السلام عليكم
بداية انا بنت عمري 18 سنة في الجامعة مشكلتي من بداية ما دخلت هو شخصيتي الخجولة او اني مش اجتماعية اوي بطبيعتي لاني من صغري معروفة بالهدوء و الانطوائية لدرجة اني كنت بحس ان كل اللي حوليا بيتجاهلوني او بيعاملوني علي اني شخص مش مثير للاهتمام المهم الموضوع ده فضل مأثر عليا لغايت دلوقتي لاني تقريبا فقدت الثقة في نفسي و اللي حوليا و سعات اقعد مع نفسي و اتضايق هو العيب فيا ولا فيهم طب ما كل الناس حلوة مع بعضها و بيعرفوا يتعاملوا اشمعنا انا و تقريبا جالي عقدة من الموضوع ده في الكلية بقى انا بقيت اجتماعية اكتر لكن سعات كتير بحس ان اصحابي بيهتموا ببعض اوي اكتر مني حتى لو معاهم الاقيهم بيكلموا بعض و مندمجين اوي و لو جيت اكلم واحدة فيهم ترد بالقطارة و كأني مش مهمة و الاسوأ من كدة لو واحدة فيهم لوحدها و مش لاقية غيري تبدا تكلمي و تهتم بيا و لا كاني صاحبتها (الاستبن) بجد و الله احساس يضايق اوي بتخنق جدا من الموضوع ده المشكلة ان كل الهواجس القديمة اللي قدرت اخلص منها بدات ترجعلي و بدات احس الاحساس بأني معقدة تاني او اني شخصية غريبة و ان العيب فيا بالله عليكم حد يقولي انا بس اللي كدة و الحل ايه مع العلم اني و الله لما بصاحب واحدة بكون ليها صديقة بجد لكن بزعل لما الاقي رد الفعل غير كدة انا عارفة ان الجزاء من عند ربنا مش من عند اصحابي بس برضه مش بقدر امنع نفسي من الزعل و شكرا
مشاكل الاصدقاء
هو انا صديقة احتياطي
اضيف بتاريخ: Tuesday, October 17th, 2017 في 17:26
كلمات مشاكل وحلول: اصحاب, الصداقة, بنات, بنت
السلام عليكم
اختصر لك الموضوع
كل الناس بطبعهم بيهتمو بالشخص المهم ويلتفو حوله
إجعلي لنفسك أهمية (بمعني) اما الشخص اللي عنده فلوس او عنده ثقافة عاليه او عنده ملكة الحديث وحذب الانتباه ليه او او
أشياء كتير تخليكي محل اهتمام من حولك حتي في بيت اهلك
حاولي تكوني مثقفه خفيفة ظل مش عيب انك تتعلمي حاولي تشوفي ايه الأشياء اللي بتخلي صديقتك فلانه محل اهتمام الجميع وتقوي الزوايا دي في شخصيتك دون تقليد للاخرين
العلاقة بين الناس مش احسان او تصدق انما هي تبادل لازم يكون بينا شيئ نتبادله . شوفي نفسك هتقدري تقدمي ايه لمن حولك عشان يهتم بيكي
تحياتي لك وتمنياتي بالتوفيق
يابنتي ماحدش يقدر يستغني عن الاصدقاءفي حياته او يعيش لوحده من غير زملاء اواصدقاء عليك بحسن اختيارك للاصدقاء وابتعدي عن صديقات السوء فلاخير فيهن الثقة في النفس مطلوبة كوني واثقة من نفسك ومعتزة باخلاقك وتربيتك وتعاملك الحسن مع الاخرين اللي يسال عليك ويهتم فيك اسالي عنه واهتم فيه واللي مايعبرك او يتجاهلك تجاهليه انت ولاتعبريه خالص وهتلاقي اصدقاء كويسين ومحترمين دول هم اللي يستاهلوا الصداقة وربنا يوفقك ويسترعليك ويصلح حالك
نصيحه تانيه متخليش نفس احتياط لا زي مبخلوك احتياط خليهم هما كمان يكون عندك احتياط
اختي غاليه هو صح صعب لما تفقد الثقه نفسك اقولك ان لزم تكون واثقه من نفسك متلوميش نفسك تقول عيب فيك تعامل مع بتعامل معكي مثلا لو حد سال عليك اسال عليه طريقه بكلموكي بيها نفس اسلوب استعمله ماثوثقش فحد فزمن ده مابقاش في صحاب قليل تلقي صاحب زفي شوف بنت نفس شخصيتك وصاحبها وتعامل مع ناس تانيه زي ما بتعامل معك تجاهل لي بتجاهلك اتمن ليك توفيق