باختصار انا متزوج من شهور قليله عندما رأيتها كان جل اهتمامى على الاخلاق والطاعه وقد حصلتهم الحمد لله ولكن عندما تكشفنا لبعضنا اكتشفت انها ليست جميله كما كنت متخيل هيا قالت لى ان شعرها ليس جيدا وساعتها لم اعير اهتماما لانى ليست لى اى تجارب سابقه وقلت فى نفسى مش مهم المهم الاخلاق وعندما كنت انظر اليها فى كتب الكتاب كانت محجبة وهيا اصلا منتقبة وبعد الزواج اكتشفت انها لم تكن تعتنى بجسمها نهائيا لانها حسب قولها ان والدتها كانت تقول لها لما تتزوجى المهم هيا تحبنى بجنون وانا لا اكرهها وانما اصبحت اتطلع الى الافضل وافكر فى الزواج الثانى بشده فا انا قلبى يؤرقنى
مشاكل الازواج
اكتشفت ان زوجتي ليست جميلة وافكر في الزواج الثاني
اضيف بتاريخ: Thursday, March 24th, 2011 في 11:19
كلمات مشاكل وحلول: الزواج, الزواج الثاني, مشاكل الازواج, مشاكل زوجية
اعجبني رد الاخت -سارة- ورشا- زائر – على كل ماذكروه لصاحب المشكلة واتفق معهم واتمنى ان يعلم ان الجمال الحقيقي للمراة هو في الدين والاخلاق والروح وليس جمال الشكل وتحياتي للجميع
نفس مشكلتي بالظبط من اكثر من عشر سنين وانجبت منها والي الان افكر في الانفصال ولكن يصعب القرار بعد وجود اطفال الشخص اللي بيقولك ام حاجه الاخلاق بس متسمعش كلامه لازم تكون مع الاخلاق وحده تعفك عن الحرام في ظل الفتن التي نراها اللهم فرجا قريبا
اتفق مع كلام الاخوات -سارة- ورشا- في كل ماذكروه للاخ صاحب المشكلة فهو عين الصواب والراي الصحيح اللي مفروض يعمله والله يصلح ويهدي احوال الجميع والجمال هوجمال الروح وليس جمال الشكل يااخي احمدالله ان زوجتك على دين وخلق وتربية فاضلة فهذي في حدها نعمة كبرى الكل يتمناها في شريكة حياته ولئن شكرتم لازيدنكم
الحل الودى
شوف يا اخى الفاضل نصيحتى لك انك لو تقدر تتجوز تانى اتجوز واتكل على الله ما تخليش نفسك فى حاجةاتجوزاحدة تانية فىها مواصفات مش موجودة فى مراتك يعنى لو زوجتك الحالية سمرا مثلا اتجوز واحدة بيضة لو رفيعة اتجوز واحدة ملفوفة لو صدرها صغبر اجوز واحدة بنهودعيش حياتك يا ابنى احسن لك وما تسمعش كلام الستات ما فيش واحدة ها تقولك اتجوز على مراتك واسمع كلامى قبل ما يتاخر بيك السن وما تقدرش تاخد قرار وى دة تانى انت صغير دلوقى واى واحدة ها تردى بيك لكن لو كبرت ها يبقى فبك العبر وصدقى احلى حاجة فى الدنيا انك يكون معاك زوجتين وخلف عيال من التنين يامنو بربنا ويوحدوة وتبقى كد اديت رسالتك فى الدنيا بنجاح واللة الموفق
اخي في الله في سنه 2011 ما فيش حاجه اسمها بنت مش جميله يعني لو المشكله عندها كرش شهر او شهرين تمارين شد بطن تبقى خلاصت من الكرش نهائي وتشرب كل يوم ملعقه كمون ناشفه وتشرب وراها كبابه مي هيجيب نتيجه هايله انا الحمد لله عندي 4 اولاد وما عنديش كرش ولا حتى عندي تشققات في البطن وده كله بيرجع لعنايه الست بنفسها ده اولا ثانيا لو عندها حبوب في الوجه حلها بسيكط جدا خليها تجيب معلقه نشا تخلطهم بماء الورد لغايه ما يكون زي اللبن وتدهن وجهها كل يوم من اول ما تصحى لغايه ما تخلص شغل البيت وبعدها تغسل وجهها ده بيعطيها نعومه وبيفتح البشره وبيزيل الحبوب والبقع او تجيب خميره عاديه وتدوبها في شويه ميه لغايه ما تخمر وتخلطها مع اللبن الزبادي وتدهن وجهها حوالي ساعه وده بيدي نتايج هايله وسريعه وبيخلي وجهها مشرق ومتالق بالنسبه لانفها