انا متزوجة من 3 سنوات وعندي بنت وكانت حياتي عادية لحد من شهرين داخلت حياتنا واحدة كان بينها وبين زوجي شغل وبعدن الشغل خلص واستمرت علاقتهم واصبحوا بيتقبلوا ويتكلموا في التليفون بسبب او بدون سبب ولما اتحنقت معها قالي انت مش من حقك تحديدي انا اكلم مين وبدا يتخانق معيا علي كل حاجة حولت اتكلم معها كان رافض كل الكلام حاولت اتجاهله مقدرتش لاني بحبه فسبت البيت لمدة يوم ورجعت تاني وحولت اتكلم معه لكن مكنش بيسمع وبقي شليف كل حاجة حلوة بنا حاجة تقرف وفضلنا نتخانق لحد ما حلف عليا يمين تحريم وقالي انت ماتلزمنيش حاولت استرضيه وكفرنا اليمين واتفقنا انه قطع علاقته بيها واني مش هتدخل في حيته تاني وفجأت بعديها ب3 ايام انه بيكلمها تاني اتخنقت معها وقلتلوا طلقني قالي ماشي وكلمت اهلي وجم البيت وامي اتخنقت معها وزعقت فيه (بس مشتمتوش) وحاول خلاني يكلموه (انا يتيمة الاب) ولكن اصر علي النزول من البيت وفعلا نزل وكل ما احاول اكلمه بعد كده يشتمني ويهزءني وقولي انتي واهلك هزءتوني وانا هسيبك متعلاقة وبيقول لاهله اني انا واهلي هزءناه وانه نمكنش بيكلم حد وان حياته معيا جحيم اعمل ايه؟؟
لاحول ولاقوة الابالله العلي العظيم يااختي كان الله بعونك طالما انك عرفت انه يخونك مع الست دي اللي تعرف عليها ومش عاوز يقطع علاقته بها ويتقي الله فيك وفي بنته الصغيرة فلازم تطلب الطلاق منه حتى كان بالخلع واشتري كرامتك وسعادتك وخليه يغور عمرو مايلاقي خير ابدا طالما انه خاين ولايقدر الحياة الزوجية وتلزميه بالنفقة الشرعية لابنتك فده حقها اوعي تتنازل عنه ابدا وعيش حياتك حتى يكرمك الله بالزوج الصالح اللي يخاف الله ويقدر معنى الحياة الزوجية ويراعي ربنا فيك وفي بنتك ويعوضكم خيرا ان شاء الله
اختي العزيزة مع احترامي ليك زوجك هذا خاين ولايستاهل دمعة من عيونك الحلوة عليه اطلبي الطلاق منه فورا واياك ان ترجع له ابدا لاجل تصون كرامتك وكرامة اهلك ومسالة انه مش عاوز يطلق ويخليك معلقة فالمحكمة تنصف منه وتجيب لك حقكي وغصبا عنو وعن اللي خلفووه يطلقك ويدفع لك النفقة والمصاريف لابنتك الصغيرة اوعي تتنازل عن حقها او تفرطي فيه وهو يغور في ستين داهية مع الساقطة اللي يعرفها وتاكدي ان الله عزوجل سوف ينتقم منه ولن يؤفقه ابدا وبيكرمك وبيعوضك الله خيرا منه
لا اله الا الله
مش عارف أقول لك ايه لكن الواضح ان زوجك وقع في غرام الست دي
عموما انتي اعملي كل اللي عليكي لاسترجاعه دون التنازل عن كرامتك
وان رجع فهو خير وان طلقك تبقي دي إرادة ربنا طالما انتي ما قصرتي في حقه
وخليه في طريقه لحد ما يعرف الصح من الغلط
اما انه يسيبك متعلقة دي مش يقدر عليها لان القضاء في صالح المراة بكل الاحوال