصفك من العيلة دي لكن اياك ان تتهاوني في حقك وحق ولادك طالبي بكافة حقوقك كزوجةوام اولاد والشرع والقانون في صفك واسال الله ان يخلصك من هي العيلة ويسترعليك ويبارك لك في ولادك ويعوض صبرك خيرا ويهدي زوجك ويصلح حاله
واضح ان زوجك طيب زيادةومعتمدين عليه من زمان فاصبح حقا لهم من وجهة نظرهم لكن بصراحة انا استغرب على سلبيتك انتي اصلا كمان لماذا تزوجتي رجل بلا عمل لماذا رضيتي بكل ذلك وللعلم انت وزوجك سلبيين انت مثله تماما ولكن هناك امل في التغير وبايدك انتي اولا ابتعدي عن هولاء باي شكل اعملي المستحيل لكي تكوني بعيدة عن اهله وتعبشوا بعيد حتى لو اجرتي شقتك وخدتي ايجار جديد بسيط صدقيني احسن من الطلاق ومش عيب انك تشركي اهلك في الحل انتي لازم تتصرفي لانهم خلاص ده طبعهم مش هيتغيروا معاكي صدقيني وزوجك عمره ماهيقول لا لكن لو بعتي مش هيعرفوا عنك شئ وانتي ساعتها الفلوس اللس بياخدوها هيدفعها في الايجار وهيلاقي المسئوليات اختلفت فغصب عنه هو اللي هيحاول مايديش وفهميه الامور ببساطة علشان يفهم هما بيعملوا ايه معاكي لما مايكنش معاكي فلوس بدون مايحس انك بتقومي بينه وبينهم وحاولي معاه لانك ببساطة جوزك فهم انك سلبيه ومستحمله والراجل بصراحة لما بيحس بكدا يتمادى ويعتمد ان المرأة تسامح ولكن الى متى
الله يهديكي ويهدي زوجك وربنا يوفقكم
كل شئ يتصلح بالوقت انشاءالله
سيبى البيت وارجعى لبيت لاهلك لحد ما يرجعلو عقله ويعرف قيمتك ولازم تعيشى فى شقه لوحدك حتى لو كانت صغيره وان شاء الله ربنا يوفقك للخير
اختى العزيزه انا شايف انك لازم تاخدى موقف ايجابى معلش اذا كان جوزك مبيفكرش غير فى اهله ودى ممكن تكون حاجه كويسه يبقى لازم انت كمان تفكرى فى اولادك واعملى حسابك لو لا قدر الله حصلك حاجه مين اللى هيهتم باولادك لازم تفكرى فيهم وفى مستقبلهم
(لا اله الا الله سيدنا محمد رسول الله )
انا بفضل الله وبتشجيعكم ليه حسيت اد ايه انى سلبية انى ما بحاولش اخد حقى لانى بعد كله كنت لسه خايفة اكون غلطانة وانى اكون انانية لكنكم وضحتولى ان مش حرام انى احافظ على حقى وحق ولادى ووقفت وقفة مع زوجى قلت حتى لو وصلت للطلاق هكون عملت اللى عليا ادام ربنا وفعلا طلبت منه حد يحكم بينى وبينه فى مشكلتنا وبعد مشادات وارتخائات وحاجات كتيرة توصلنا لحل دون ان ندخل حد بينا وهو ان يكون فى مرتب ثابت للام والاب ما يزودش عنه يكون شهرى اما بالنسبة لاخته المخطوبة هنجيب لها الاجهزة الكهربائية وبس ومالناش دعوة بحاجة تانى بالنسبة للناس اللى بتقولى اشتغلى انا كنت فعلا بشتغل الى ان حصل اول حمل وحصلى اجهاض بسبب ان المكان اللى كنت بشتغل فيه كان مستشفى وكنت الزامى علية انى ادخل اماكن اشعة ومسح ذرى وجاما كاميرا وده غلط على الجنين ولذلك اضطريت انى اترك عملى لما حملت فى الطفل الثانى عشان احافظ عليه وما كانش ينفع اخد اجازة لانى كنت بعمل بعقد وانا دلوقتى فعلا بحاول ابحث عن عمل ولو انكوا عارفين اد ايه صعب لان البطالة مالهاش دعوة انا معايا شهادة ايه بالعكس دبلوم التجارة تقدر تشتغل اى حاجة لكن انا مقدرش لان صاحب العمل مش هيوافق وعلى فكرة ده عن تجربة مش كلام وخلاص عامة انا بشكركم جدا انكم دعمتونى وحمستونى انى ما اتنازلش عن حقوقى جزاكم الله كل خير
شكرا جذيلا على كل من اهتم ورد على مشكلتى
ربنا يكون في عونك علي العيلة دي بس لازم تعملي مع جوزك وقفة وتقولي لية اللي يحتاجة البيت يحرم علي الجامع
السلام عليكم
انتي اول ماتزوجتي كنتي بتشتغلي بدليل انك قلتي انه زوجك في الأول مايشتغلشي وانت تديه فلوس
ليش انقطعت عن العمل..لما اشتغل زوجك ليه بطلتي عمل وليه ماستأجرتيش بيت وبراتبك انت وزوجك كنتو تعيشوا كويسين وبعيدين الى حد ما عن المشاكل
المهم، إنتي بتلومي نفسك كثير بإنه زوجك إنهزامي قدام طلبات اهله خصوصا إنه مقصر في حقكم بالمقارنة مع أخواته ووالديه..آسفة بس باين كمان انه انتي كمان إنهزامية شوي لانه انتي لغاية هلا ساكتة ومخبية على أهلك يعني إنهزامية زوجك بسبب طيبته الزايد عند حدها صبتك انتي كمان بسكوتك عن حق ولادك..
