سلام عليكم لو سمحت انا كنت مخطوبه وأنا 14 سنة واتجوزت 18 سنه وانفصلت وانا لم اكمل 21 سنه حصلت مشاكل كتيره اوي ايام خطوبتي وكانت تؤدي للانفصال لكني استحملت وصبرت لاني كنت بحبه اتجوزته وبعدها اتغير ف المعاملة إهمال من كل حقوقي الشرعيه والماديه حاولت احلها بكل الطرق بس هو ماكنش بياخد ف باله حاجه صبرت كتير اوي ع اهانات ومشاكل مش بتخلص منه ف انا ضعفت للشيطان واتعرفت ع شاب معايا ف الكليه وقابلته كذا مره لكن لم يحدث بنا اي تجاوز وكنا بنتقابل ف الكليه وبعدها حسيت بالندم وقطعت علاقتي بيه وحاولت ارجع تاني لجوزي واحاول اصلح منه لكنه لم يستجيب لي ف اي شئ رغم ذلك معامله أهله ليا التي لا ترضي الله حصلت مشاكل ف شغله وسابني ومشي من غير ما يقولي ف ايه وسافر وسابني ف ديون شغله لوحدي وماكنش بيرد حتي عليا ولا اهله كنت اعيش ف شقه ايجار وصاحبها طردني منها لان عليه 8000 ايجار متاخر ع الشقه وكان ماضي بكده ف اهلي دفعوا الفلوس وانا قعدت عندهم 6 شهور وهو ولا بيسال فيا ولا بيبعت ليا فلوس وراح عند اهله يومين وأنا بدور عليه شبه المجنونه اتصلت بوالدته اسألها عنه قالتلي مش موجود بس انا سمعت صوته وهو اعترفلي بعدها انه كان هناك غصبني ع العيشه مع اهله ف بيت واحد يا إما يتجوز عليا ف رفضت وطلبت الطلاق منه ووافق وبعدها بيوم كلم بنات كتير اوي ف علاقات محرمه ع النت وانا عرفت حاولت ارجعله وفعلا حصل ورجع من السفر وطلب يقابلني وبغدها طلب حقه الشرعي وافقت بدون علم أهلي واديته فلوس واتفقنا ع كل شئ ف حياتنا وان احنا هاتبدء من جديد عدي يومين ورجع تاني لاهله وبعت لوالدي حد من اهله يقوله انه عاوز يطلقني ف انا تعبت وادمرت نفسيا رجع بفتره كلمني وحاول يعتذر ووافقت ع كده واتحديت اهلي بيه لكن محصلش نصيب برضه وهو رجع رفض ولما طلبت الطلاق سب ليا الدين ف قولتله طيب نحاول نحل اللي بيحصل قالي انجدي نفسك مني انا اهلي مش بيحبوكي وهاتعيشي هنا ف نار ف سكت وبعدها قفل التليفون ف وشي وفضل تليفونه مقفول لمده شهر كامل اتصلت بوالده عشان يطمني عليه قالي انه كويس ولما قاله يكلمني فضل يزعق معايا وقالي لو ابويا قالي اطلقك هاطلقك ولو قالي ارجعلك هارجعلك انا اتصدمت وحزنت اوي صليت استخاره ونويت اطلق واتنازل عن حقي وفعلا انا اللي روحت لحد عنده انا واهلي وطلبنا الطلاق ولما روحت لاقيته عايش حياته بمعني الكلمه وقالع دبلته واول ما طلبنا الطلاق وافق وهو اللي راح جاب المأذون وطلقني وانا حاليا مع اهلي فعل ده ذنبي رغم قسوه معاملته ليا ف الجواز بالفعل والكلام وغلطه فيا انا واهلي انا احساسي بالذنب هيموتني للعلم انا ندمت وتوبت لربنا وبقيت أحسن بكتير الحمد لله وانا امي عاوزه تشتكيه بايصلات امانه لانه كان واخد منها فلوس ومضي ليها ف لو عملت كده يكون احنا كده بنعصي ربنا
انت خليته يتمادى في اذلالك واهاناتك كل مرة يطلقك وترجع ليه وكل مرة يطلق ويرجعك وانت راضية بهذا الوضع المشين على نفسك وعلى اهلك وكرامتهم وسمعتمهم شخص واطي وخاين وحقيرولايقدر الحياة الزوجية وليس كفو لها الحمدلله انك لم تنجب منه والا كان وضعك اسوء بكثير وماحدش عارف كيف تخلصين منه والان تطلقت منه وهذا المفروض اللي كان بيحصل من الاول تاكدي انك استرحت منه للابد وربنا بيعوضك ويرزقك باحسن منه الف مرة ياقمر هتلاقي نصيبك جاي لامحال مع ابن الحلال اللي يستاهلك ويقدرك ويصون مشاعرك ويسعدك طوال عمرك ومسالة لو كان لكم فلوس عند الحيوان ده ومع امك ايصلات عليه من حقها تشتكيه وتطالب بحقها انت ليه معترضة على كدا لازم يرجع لكم حقوقكم المادية واياك والتسامح اوالتساهل معه