زهقت منها من صاحبتي ومن تصرفاتها

فى البداية السلام عليكم أنا طالبة جامعية ودى أخر سنة ليه ان شاء الله كنت عايشة حياتى عادى لحد 3 جامعة وبعدين فى الترم التانى من الدراسة جت بنت اكبر من بسنة وحضرت معانا مادة معينة لانها كانت شايلة المادة دى وبعدين انا اساسا شخصية مش اجتماعية المهم صاحبتى اللى كانت معانا اتعرفت عليها ويوم ورا التانى وبحكم كونها معانا اتكلمت معاها عادى … كل دى طبيعى مجرد زميلة مش اكتر كات تتصل عليه تسالنى ازيك عاملة ايه زمايل واصحاب عادى

فى اخر سنة تالتة جامعة وبحكم ان كليتنا عملى كان عندنا تدريب فى شهر 7 اللى فات كنت بقابلها مش اكتر من زميلة لحد فى يوم سألتنى على حاجة فى الموبايل بتاعها مش مظبوطة فقلتلها خلاص خدى الموبايل بتاعى واعملى مكالماتك
بعدها بساعة وبعد مخلصت السكشن اللى عندى قابلتنى وجت تدينى الموبايل قلتلها لو عوزاه خديه خليه معاكى وفعلا خدته وقالتلى ميرسى
روحت فى اليوم دى من غير موبايل بعدها بكام يوم كلمتنى ع الفيس وسألتنى انتى مطلبتيش الموبايل ليه منى
قلتلها أولا لانى مش عوزاه .. ثانيا انتى لو مش محتجاه هتديهونى .. وبعدين انا بعملك ذى اخواتى البنات يعنى لو واحدة طلبت منى حاجة هخدها منها!
فكان ردها عليها العبارة دى ” لف يو على فكرة بس مش لازم اقولك عشان مش تتغرى عليه ” وكنت حاسة انك انسانة كويسة بس عاوزة فرصة

وبعدين علاقتى بيها كانت فى الجامعة فى حدود ازيك وبس

بعدين فى شهر التدريب التانى كان اختيارى انا اخترت اتدرب جوه الجامعة بس فى سكاشن مش معاها وكنا عدد قليل لان زمايلنا كانو بيدربو بره
فى الفترة دى بقى اما كانت تنزل الجامعة كانت تتصل عليه تقولى انتى فين ونقعد مع بعض ونتكلم وأصحاب وكده
وبعدين اما عيد ميلادى قرب لقتها شريالى هدية .. انا استغربت لان مفيش حد بيجيب لحد هدية الا ميكون عزيز عليه اوى او صحبه اوى
دى حتى فى اليوم دى صحبتها اتصلت عليها وخرجو كلو بره ومشت وسبتنى ولا غصبت عليه ولو كانت شيفانى صحبتها كانت حبت تخدنى معاها فى كل حتة

فى يوم تانى لقتها بتتصل عليه وكلمتنى فى اليوم دى ازيد من 3 مرات وقالتلى انا جيبالك كادوه وفى تانى يوم اما قابلتها فى الجامعة فعلا جبتلى انسيال اكسسوار وقلتلها مش هقدر اخده بس غصبت عليه لحد ما ادتهولى وفى نفس اليوم سبتنى وراحت لوحدة صحبتها تانية بحجة انها هتجيب منها حاجة وبعدين اتصلت عليه وقالتلى انها هتخرج مع صاحبتها عشان يشترو حاجة وسبتنى

فى يوم كنت قاعدة معاهاومع صحبتها لقتها بتدينى محفظة بس المرة دى رفضت اخدها وشها اتقلب بس قلتلها عشان خاطرى متزعليش أصل لو حد عندنا عرف هيعملولى مشاكل

واخر مرة كانت امبارح ادتنى سبحة صغيرة وبعدين راحت قعدت مع صحبتها الاتنين وانا شايفة انهم انتيمتها مع ان واحدة فيهم اصغر منها بسنة والتانية بسنتين وكمان فى اقسام مختلفة فى الجامعة

كانت بتعملى بوستات ع الفيس ” لف يو اوى يا احلى بست فريند ” بس ع الحقيقة بتعملنى بطريقة تانية بتسبنى عشان صحباتها واما تكون لوحدها بس تتصل عليه اروح اقعد معاها واما واحدة من صحباتها تيجى عليها وقلها انا ماشية تقولى طيب

انا اديقت وشفت انها بتعملنى ذى شخشيخة وقلتلها ع الموضوع دى دايما تنكر وتقولى انى لسانى طويل وتلميحاتى رغم بس قسما بالله عمرى ما اتكلمت معاها بطريقة وحشة ولا بحرجها ادام اصحابها هى اللى دايما تقفلى ع الواحدة حتى لو تافهة

وبعدين من كام يوم عشان ادام واحدة صحبتى قلتلها ايه القرف دى خدت فى وشها ومشت ومع ذلك رحت وصلحتها وبعدها بيوم اتخنقنا وقلتلها انا مش هخد منك جمب او اعمل ذى العيال بس اوعدك هنبقى زمايل مش اكتر سبتنى رسالة ع الفيس وقالتلى فيها كلام يوجع بجد وان انا اللى مش عاوزة اصاحبها مرة هى مش عاوزة تصحبنى 24 وقالتلى هو انتى مالك طب عاوزة ملايكة حوليكى ليه!

برده بعدها وتانى يوم رحت صالحتها وعادى ولقتها تانى يوم بتدينى السبحة دى وقالتلى دى كادوه وراحت قعدت مع اصحابها
صراحة انا زهقت منها ومن تصرفتها انا بعملها ذى اختى دى انا اعتبرتها اختى فعلا وسقطت فى مادة بسببها عشان كانت مفركشة موضوع خطوبتها وكنت قاعدة اواسيها ومعرفتش اذاكر كل دى مش بتقدره ليه

وكمان حكتلها على كتير من اسرار بيتنا

م الاخر كده نفسى حد ينصحنى هى البنت دى عاوزة مني ايه طالما مش بتعتبرنى صاحبتها وانعرة على ايه وليه تدينى هدايا وانا زميلتها مش اكتر بالله عليكو فدونى

مشاكل وحلول ذات صلة

• اختار حبيبي واخسر اهلي ولا العريس التاني
• لم يكن حبا ولكنه عذاب
• استادي الجامعي ينظر الي كثيرا
• مصانتش العشره ولا العيش والملح اللي بينا
• بعد ما اتعلقت بيه اتغير عليا
• مليش اصحاب كتير ولا عندي ثقة في نفسي
• انا فقيرة بمجتمع غني