أنا ماراح أقولك انه زوجك غلطان مائة بالمائة..لانه أمه وأبوه هما الي راح يدخلوه الجنه لو راضيين عليه فأي حاجة بتكون للأب أو الأم أنا معاه وأتصور أنه إنتي كمان لما تكبري بتحبي أنه أولادك يعطوكي ويودوكي.. فبالنسبة لكرمه مع أمه وأبوه أنا ماقدرشي أعترض عليه وماأقدرشي أناقش فيه..
بس بالنسبة لإخوته الي بيشتغلو وبياخذوا فهذا أعترض عليه ولازم توقفي زوجك عن الإنصياع لأوامرهم وتوظعوا حد لجشع إخوته لأنه لو تواصل راح يصير أكبر وأكبر.. ولازم تفهمي زوجك إنه إنتي مستحيل تواصلي معاه لو إستمر الحال هيك وفهميه إنه يقدر يعمل راتب شهري لأمه وأبوه بس وفوق هالراتب مابيزيد شئ لأنه كمان مسؤول عن زوجة وأطفال ومن حقهم يعيشوا معززين مكرمين.
كمان إنتي مدام صاحبة شهادة حاولي ترجعي للعمل ولما تتحسن شوي الظروف روح إستأجري بيت صغير وترا الحياة في هالعصر مثل السلة لازم يشيلوها إثنين من شان يخففوا الحمل عن بعض ومن شان يقدروا يكملوا فيها
ربنا يوفقك ويهدي زوجك إنشاء الله
جوزك سليبى ولازم تخدى معه موقف ولو معرفتيش تخدى موقف روحى لى اهلك بتبيعت كلامك انك مش وخده على البهداله واهلك هما اكتر ناس هيخافوا عليكى ومفيش حما كويسه كلهم استطتعين انا فى من مشكالك كتير بس متوصلش للاكل والشرب انا جوزى اهالوا استطعين جدا انا وقفت اقصدوا كتير وخدت موقف وانتى كمان لازم تخدى موقف منوا وربنا معاكى
ربنا معاكي اولا ويقويكي ويصبرك علي ما بلاكي
بس الحل الوحيدانك تنزلي شغل وربنا يقويكي
علي اولادك
بجد انا محتار فى كلامك وتعبت من الا بيحصلك لان الا بيحصل ده اسمه حرمان وجوع وعيون نقصه من الناس الا انتى عايشه معاهم واسف ازى دكتوره تاخذ من ناس زى دول اسف ممكن زوجك كويس بس المهم العيله وعايز اعرفك بجد اسف لما تخدى واحد علته محترمه وناس كويسين وبخافوا على اولادهم كلهم زى بعض ويعرفوا ربنا بجد دى اهم حاجه قربى لربنا وادعى لانه هو بس الا هيطلعك من الا انتى فيه وياريت انتى شوفى شقه بره حتى لو ايجار جديد على قديكوا وقوليلوا انك لزم تمشى من البيت عشان العيال وكمان عشان احس انى انا ملك انت وانت ملكى انا وبجد لو خرجنا الحب هيرجع اكتر لكن كده انا مش قدره وبالنسبه للايجار انا الا هدفعه ولزم نبدا حياه جديده لعيالنا بس تقليله الكلام ده وانتى كده معاه ومبسوطين ولبساله لبس مغرى وكده انتى فهمه ومتخلصيش الكلام الا انتى وخده حل يعنى قولى خلاص هدور على شقه وانت كمان والا هيلقى احسن ناخذها دى بدايه حل المشكله وبعد كده كل حاجه هتتحل حاجه حاجه بس حولى تخلى فلوس لعياليك عشان اكلهم من وراه هو ممكن حرام بس ده انتى مطره وربنا معاكى واهم شى مش تعصى على اهله بس فهميه ***
