انا متزوجة من خمس سنوات وعندى بنت وولد وعمرى 24 سنة ومشكلتى مع زوجى من فترة الخطوبة كان بيسمع كلام اهلة فى كل حاجة وخصوصا اختة \اول مشكلة لما عمل فرح لاختة بفلوس شبكتى \وثانى مشكلة لما وعدنى بفرح واجل فرحنا 5شهور علشان يجيب حجات لاختة جوزها مش عايز يجبهلها وطبعا معملناش فرح علشان فلوسة خلصت وكل دة كان عادى وبعد الزواج بقى اهتمامة الاول والاخير اهلة وفى كل شئ ياخد رايهم وعلى طول بيقارن بيا وبين اختة وزوجة اخوة وتدخل اهلة فى حل مشاكلنا كان بيعقدها اكتر ودايما طمعنين فية علما بان والدته معاها فلوس وببتدى للكل ماعدا هو ودة مش فارق معاية لاكن المشكلة لما بيطلبو منة فلوس واحنا نستلف فلوس من اهلى حتى مصاريف مدرسة البنت اخذتها من اهلى وكل لما بطلوب منه فلوس يقولى ممعيش شوفى انتى عايزة اية وانا هجبهوليك واهلة مفهمينة ان انا بتكبر عليه ومش عرفة اعمل اية لان العمارة الى ساكنة فيها اخواتة ساكنين فيها ولما بنحاول نحل مشاكلنا لوحدنا بيسمعوا صوته وبيطلعوا وبردة بيتدخلو وكل لما اطلب منه ان احنا نعزل يوافق ومجرد ما اهله يعرفو بقول لا انا هنا فى وسط اهلى ارجوكو حد يقولى اعمل اية علشان هما مش بس بيتدخلو فى حياتنا بس لا كمان بيتدخلو فى تربية الولاد وبيعلموهم الشتائم وحركات وحشة كتير ارجوكم سعدونى …
يااختي لازم تشركي اهلكي في هذة المشكلة قبل فوات الاوان وتطالبي بحقوقكي الزوجية من بيت خاص مستقل عن اهله منعا لتدخلاتهم في حياتكم ويقوم زوجك باعطاكي مصاريفكي انت والاولاد والبيت وكل شئ هو قائم به الراجل يتحمل مسولياته من زوجة واولاد وبيت غير كدا ماينفعش تسكت على الوضع ده لانو فيه هدرا لكرامتكي وحقوقكي انتي واولادكي
عزيزتي مع احترامي لك زوجك ده مش راجل ولاعنده ذرة من الرجولة او الكرامة ولاعمرو هيعرف قدرك او قيمتك طالما انه بالشكل ده شخصيته ضعيفة امام اهله ولايقدرش يتخذ قرار الابهم يعنى بصريح العبارة طرطور ولا له لزمة انصحك بالاسراع في طلب الطلاق منه دون تاخير وتلزميه بالنفقة لاولادك الصغار فهو ملزوم بالانفاق عليهم حتى يكبروا وانت عيش حياتك لسه صغيرة وشابة بعز العمر والف من يتمناكي زوجة له هتلاقي نصيبك مع ابن الحلال اللي فعلا يستاهلك ويقدرمشاعرك ويصون الحياة الزوجية ويراعيها ويسعدك طوال حياتك معه بالتوفيق لك