لو كبير شويه كل يوم تحد عليه شرائح ليمون لغايه ما تتخلص من كل الدهون الموجوده في المنطقه دي وايه تاني ممكن يكون مش حلو في البنت لو رموشها قصيره تدعن كل يوم زيت خروع لغايه ما رموشها تطول اوي شعرها هيا كل ابوع تروح وتعمل حمام زيت لشعرها ده علشان صحه شعرها وكمان في طريقه تقدر تعملها تروح على الصالون وبيحطولها ماده على شعرها بتخلي الشعر ناعم زي الحرير حوالي من 6 الى سنه خليها تستخدمها وعلى ما اظن ان الماده اسمها ويلا ستريت تصور تشوفها كل يوم بشعر زي الحرير وبدون ما تروح للكوافير او حتى تستخدم السيشوار ده حلينا مشاكل كتير اما لنعمومه رجليها هيا اول حاجه في حجر خاص بالرجلين تقدر تستخدمه وبعدها تجيب فازلين وتخلطه بزيت عباد الشمس وزيت الخروع وتدهن رجليها وتلبس جوارب وبعد فتره هتكون رجليها انعم من رجلين الاطفال اما جسمها كله فهيا تعمل ايه تملا البانيو ميه وتحط مع الميه شويه خل تفاح جسمها هيرتاح نفسيا ولون بشرتها هيفتح اليدين تجيب شويه زيت زيتون مع شويه ملح وتفرك ايديها كويس كانها بتغسلهم لغايه ما تزيل كل الجلد الميت وبعدها تغسلهم وتحط شويه ليمون وتدهن ايديها وتخليه حوالي 5 دقايق وترجع تغسل ايدها هيكون لونهم ابيض وملمسهم حريري وكده زوجتك هتكون زي ما انت عايز اوعى تفتكر اخي ان الجمال كل حاجه المهم الاخلاق لانه الجمال ده مدته هتكون كام 10 سنين 20 سنه 30 سنه اد ما يكون ده كله حجات هتزول مع الوقت وتقدم العمر انما الاخلاق والدين عمرها ما تروح وبتكبر المحبه مع طول الزمن بعكس الجمال اللي بيزول وزي ما قلتلك في زماننا الجمال بقى اسهل حاجه ده حتى بتلاقي الراجل بيتجوز ملكه جمال ويشوفها مش جميله تعرف بيعمل ايه بيروحو لدكتور التجميل ويقوله عايزك تعملهالي زي نا نسي او هيفا او او او وطبعا الدكتور بيعملها بيعملها بالمسطره والقلم ويطلعها نسخه من اي صوره الراجل عايزها انما عمرك سمعت بواحد راح لدكتور وقاله عايزك تعمل لمراتي عمليه تخلي اخلاقها كويسه وتكون متديته ومطيعه ..الخ لا طبعا ولا عمرها هتحصل وعمر ما حد جمع الجمال مع الاخلاق مع كل حاجه عارف ليه لانه دي سنه الخالق خلقنا كده ما فيش حد كامل والكمال لله وحده اوعى تتجوز عليها يعني على فرض انها كانت ملكه جمال وعملت حادثه وبقت مش جميله هتروح تتجوز عليها قولها ما شاء الله وعلى جمالك كده هتحببها في نفسها وهيا هتشوف نفسها جميله وكل يوم هتهتم اكتر بجمالها وقولها اي حاجه عايزه تعمليها وتهتمي بمظهرك وجسمك انا معاكي وروح جبلها قميص نوم بس مش مقاسها يكون اصغر شويه وقولها انا شفته وعجبني ونفسي اشوفه عليكي هتقولك انه مش مقاسها قولها ملقتش غيره ونفسي اشوفه عليكي ولو مش مقاسك بسيطه يا حبيبتي شويه تمارين وهيبقى زي الفل انت كده بتشجها وبتقولها اللي انت عايزه من غير ما تجرحها وعايزه منك بعد شهر او شهرين انشا الله ترجع وتطمنا عليكو ولو مرجعتش تطمنا هنهم انك عملت كل حاجه ومراتك بقت زي القمر ونسيت تطمنا عليك وعليها
طب ماتعملها بادجيت كده كل شهر اديها حبه فلوس تعمل بادكير ومانكير وكرياتين وتاتو واتفق معاها قبل ماترجع عاوز اشوفك لابسالى كعب مثالا انزل انت اشتري الانجري اللى نفسك تلبسهولك تفتكر بعد ده كله هتبقي وحشه
بص هقولك بالبلدى انت لقيت حاجه نادرة الايامدى والهيه الاخلاق واتدين وافتكر ان لو اطلعتم على الغيب لاخترتم الواقع فكن صبور وحاول انت ان تجعلها ملكة جمال فى عينك وانت اهتم بها وصدقنى لن تندم