ياستى انتى ليه راميه شهادتك جانب ماتروحى تشتغلى انتى دارستى فى اصعب كليه عشان تقعدى كده تستنى شغله البسيط اللى مش بجيب حاجه ويصرفه على اهله انتى لو اشتغلتى هتبقى اقوى من كده بكتير حتى الاطفال سبيهم معاهم وقوليلهم ظروفناضيقه لازم اشتغل ساعتهاهو يقولهم انك نازله شغل عشان العيشه غاليه يعنى اخته اللى دبلوم تشتغل وانتى قاعده ماينفعش كمان هو وقفيه عند حده اه انت مالك لابيك لكن اللى يعوزه البت يحرم على الجامع خلى بالك الاساس موقف الواحده من الاول يعنى تقفى جنبه لومحتاج اه لكن تجوعى نفسك انتى وعيالك عشان يصرف على اهله واخواته كده ربنايحاسبه وقوليله ده اناعلى فكره كنت نفس الموقف لكن فى الخطوبه يعنى سافر واتغرب 10سنين واتجوزنى فاضى لكن وبالفعل صب لاخوه الشقه وعامله كل حاجه لحد الجواز وقفته عند حده من اول يوم قولتله خلاص اديهامصروف مش هقولك حاجه لكن اكتر من كده معنديش ولاخوات بنات ولاصبيان خدى بالك اناكمان فى بيت عيله لكن شقتى لوحدى فوق محدش بيدخل غير باذن عامله حدود لكن هقولك دول من الواضح انهم ناس مفتريه معندهمش ذوق ولاحياء عشان كده بقلك اشتغلى تقدروا تحوشوا اى مقدم شقه بعيد عنهم وغيرى شويه من تساهلك كده معاهم لازم يعرفه قيمتك طب ايه الفرق بين المتعلمه اللى تقدر تغير ظروفها وواحده ولاحول ولاقوه لان مفيش بايدهاسلاح تستخدمه قدمى فى اى شركه ادويه اى مستشفى وربنايسهلك الحال انتى حسنى وضعك الاجتماعى ارفعيه هو معاكى وابعدى عنهم وعن ارفهم لازم تبقى اقوى من كده بالتصرف الصح مش بالخناق والمشاكل وفهميه يرضى اهله مش على حساب زوجته واطفاله اتمنى اسمع عنك كل خير
السلام عليكم ورحمة الله وبركاته(ماعرفش ايه اللى مصبر حضرتك على كدا بصراحه انتى حضرتك موقفك
سلبى جدا وبعدين الناس شافو حضرتك طيبه زياده عن اللزوم بيحاولو يستغلوا حضرتك المفروض يبقا
ليكى موقف من اللى انتى فى ده شكل الناس دى استغلاليه ام متسلطه وكدابه واب ملوش وجود واخوات
بستغلوا الظروف وحده غير حضرتك كان لازم يبقا ليها موقف غير كدا وزوج حضرتك بصراحه سلبى مش
عاوز يزعل اهله على حسابك انتى المفروض تفضلى تتكلمى مع زوجك لو مش نفع دخلى ولدك اخوكى
عمك اى حد من العيله هما شافو حضرتك لوحدك فبيستغلوا حضرتك ودى بصراحه غلطتك من الاول
لاانك وقفتى موقف سلبى من الاول الحل لحضرتك تدخلى حد من اهلك فى الموضوع بدل ما انتى قاعده تحرقى
فى دمك كدا عشان عيالك اهل جوزك بصراحه مع الاسف ناس مش كويسين سورى يعنى على طريقة كلامى
بسم الله الرحمن الرحيم
اختي الكريمة انا عندي لكي نصيحة واحدة بس وهي طول ما ابوه وامه عايشين اوعي تفكري انك تقولي له ماتعملش كده او ماتسويش كده ( انت ومالم ملك لابيك ) وبعد عمرين طوال لما يموتوا تقدري تحاسبيه صح وتضعي حدود للعلاقة بينه وبين اخواته لان المفروض ان اخته في عصمة راجل المفروض يعني انه بيصرف عليها ولكن يساعدها لو هي في شدة فقط ودي حقها عليه غير كده غير مقبول منه ، ومن حقك انك تحافظي على بيتك وعيالك وحقهم في ابوهم سواء معنويا او ماديا وده شيء غصب عنه لازم يوفيه حقهم ….وربنا المستعان
