هى المشاكل الكتير طبيعيه بين المتزوجين

أنا شاب أبلغ من العمر 27 عام و زوجتى 25 عام احنا لسه مدخلناش على بعض ، يعنى كاتبين الكتاب فقط و كنت وقت الخطوبه بحبها جدا و كان فيه مشاكل كتيره بينا بس كنت بأقول معلش كل المخطوبين كده ، لكن المشاكل دى زادت قوى دلوقت بمعدل مشكله كل يومين تقريبا ، يعنى اخرها مثلا انى عايز اخليها تسيب شغلها لانى لاحظت عليها انها بتهزر مع اى حد و كثيرة الابتسام و دايما تحكيلى على مدرس زميلها فى المدرسه و عن مواقفه الشهمه مع التلميذات و الطلبه لدرجة انى بقيت باكره اسمه تماما ، و قولتلها انا معرفش انتى بتعملى ايه من ورايا فلازم تقعدى فى البيت و متخرجيش الا معايا فقالتلى انى جرحت احساسها بكلامى و انى باشك فيها ، بصراحه انا مش عارف أنا بحبها ولا لأ و لو طلقتها هادفع مؤخر 15000 جنيه ، و لو استمريت معاها هايجيلى سكر و ضغط و بلاوى زرقه ، مش عارف اعمل ايه بجد ، هى عنيده جدا و مش بتسمع الكلام بسهوله ، و نكديه بتتصيد الاخطاء عشان تعمل عليها أى زعل و خلاص ، الطبيعى ان أى حد لما يتجوز يبقى سعيد لكن أنا حاسس بكابه كبيره قوى بجد ، أنا محتار .

مشاكل وحلول ذات صلة

• كيف أبعد علاقتي بخطيبي عن الممل وازيد الود بيننا
• استخرت الله بحبيبتي وحصلت بعض العقبات
• فسخنا الخطبة انا و خطيبتي بعد عامين بسبب القايمة
• اشعر انها خانتني وافكر بالانتقام
• اتصرف ازاي مع خطيبتي قبل الزواج
• اتفقنا على موعد الخطوبة لكن غير مرتاح نفسيا
• خطوبة راحت و خطوبة جايه