رميت يمين الطلاق على زوجتى بعد شهر زواج لانها قالت لى انت مش راجل ، المشكله لها خلفيه من أيام الخطوبه كنا دائمين التشاجر و العراك و بسبب تدخلات الاهل الايجابيه و محاولات الصلح كنا نكمل الخطوبه بعد كذا قرار بالفسخ ، هى تحبنى و أنا أحبها و لكننا غير متفاهمين ، فى ذلك اليوم المشئوم كانت تعبانه و عندها نزيف بسيط فطلبت منى أبات معاها عند أهلها علشان تبقى جنب والدتها لكن أنا رفضت أبات معاها و قلت ممكن أوصليك تباتى انتى و ارجع أنا أبات فى شقتنا لوحدى ، اتضايقت جدا و رفضت الحل ده ( هى لما بارفض لها طلب بتقلب الجو نكد و تبويز ) ، قالتلى ( بنرفذه ) إنزل بقا دلوقتى هاتلى سباك عشان يصلح حنفية المطبخ رديت عليها ( بنرفذه بردوه ) مش هانزل و انشاء الله يولع البيت ، بصوت عالى قالتلى ( أنزل انا أجيبه طالما البيت مافيهوش راجل ) ، الكلمه كانت زى جردل ميه مولع نزل على دماغى ، مسكتها من قفاها جامد جدا و قولتلها انتى اتجننتى اياكى تقولى الكلمه دى تانى ، كررتها 3 مرات بشكل مختلف ، قمت لبست هدومى و قولتلها ( انتى طالق ) و نزلت ، أضف الى ذلك انها دايما تسيب البيت غير منظم و كل حاجه مرميه شمال و يمين ، هى نظيفه بس غير منظمه ، أنا عايز أعرف دلوقت أنا اتسرعت و لا لأ ، و رغم انى بحبها بس مش عايز ارجعها تانى أبدا و فى ناس بتلومنى على كده ، أنا بجد محتار .
مش هكون قاسي معك اكثر من اللازم لكن انت غلطان وتصرفاتك تدل على هذا وليست الرجولة بفرض عضلاتك على مراتك وضربها واهانتها وتسرعت كثير في طلاقك لها لو تحبها فعلا راجعها وتسامح معها مافيش احسن من التفاهم والحوار بين الزوجين
الرجولة مواقف يا اخ
ايه اللي عملتو ده ياراجل هو الطلاق عندك زي الميه اللي تشربها حرام عليك مراتك ماقالتش حاجة تستاهل انك ترمي عليها الطلاق بصراحة ربنا انت مش راجل ولاعندك ذرة من الرجولة وفاهم المرجلة غلط فيها ايه لو مراتك باتت عند اهلها لانو والداتها مريضة او عاوزه حد بجنبها يراعيها وكمان فيها ايه لو طلبت منك تجيب سباك يصلح حنفية المطبخ او الحمام مش ده بيتك وانت مسوول عنه وعن اصلاحه وعيب اووي انها تنزل وتروح تجيب السباك وحضرتك موجود ومحسوب عليها راجل وعيب اووي انك تضربها او تهزقها وتغلط عليها بدون سبب دي هي الرجولة في نظرك ياجاهل يامتخلف يا خسارة لوكانوا كل الرجال زيك كدا والله انك ماتستاهل الجزمة اللي في رجلين مراتك ولاعمرك هتكون راجل ولاتعرف معنى للرجولة وربنا ينتقم منك طالما انتو مش رجالة تتزوجوا بنات الناس ليه وتهبدلوهم معاكم جاتكم القرف رجالة عرة