اختي الكريمه هقولك حاجه انا قريت كل المشاكل اللي موجوده في مشاكل الازواج وكل مشكله اقراها كانها بتتكلم عن حياتي فانا الحمد لله كل مشكه من مشاكل الزواج تخطر على بالك او تتخيلها تلاقيها عندي وعشتها ومع ذلك الحمد لله على انه ابتلاء من عبيد الله مش غضب من الله تصدقي بالله انا مشفتش فلوس جوزي غير بعد حوالي 12 سنه جواز كل فلوسه كان يديها لاهله وعلى رايك كنت بقول امه وابوه ده حقهم عليه تعبو وربو ابنهم ده حقهم لا كمان اخواته البنات واخوته الاولاد واولاد اخوه يصرف عليهم مش يصرف عليهم لا كل فلوسه ليهم وكان بيشتغل شغل كويس وبيعمل مبالغ عاليه اوي هم كانو يتفشخرو بفلوس جوزي وياكلو ويشربو وعلى رايك الواحد اولاده كانهم شحاتينبس بس انا شايفه ظروفك احسن مليون مره من ظروفي لانه انتي انسانه متعلمه وتقدري تشتغلي على عكسي انا اتجوزت وما كملتش تعليمي انتي تقعدي مع جوزك وتفهميه انه ليه زوجه واولاد وهوا عنده بيت وبيته محتاج مصاريف اخواته كبرو وبيعتمدو على نفسهم واللي عايز يتجوز يشتغل ويتجوز اما امه وابوه ده حقهم ولو ما بتقدروش جوزك يفهمهم الوضع واكبر عيب في الزوجه اللي بتسكت عن حقها انا سكت كتير زي ما انتي عملتي كده بس دفعت التمن غالي كل حاجه ليها اولويات والبيت والاولاد هم في الدرجه الاولى ولما تعملي اكله ابعتي طبق لحماتك منها تعرف انتي كل يوم بتاكلي ايه ومنها انك بتطبخي وتطعميها ولما تعوزي فلوس ابعدي عن اهلك اوعي تستلفي منهم خليه هوا اللي يستلف علشان يعرف انه عليه دين ومسؤليات ويحافظ على فلوسه
يا ريت تكون النصيحة بعيدة عن المشاكل لانى ما بحبش اعمل مشاكل مع حد ومقدرش اقول لا هلى الن امى ست مريضة ما ينفعش ادخلها فى مشاكل وابويا من النوع الشهم مش هيردى يعمل مشكلة وكمان انا ما احبش اضع زوجى فى موقف حد يحاسبه لكن انا عايزة حل انا اعمله مع العلم انى اتكلمت معاه كتير بالعقل وبالزعل وكل مرة يقولى معاكى حق بس هو من النوع اللى ياخودنى على اد عقلى ويعمل اللى فى دماغه خايفة البيت يتخرب بسببهم وخراب البيوت مش سهل خاصة ان فى اطفال
اختي الحبيبة في البداية احب اشكرك علي صبرك واقولك انتى من جمال بس عايزة اقولك انك غلطانة مينفعش كدة انتى مش لواحدك انتى معاكى اطفال تتنازلى عن حقك ممكن لكن هما زنبهم اية استغلال وتحكم مش عارفة لية انتى اللى سبتي الحبل على الغارب من الاول عرفو انك سهلة مالكيش حد انا معاكي ان الواحدة ماتقولش لاهلها بس لما تبقي مواضيع خاصة مش كدة لازم توريهم الوش التانى وتقولى لاهلك وتكبزي الامور ماتصغرهاش اظن انك طول السنين اللى فاتت كنتى طيبة اما جوزك واجهيه هدديه حتى لو سبتى البيت انتى الكسبانة مع تحياتي لكي وربنا معاكى وياريت تطمنيني عليكي
السلام عليكم ورحمة الله وبركاتة
الربنا معاكي يا دكتوارة ويهدي اهل جوزيك يا رب ويبارك في اولاديك ,بس من فضليك ليه مش تعرفي اهليك لازم لازم تعرفي اهليك اللي ملوش كبير بيشترى كبير ,والاولاديك لو كبيرو في جو بالشكل ده بعد الشر ممكن يطلعو كده والله ما عارف اقول لحضرتيك ايه ربنا معاكي ويصلح حاليك وحال جميع المسلمين
اصبرى واحتسبى وانصحى زوجك بينك وبينه ان يهتم بأسرته شوية قال رسول الله صلى عليه وسلم خيركم خيركم لأهله وانا خيركم لأهلى وادعو الله ان يغير حالك لاحسن حال انه ولى ذلك والقادر عليه وبشر الصابرين
كلميه الوضع ده لايسكت عليه ولو مفيش نتيجة حاولي تتفاعلي مع الناس دي وتحافظي علي حقك ولو محصلش نتيجة يبقي اهلك لازم يعرفوا