انا بدي احاول ما اطول عليكم و بتمنى حد ينصحني و يرد علي،،،انا عمري ٢٨سنه ،،مشكلتي هي جديده و قديمة بنفس الوقت ،،،مشكلتي اني كتير عصبيه بشكل يمكن م احد يتصورو و بسرعه اي حد ممكن يستفزني و صايره هجوميه انا ما كنت هيك والله بس كتير هاد الموضوع ماثر علي لاني لما بنرفز من جوا بحس البي بدو ينخلع من مكان و بدي ابكي و بصير جواتي في شعور غريب،،،بجوز لهلا هيك مش هاي المشكله بس خليني اكون صادقه معاكم انا قرات كتير عن العصبيه طبيا و الكل بياكد انو انها ممكن تكون نتيجة المضي و الطفوله،،،وطفولتي ما كانت حلوه امي كانت تضربني كتير من لما كنت خمس سنين و ابي ضل يضربني لصرت ١٨سنه و غير التوبيخ و الدعاوي علي و المسبات و الشتم،،،انا تربيت عند اهل ما بيعرفو عن احتياجاتي الا الاكل و النوم،،،و تاخرت لعندما نضف من الببي على حالي،،،، بجوز ضليت للصف السادس و طبعا كانت امي تسبني و تشتمني و توبخني امام اخوتي،،،انتو مش متخيلين اني لهلا متزكره كل شي كانو مبارح،،ولما رحنا عالدكتور بالاول كان عندي التهابات ،،،بس بعد هيك صار اشي نفسي ع كلام الدكتور ف امي صارت تهددني تحكي لاخواني اني عندي مرض نفسي و بعملها ع روحي،،،هاد الحكي من زمان يمكن كنت ١٣ سنه انا نفسي اقعد و احكي مع امي و افضفض و نفسي امي تحضني ،،،انا امي ما بتحضنيش و لو قربت عليها ما بتحبش،،،تخيلو البوسه الوحيده الي ابوي بيبوسني ياها متى،،،بوسه العيد،،،اهلي مناح و متعلمين بس بيفرقو بيني وبين اخوتي من زمان ولهلا،،،ولو صار تتش بيني و ابين وحده من خواتي،،،من غير م امي تسمع شي بتحكي اني غلطانه،،،هاد الكلام صار يخلي صوتي يعلا و اصرخ و اعصب عشان اخد حقي برا و جوا البيت،،،انا صرت بكره نفسي و بنفر منها،،،سامحوني لو طولت عليكم،،،بس فش حد احكيلو
وعليكم السلام حبيبتي كيفك عساك بخير يارب قرأت مشكلتك وحبيت ارد عليك اولا انتي مو اول او اخر وحده يصير معها هالشيئ وثانيا عليكي بالمحافظه ع الصلاه في اوقاتها وقراءة القراءن والاستغفار وثالثا حابه اقولك ان مامتك وبابتك واجب عليك طاعتهم مهما صار واحتسبي الاجر عند الله واكيد هم يحبوك بس ماعندهم طريقة يعبرو فيها عن حبهم اللك وانتي اعذريهم وابي اقولك كمان قبل لا تصدر منك اي ردة فعل وقت الغضب اسكتي شوي واستغفري عشر مرات وبعدين فكري وبعدها اصدري ردة فعلك وربي يسعدك ياارب ولا تحطي في بالك انه انتي مريضه نفسيه خلي في بالك انه قويه وتقدري تعيشي حياتك بشكل افضل الحياه نعيشها مره وحده عيشيها صح بالتقوى
تمنياتي لك بالتوفيق