انا بنت عندى 17 سنه وبحب صاحبتى جدا يعنى بحبها اكتر من نفسى لانها شبهى فى كل حاجه وبعتبرها اختى بجد بس اول مااتعرفت عليها من 4 سنوات كنت انا صديقتها المقربه الوحيده بس دلوقتى هيا بقى عندها اصحاب كتير وانا كمان بقى عندى اصحاب كتير بس عملت حدود بينى وبينهم علشان هى ماتزعلش ولو طلبت منى انى ابعد عنهم خالص هبعد عنهم اهم حاجه مااخسرهاش بس دلوقتى هي بقى عندها واحده صاحبتها وبيروحوا مع بعض الدروس وبيخرجوا مع بعض وبتحكى لها على كل حاجه فى حياتها الشخصيه بس لما اكلمها انا مش بتحى اى حاجه ليا من اللى بتقولها لصاحبتها التانيه وبجد انا بقيت بغير علبها اوى وقلبى بيتقطع والله العظيم عليها وبدعى ربنا وانا بصلى تنه يوفقها ويحبب فيها الناس ببس انا عندى احساس ولو كلمتها واشتكيت لها هتقولى انى فاهمه غلط وانى صاحبتها وبترجع تعاملنى كويس بس مش بيبقى من قلبها المعامله دى وبترجع بعد كدا تهملنى تانى مع العلم انى اصبت بمرض ف القلب بسبب الحاله النفسيه اللى انى فبها بس انا مس قولتلها ولا هقولها بليييز ردوا عليا قولولى اخليها تحبنى انا بس لوحدى ازااااى ؟؟؟؟
ربنا يوفقك يا احمد بجد لانك ساعدتنى بجد فى وقت ناس كتير اتخلت عنى . انا الحمد لله حاسه ان ربنا بيحبنى اوى وعوضنى عن اصدقاء المصلحه اللى عرفتهم لان انا زى ما قلت قبل كدا انتقلت من المدينه اللى كنت فيها وروحت مدينه تانيه ولما روحت المدرسه الجديده حسيت ان ابتديت حياه جديده لان لقيت معظم البنات عاوزين يصاحبونى وكل شويه واحده تتعرف عليا وتاخد رقمى وتكلمنى تسأل عليا كل شويه وبقى عندى صحاب مش كتير بس بجد انا مبسوطه بيهم اوى بس بردو انا اخدت عهد على نفسى انى عمرى فى حياتى هثق غى واحده واحكيلها حاجه عن نفسى او سر من اسرارى لان بردو مش عاوزه اتخدع فى واحده تانيه . انا بصراحه بقيت بمثل انى بثق فيهم وانى مش بخبى حاجه عنهم بس الحقيقه ان مخبيه كتير اوى ومش بثق فيهم انا عارفه ان دا ممكن يكون نفاق بس غصب عنى مش قادرة اثق فى حد تانى ومش بحكى اى حاجه عن صحابى القدام ونسيتهم نهائى وهما كمان نسيونى . بس بجد انا كل ماواحده تتصل بيا عشان غبت من درس مثلا بتفاجئ اوى ان فى حد لاحظ ان مش موجوده فى الدرس ومش مصدقه ان فى ناس عاوزه تصاحبنى وعاوزة تكلمنى . الحمد لله
أولاً: بلاش تشكريني على حاجة صغيرة زي كده لأني ما عملتش كتير,,
ثانياً: أنا والله فرحتلك جداً إنك بقيتي أحسن
ثالثاًً: أنا مهتم بمشكلتك لأن أنا مريت بنفس التجربة و إتخدعت في ناس كتير, و عرفت إن هما ما يستاهلوش يكونوا صحابي,,,,
و أرجع و أقولك تاني… شعور الوحدة أحسن من صحوبية ناس إنتي بتعتبريهم صحابك و هما مش بيحتاجوكي غير في المصالح و بيفشوا أسرارك, و إنتي أكيد مش محتاجة لناس بيظهروا إهتامهم بيكي و هما من جواهم عايزين مصلحتهم,,
و أنا مش عايزك أبداً تتضايقي من نفسك,, كفاية أوي إنك راضية عن نفسك: لأنك ولا كنتي بتخدعيهم زي ما هما بيخدعوكي, و لا عرفتي إنهم مصاحبينك مصلحة و فضلتي مصاحباهم لمجرد إنك تلاقي حد بيسأل عليكي و بيكلمك,,
و الحمد لله إن الأيام كشفتهم على حقيقتهم: يعني إنتي بتقولي أما علاقتك بيهم بقت سطحية ما بقاش حد يسأل عليكي زي الأول, و لو هما صحيح صحاب جدعان كانوا سألوا عليكي و كانوا سألوكي إنتي إتغيرتي ليه و مابقيتيش تسألي زي الأول,,,,
لــــــــــكـــــــن……………,,,
أنا بكلامي ده مش بحرضك عليهم كلهم, بالعكس: لو إنتي شايفة إن واحدة فيهم لسة فيها حاجة كويسة فإنتي الأفضل ليكي إنك تعاتبيها و تسأليها ليه بطلت تسأل عليكي, و تشتكيلها من بقيت صاحباتكم و تاخدي رأيها في اللي هما بيعملوه,
أما لو كانوا كلهم زي بعض, فـ …….
ربنا يهديهم و يوفقك و الحمد لله إنك خلصتي منهم.