متزوج من شهور بس وبتفكرفى الجواز من اخرى صعب اوى انت بتقول انها بتحبك جدا يعنى هتعملك كل اللى انت عايزه وهتغير نفسها عشانك الحاجات دى بقت سهله اوى دالوقت وممكن تكون صغيره بلا خبره لكن ايه الصعب انك تاخد واحده لاضامن اخلاقها ولاتربيتها لمجرد شكلها الجمال زائل الااخلاق والتربيه هى اللى باقيه عشان تربى اولادك صح لوكان على الشعر جرد فرد يعدله لو كان على الاهتمام بنفسها دى لو شافت مواقع الماسكات ومواقع نسائيه على النت للعنايه بالجمال هتبقى زى الفل انت بتقول مش بتكرهها يبقى بس للجوانب الكويسه اللى فيها هتحبها اكتر صدقنى وهتكشف حاجات تخليك ماتقدرش تستغنى عنها اصبر بس شويه عليها ولمحلها انهاتعمل كذا وكذا وهتلاقيها بقت زى الفل وبلاش تقارن بينها وبين اى حد انت جملها فى عينك عشن تبقى جميله وساعدها على التغير
جزى الله خيرا كل من ادلى بدلوه ونصحنى واهتم لامرى
السلام عليكم ورحمة الله وبركاته
اولآ من الواضح انكم بسم الله ماشاء الله من أسر كلها أخلاق ودين ودي حاجه ربنا يكرمكم عليها
بس ياريت ميكونش ده تفكيرك ومتظلمهاش حاول انك ومن غير ما تجرحها لأن جرح المرآه بيكون صعب قوووي قلها علي فكره في فرد في الكوافيرات روحي اعمليه فرد ودي حاجه سمعت ان الكتير بيمدحوا فيها ومن ناحيه النظافه الشخصيه قلها عادي لو بتحبها فعلآ أنصحها انا عيزك تعملي كذا أو كذا مش عيب ولا حرام بس طريقة الطلب تكون بشياكه علشان متتحرجش وجرب صدقني والله هتشوف زوجتك اجمل ما رأت عينك وحاول انك تشيل موضوع الزواج التاني من راسك وحب حياتك
ووزوجتك علشان تشوف اللي نفسك فيه معاها
وربنا يسعدكم ويكرمكم ويهديكم علي بعض بأذن الله
انت فى نعمه مش حاسس بيها زوجتك متدينه ومطيعه دى تبقى فى قمه الجمال والحاجات الثانيه اللى بتتكلم عليها سهل قوى انها تتغير خصوصا ان زوجتك بتقول انها بتحبك بجنون والزوجه لما تحب تعمل كل حاجه علشان ترضى زوجها المفروض بس انك تكلمها انك بتحب تشوفها بمنظر معين يعنى انصحها مش عيب دى مراتك حبيبتك قولها اعملى شعرك كده والبسى ده وحسسها انك بتحب كده وصدقنى هتتغير حافظ على النعمه اللى فى ايديك ومتتبطرش عليها ياما ناس تتمنى ربع واحده فى اخلاق وتدين زوجتك
لو بتحبها هتشوفها احلي واحدة حتي لو وحشة لكن مدام شايفها وحشة يبقي انت اللي ظلمتها وتبقي مش بتحبها
سبحان الله ليه ديمآ الراجل لما يلاقي حاجة صغيرة في زوجته يجري يقولك زواج تاني؟؟
–
–
لا طبعا لا أوافقك الرأي (وطبعآ أنت طارح المشكلة علشان تاخد رأينا فيها)
مش معقول علشان شعرها حتتجوز عليها ولا علشان جسمها (مع إنك ماحددتش بالظبط بس تقريبآ كلامك واضح)
_
_
أنت تقدر تغير ده بص أي نعم المرأة لازم تهتم بنفسها وكمان تغير من شكلها كل فترة علشان تمتع زوجها بيها بكل تغيير بتعمله بس هي بنت ناس محترمة ومالهاش خبرة وماماتها قالتلها لما تتزوجي طيب هي ليه مامعملتش ده لما إتجوزت؟؟
–
–
ليه ماتتطلبش منها؟؟
–
–
ليه ماتقولهاش المفروض تعمل إيه مانت زوجها ستر وغطا عليها دي حتة منك يعني مش عيب إنك تقولها إعملي كذا كذا علشان ده الصح وده المفروض ولو مش كده يبقا إعملي كذا وكذا علشان أنت بتحب ده مادامت مش حرام دي زوجتك يعني أنت ممكن تخليها تعملك إللي أنت عايزه وتكون مقتنعة وفرحانة كمان إنها بتعمل ده علشانك..
