مشاكل الاصدقاء

اعز اصحابي وحبيبي

انا بنت عندي 19 انا عايزة ابدأ الموضوع من اوله بس معلش ممكن يطول شويه…… من وانا صغيرة وانا ماليش اصحاب كتير بيكونوا محددين اوي ومن 4 سنين بقي عندي صحبتين اعتبربهم كل حاجه واستغنيت عن كل صحابنا لان انا لما بحب اصحابي بحبهم بجد ومش بكون عايزه حد غيرهم
وكانوا اكتر من اخواتي وكنت حاسه ان انا بالنسبه ليهم كده برضه لان كانت واحده فيهم صاحبتي من زمان اوي وكنا مع بعض في نفس الفصل والتانيه قريبتي بس من بعيد شويه المهم …… بدأت المشاكل واحنا في تانيه ثانوي كنا بناخد كل الدروس مع بعض وكل حاجه تمام لحد قيل الامتحانات بشهر انا وقريبتي اتخانقنا خناقه كبيره قوي و دخل فيها الاهل وانتهت علي ان كل واحد راح لحاله وصاحبتي التانيه حسيت ان هي عادي مش مهتمه ان احنا اتخاصمنا وراحت ومعاها وانا بقيت لوحدي وهما مع بعض وانا فضلت تعبانه نفسيا كتير وكل تعبي كنت بطلعه في المزاكره عشان بصراحه مكنتش عايزه حد يفرح فيا وبعد لما الامتحانات خلصت باسبوع جولي البيت وصالحوني بس بعد المشاكل لما وصلت اخرها وبعد لما طلعوا كل حاجه وحشه عندهم من تصرفات فيا وبعد لما ماما كرهتهم وانا صالحتهم عشان انا كنت بحبهم اوي وكمان من ورا ماما عشان هي مكنتش راضيه ارجع ليهم تاني هي قالتلي كلميهم عادي بس مش يكونوا زي الاول وفضلت كده لغايه لما اقنعتها ان هما بيحبوني وهما مكنش اصدهم يعملوا معايا كده ورجعت معاهم زي الاول واحسن كمان …….. بس المشكله التانيه ان حبيبي ابن عمته قريبتي وكنت بحس انها بتضايق لما كان بيجي عندهم عشان يشوفني عشان هو مش من نفس البلد اللي احنا فيها بالرغم ان هي اللي وصلته ليا ومش عارفه كنت بحس كده ليه ؟؟؟ فحصلت مشاكل بنا كتير بسببه لدرجه ان هي مبقتش تكلمني زي الاول وبقت بتضايق منه لنا يروح عندهم مع انا هو كان بيحبها زي اخته ولما تكون معايا وهو بيكلمني كان لازم يقولي سلميلي عليها وكده يعني ….. وفضلنا كده لغايه لما خلصنا ثانوي السنادي وكلنا دخلنا كليات قمه وفجأه مبقتش تكلمني خالص واتخاصمنا علي كده ولا اعرف ايه السبب؟؟؟ وفضلت صاحبتي التانيه لغايه دلوقتي بتكلمني عادي بس طبعا معاها اكتر مني مع ان عما الاتنين كانوا بيشتموا علي بعض ليا كتير قوي وانا كنت بسكت وبقول معلش ……. المشكله دلوقتي اني معدش ليا اصحاب لان هما كانوا ليا كل حاجه وحبيبي معدش بيروح عندهم عشان مش يزعلني عشان انا مكنتش بشوفه غير عندهم وبيقولي خليكي انتي الاحسن ومتحطيش في دماغك انا معاكي بس انا حاسه ان صاحبتي واقفه بينا كل لما اكلمه افتكرها وافتكر اللي حصلي لغايه لما حسيت اني تعبانه نفسيا بسببهم ومش عارفه اعمل ايه؟؟؟؟؟ انا بحبه قوي وبفكر ابعد عنه بسببها عشان انا خلاص تعبت قوي ……. ياريت حد يساعدني.