شكرا على اهتمامك يا ( أحمد ) انا الحمد لله فرحانه ان ربنا ظهرلى اصحابى على حقيقتهم لانى اكتشفت انهم كانوا بيكلمونى عشان مصلحتهم بس الحمد لله انا بعدت عنهم واصبحت علاقتى بيهم سطحيه وبقيت من غير صحاب وهحاول انى مااتخدعش فى بنت تانيه وافتكرها هتبقى صاحبتى لانى اكتشفت انى كنت ساذجه اوى وعبيطه اوى ودا اللى مزعلنى من نفسى واللى مزعلنى اكتر شعور الوحده اللى بقيت فيه يعنى بعد ما بقت علاقتى سطحيه معاهم مابقوش بيكلمونى غير وقت ما يكونوا محتاجين منى حاجه بجد إحساس وحش اوووى انك تحس انك مالكش قيمه ولا لازمه عند حد ولا حد شايف فيك الصديق بجد وعاوز يعتبرك صديقو لما تحس ان مافيش حد بيحبك لما تحس ان مافيش حد مهتم بيك ولا بيسأل عليك بجد احساس وحش اوى بس احسن من انك تعيش مخدوع
(أنا صاحب الرد رقم #2)
الحمد لله أنك دلوقتي أفضل و الحمد لله إنك ما اتخدعتيش في صاحبتك
و صدقيني.. إنك بعد كده إن شاء الله هتكوني في حال أحسن بكتير من الأول لأنك دلوقتي من غير صاحبة تعتبريها أعز صديقة ليكي و هي بتفشي أسرارك و مش بتبادلك شعورك
انا عاوزة ارد على استاذ (طارق ) انا على فكرة مش شاذه جنسيا لانى مش بنظر لها نظرة اعجاب ولكن لو حضرتك تعرف حاجه عن الصداقه الحقيقيه هتفهم معنى حب الاصدقاء وحب الصديقه لصديقتها ووفاءها لها وليس معناه حب جنسى لانى بأعجب ب الاولاد مش بنات وانا عمرى ما هعمل شذوذ جنسى مع بنت لانى مش شاذه اصلا وعارفه ربنا وبصلى الحمد لله
انا الحمد لله بدأت اتعالج وبقيت بصحه افضل بكتير وتقريبا شفيت وانا انتقلت من البلد اللى كنت فيها وروحت بلد تانيه وبقت علاقتى بصديقتى محدوده ومابقتش بحبها زى قبل كدا لان اكتشفت انها افشت اسرارى لاصدقائها الجديدين وانا سامحتها بس هيا مابقتش اختى ولا بعاملها على كدا وفضلت انى اعيش من غير اصدقاء افضل ليا وبالنسبه
بصي يا أختي في الله,
أنا عندي تقريبا 97% من مشكلتك, تقريبا نفس المشكلة بس الفرق
إنك بنت و أنا ولد , حتى انا برضو اتعرفت على صاحبي من 4 سنيـن
أو يمكن 5 سنين , و عندي 18 سنة,,
نفس مشكلتك هي هي كانت مع صاحبي, كنت برضو بحب صاحبي ده جدا و بخاف عليه و كنا على طول بنكون مع بعض, وبرضو نفس الحكاية,, كنت بلاقيه بيخرج مع صحابه الجداد و بيهملني و مش بيراعي مشاعري بإننا نعرف بعض من قبل ما يعرف صحابه دول,, و كان هو واخد الموضوع عااااادي جداااا ولا في دماغه, و كنت في الأول لما كنت بقعد معاه هو وصحابه كنت بتضايق جدا لما بلاقيه مندمج معاهم و بيحكيلي عنهم لما بنكون مع بعض و يقولي صاحبي (فلان) وحشني و عايز أشوفه و كده
فكرت كتير في إني أسيبه و أقول هعيش من غير صحاب, لكن ماعرفتـش,
فكرت في إني أحكيله بس خوفت لاحسن أجي على كرامتي من غير ما أحس,
لحد ما اكتشفت ان الحل الوحيد إني أتصاحب على صحابه و نقعد سوا مع بعض لحد ما اتعودت على الموضوع, بس في نفس الوقت حافظت على الصداقة القوية اللي بيني و بينه بإني أنا فضلت صديقه المقرب و هو فضل صاحبي المقرب و الوحيد, و أنا الحمد لله على طول بسأل عليه و اتكلم معاه في مشاكله عشان اخليه يعتبرني اقرب صديق إليه و أتمنى من ربنا ان الصداقة دي تدوم لأني ماليش حد غير صاحبي ده أثق فيه,,
أتمنى من ربنا اني أكون أفدتك و لو حابة تسأليني أي سؤال أنا تحت أمرك في أي وقت
ربنا يوفقك و يوفق جميع المسلمين
اختي العزيزة اولا تبين من كلامكي هو تعلق قلبكي المبالغ فية والزائد عن الحد بصديقتكي لدرجة انكي اصبتي بمرض في القلب بمجرد انها اهملتكي وهذا بسبب الفراغ العاطفي الكبير فيكي بسبب انكي قد بلغتي واصبحتي في سن الزواج فملتي الى نفس جنسكي اي صديقتكي لافراغ هذا الكبت العاطفي المحبوس فيكي لصديقتكي ولكنها اهملتكي فلو لم تهملكي واحبتكي بقوة فقد تقعين في مرص السحاق وهو ميل البنت جنسيا لبنت اخرى والعياذ بالله بسبب العزوبية والغريزة الفطرية الجنسية هي ميل الاناث للذكور اي الزواج حتى تفرغين هذا الفراغ العاطفي لزوجك وتكون علاقتكي بصديقتكي طبيعية دون تجاوز الحدود في المبالغة في الصداقة والحب اتمنى لكي التوفيق