–
–
وبالنسبة لشعرها بقا غيره زي ماتحب في إختراع إسمه سشوار وفيه معالجات بالكرياتين والفرد وكل الكلام ده وخليها بالشكل إللي أنت تحبه وهي أكيد حتكون سعيدة إنها بتعمل كل ده علشانك مادامت بتحبك.. والمفروض إنت كمان تكون بتحبها وتكون متمسك بيها أكتر من كده مش من سبب صغير زي ده بإيدك تغيره تقول حتتزوج من أخرى..
–
–
أنت يعني علشان ربنا خلقها بشعر مش ناعم ومعندهاش خبرة أو وعي بإنها تعمل حاجة معينة في جسمها تقوم أنت قهرها وكسرها وكاسر قلبها وتقول زواج اخر !!
( تعقيب للأخ العزيز ) واضح أنك من اسره ملتزمه وزوجتك أيضا من أسره ملتزمه
لكن زوجتك ظلمها جهل أمها بجمال الدين وسهولته فمن قال لها أنه ممنوع للبنت أن تعتنى بجمالها وجسدها وشعرها قبل الزواج . حتى لو فرضنا ذلك للبنت ممنوع لكن قبل الزواج بأيام لابد أن تتجمل وتعتنى بجسمها وشعرها وتساعدها احدى النساء فى الامور الاخرى كما تعلم حتى تكون جميله فى عين زوجها.
أخى العزيز تذكر قول الله ( وعسى أن تكرهوا شيئا وهو خير لكم وعسى أن تحبوا شيئا وهو شر لكم )قدر الله لك أن تتزوج هذه المرأه وباختيارك فلا تعاند قدر الله
ثم أنك تقول أن زوجتك منتقبه أى أنها على دين وهذه وحدها نعمه تستحق شكر الله
ثم أنك قبلتها ورضيت بها لما رأيتها ورأيت وجهها وحدث بينكما القبول فلا داعى
لأن تذكر أسبابا أخرى كشعرها أو جسمها وتجعلها فى مقارنه مع غيرها هذا ظلم لها وكسر لنفسها لا يرضاه أحد لأخته أو لأبنته. فربما ذات الشعر الناعم هذه التى تتمناها تكون صعبة الطباع وسيئة الخلق وما رأيك لو خانتك مع غيرك أكنت ترضى بهذا لمجرد شعرها ناعم وكذا وكذا . أيها الأخ العزيز صدقنى لو قصرت نظرك على زوجتك ولم تقارنها بأحد ولم تنظر لغيرها لرأيتها أجمل من أى امرأه لكنك عندما تخالف الشرع وتنظر الى النساء الأجمل فطبيعى النفس والشيطان يجعلك تنفر من زوجتك . لماذا قال الله فى كتابه(قل للمؤمنين يغضوا من أبصارهم) ولمن قالها الله ؟
ارجع الى رشدك واحتضن زوجتك وساعدها أن تعتنى بنفسها وبشعرها فهناك حلول كثيره وعديده لمعالجة الشعر المجعد والشعر الجاف وغيره ( وايه رأيك بقى انى من حيث الوسامه وغيره أكثر من زوجتى ولكنى اعطيها شعورا أنها أجمل ما رأت عينى)لذالك أنصحك بتغيير فكرك حتى تستقيم حياتك.
