زوجى مسرف جدا مع اهله واهله طماعين كلما اعطاهم يطلبون المزيد هو يعمل بالسعوديه عنده مشروع فى مصر تعليف المواشى بحكم اننا فى الارياف تديره امه واخيه الصغير يبعث بالنفقه لهم كل شهر واحيانا كثيره فى الشهر مرتين وبالالاف ولا يجيدون حرجا فى طلب المال منه بأصراف تام كما ان المشروع دخله كله لهم من اللبن والجبن والسمن وامه تقطر عليا فى هذه الاشياء رغم احتياجى لها فى بيتى وانها ملك زوجى مما يجعلنى اشتريها ..قام زوجى ببناء عماره من 3 ادوار حماتى تريد ان يقوم بتكمله البناء من اجل اخوته الرجال مع العلم ان اخوته يعملون ولهم دخلهم وبالفعل وافق زوجى على ان يتكفل بتكمله البناء رغم انه البناء من الاساس على تكلفته
اللي بيعمله زوجك حرام عليه انت برضو زوجته وام اولاده مش كل حاجة لااهله يحول لهم الاموال ولايسال فيك انت والاولاد وكمان موضوع العمارة اللي يبنيها لهم لازم اخواته الرجال يشاركون معه في بناء تلك العمارة وتكملتها الموضوع كبير وفيه اجحاف وظلم لزوجك ولك ولاولاده لازم تتكلمي معه في هذا الشان او تخلي احدمن اهلك يتكلم معاه الدنيا ماحدش عارف ايه اللي بيحصل فيها ولاحدش ضامن عمره لازم يامن مستقبلكم انت والاولاد ولايخليش كل حاجة لااهله يتصرفون فيها كيف مايشاءون قد يكون زوجك طيب زيادة عن اللزوم وحنين على اهله لكن مايكونش ده على حسابك انت والاولاد هتلاقي بكرة النهار اهله مستحوذين على كل شي وربما يطردوكم من العمارة اللي بناها من شقاه وعرق جبينه وغربته وتلاقوا نفسكم في الشارع او في مشاكل وخلافات مع اخواته عمرها ماتنتهي ابدا