هى مش مشكلتى انا بس هى محيرانى ومحيره صاحبة المشكله وبجد نفسى الاقيلها حل بس مش لاقيه.ليا واحدة صاحبتى وعزيزة عليا جدا بس هى ليها واحده صحبتها من زمان بدأت الصداقة بينهم عادية وكان بيربطهم الحب وكان بينهم كل خير يعنى كانت صداقة مستقرة الى حد ما وبعدين بدأت صاحبتها تغير عليها بس غيرة مش عادية ابدا لدرجة انها ممكن تبكى لمجرد انها تسلم على اى حد تانى بس مش تتكلم معاه والمشكلة ان صاحبتى ديه محبوبة وطبيعتها اجتماعية جدا فبتتكلم مع ناس كتير وعندها اصحاب تانى وعلى الرغم من انها بتحاول تخفف الكلام مع اصحابها التانيين قدام صاحبتها ديه مراعاه لمشاعرها الا انها بتحس برده انها جرحاها بكلامها البسيط معاهم ايوه صاحبتها ديه غالية عليها جدا بس هى فعلا خنقاها جدا وكمان الايام اللى جاية هيبقى فى اوقات كتير هيتجمع فيهم صاحبتها ديه واصحاب تانيين مش اقل منها غلاوه عندها وكمان هى مش متقبلة اصلا فكرة ان يبقى لصاحبتها اى اصحاب تانى عايزة تكون هى وبس وده مش ينفع اصلا ولازم يبقى فيه حل لان الناس كلها خدت بالها من الغيره ديه وممكن تبدا مشاكل كتير بسبب ان اصحابها التانيين من حقهم انهم يكلموها فى اى وقت برده لان ليهم حق عليها بس هما لو كلموها قدامها هتزعل وهتنجرح طب ايه الحل؟….واسفة انى طولت عليكم ……….وشكرا
الحمد لله المشكلة متعتبرش معقدة .. فى الحالة دى الحل الوحيد هو (الصراحة) .. لازم تصارح صاحبتها بالكل اللى قلتيه فى النص الثانى من طرح المشكله لازم تواجهها وتقولها .. انتى من اعز صحباتى وبفتخر انك صاحبتى لكن الناس اللى يعرفونى بردو ليهم حق عليا ومش معنى انى بسلم عليهم وبتكلم وبهزر معاهم انى نسياكى او بقلل منك بالعكس انا مقدرة حبك ليا .. وكدا .. بختصار لازم تخلص الحوار فى الاخر انها تحاول تقنعها انها تقلل الغيرة دى عشان لو الناس لاحظتها ممكن يبدأو ميحبوكيش انتى مش انا وانا عيزاكى تكونى انتى كمان محبوبة ومحدش يكرهك .. الصراحة بأسلوب لين وبسيط .. دا بس المطلوب وباذن الله لانها بتعزها هتسمع كلامها