ممكن تساعدها في تشجيعها على أعادة الاهتمام بنفسها وجمالها والان أصبح هذا الشيء سهل من خلال المستحظرات وعمليات التجميل وهي فقط لو بدأت بالمستحظرات والرياضة واذا كان الامر يتطلب عمليات تجميل ساعدها وقف لجانبها لسعادتكم معا لانه فعلا كما قلت الاخلاق أهم لانها أم أبنائك في المستقبل أما أذا تزوجت عليها ستحطمها نفسيا وعندها تكون تسببت في تعاسة أنسانة مسلمة كل ذنبها أن ربنا خلقها كده أنا أقيم في السويد ولا أستطيع وصف غالبية النساء هنا من جمالهم والشباب أيضا لكن هل تعرف ما هو معيار الجمال في هذا البلد الغربي؟ الروح الشخصية الحب التفاهم الانسان نفسه هذه هي المعايير هنا أرى نساء الجمال لا يمت لهم بصلة من ناحية الجسم والشكل وترى زوجها أو حبيبها فرحان بها ويتبادلون المشاعر الجميلة هنا يحترمون صورة الخالق والمجتمع نفسه يرفض ان يقال لشخص انه قبيح لايوجد شخص قبيح لابد وفيه شيء جميل يكون التركيز عليه لكن للاسف في بلدنا العربي التركيز على مفاتن النساء هو الهم الاكبر من خلال التلفاز تقريبا ثلاث أرباع حصة البث اليومي لذلك والجميع عامل عمليات تجميل مش تقول زوجتك البنت البسيطة .هل تعرف لما بلدان الغرب متطوريين لان تركيزهم على تطوير الذات أول وأهم أهتماماتهم ياريت كل مواطن عربي يكون له الحق بالسفر لبلد أوربي ليرى كيف أنهم سابقينا بأشواط يعني فعلا من أبسط شيء ممكن أن تستخدمه في بيتك وقيس على ذلك مش تقول زوجتي ليست جميلة وأريد الزواج عليها ربنا يهديك الناس في الغرب هذا أخر همهم الشكل لايقفون عند تفاهات الشكل لذلك منطلقين بسرعة الصاروخ في التطور لكل مشكلة حل وهكذا العجلة تدور
أخي الفاضل انا التمس لك العذر لان كل انسان يتطلع الى الجمال ويتطلع للافضل ولكني سوف اقول لك ماذا لو تزوجت جميلة وبعد مرور سنة مثلا اصبحت سمينة واصبحت لا تهتم بنفسها هل ستضمن ذلك انها ستظل كما تزوجتها وهل تضمن ان تكون انت مثال للانسان الرشيق المتناسق الشكل بدون كرش مثلا او بدون صلع وماذا لو طلبت منك امراتك الطلاق لانك بكرش او اصلع هل سوف تحس انها على حق
ساعد زوجتك على كل ماتتمناه فيها فالمرأة التي تحب زوجها تفعل مايريد الان هناك الكوافير الحريمي للمحجبات لتجعل شعر امراتك جميل وهناك العديد من الوسائل لتفتيح البشرة وهناك الرجيم للحصول على قوام رشيق وتفعل كل شئ لكي تكون جميلة من اجلك وهناك ايضا الحديث الجميل بينك وبينها وتفهما كل شئ لتفعل ماتريد بنفسها وشجعها وهناك مراكز غير مكلفة ابدا هات لها عدسات ملونة لترتديها لك واشتري لها البرفان الذي تحبه او اي ملابس تريدها لكي تلبسها لك هناك حلول كثيرة والاهم انها تحبك فيااخي سوف تتغير انت وهي بالايام ولن يتبقى بينكم الا العشرة والمودة والمشاعر التي دايما تنمو مع العشرة وادعو الله ان يجعلك تحب امراتك ويخلق بينكما مودة ورحمة واعطيها الفرصة والحمد لله يا اخي انها متدينة وكانت لاتهتم ارحم من التي لديها خبرة وتهتم وتهتم صدقني رودها وطالما تحبك ستفعل ماتريد ودعائي لك ياأخي الهم اخلق بينكما مودة ورحمة وحب ولا تظلمها يا اخي وتحزنها بل حاول وباذن الله ستنجح