انا بنوته فى سن العشرين هحكى حكايه بتحصلى كل فتره وهى الجاثوم او شلل النوم انا بقالى فتره حاولى سنه او اكتر بيجيلى شعور غريب جدا وانا نايمه بحس انى متربطه فى السرير ومش عارفه اتحرك خالص و بحس ان فى حد فوق صدرى وكاتم نفسى مش قادره حتى اتكلم بحس بشلل فى الجسم كله بس عينى بتكون مفتوحه وشايفه كل حاجه حواليا وبكون واعيه بالى بيحصل فى الاول كنت بحس انى مشلوله ومش قادره اتحرك فى السرير وكل جسمى مربط وكان بيجيلى لمده ثوانى او دقيقة بس بعد كده اتطور وجالى نفس الموضوع دا بس وقتها شوفت هدومى بتترفع كلها واتعريت كل دا وانا مشلوله فى السرير ومش قادره اتحرك ولا حتى اتكلم ولا حتى عارفه انادى حد يلحقنى صوتى مكتوم مش بيطلع وسمعت صوت عالى اوى جمبى زى ماتكون حاجه بتطير وبتترفع بصوت عالى بعدها بشويه جسمى كله فك بس بعد مأقرات ايات قران فى سرى عشان مش بعرف انطق ولا افتح بوقى وقتها هل فعلا هو جن عاشق ام دا مرض نفسي زى مابيقولو عليه ف الطب انا دخلت مواقع كتير فى اللى بيقول دا مس جن عاشق وفى اللى بيقول دا مرض نفسى انا عايزة بس اعرف ماهو عشان بجد شعور مخيف جدا ومرعب وميتوصفش اللى حصل معاه هو بس اللى هيبقى حاسس وعارف الخوف والرعب من الموضوع ياريت الرد
الي عاشقة القرأن ما هي االسامي بقت ببلاش فيه مثل مصري بيقول .. لو الاسامي بتنشري كانوا سموك …. تجربة ايه وجن ايه وهبل ايه وعشق ايه وخيبة ايه دي متاعب جسدية وفقط تسبب مشاكل نفسية ولا اكثر ولا اقل
كنت اعاني منها وعندما التزمت بالوضوء قبل النوم وقراءة الاخلاص ثلاث مرات وقول لا اله الا الله عشر مرات خلصني الله تعالى منها ولم تاتيني منذ سنتين او اكثر حمدا لله.
جن لما يركبك .. يعني عن تجربة هو جاثوم ولا يمكن يكون غير جاثوم بس لما بنكون مشلولين من الحركة بسببه عقلنا بيصورلنا حاجات خيالية مش بتحصل وانا عن تجربة يعني لما قريت عن الجاثوم بطل يتهيألي حاجة نهائي لما تحصلي الحاجات دي عشان اذا عرف السبب راح الخوف يعني وانت طول ما حاطة في دماغك انه جن وبتاع ها يفضل يتهيألك كده
عن تجربه شخصية ده جن وعشان يضعف لازم تحافظي علي قراءة سورة البقرة يوميا والمحافظة على أذكار الصباح والمساء والنوم ودخول الحمام وأهم من ده كله المحافظة ع الصلاة طبعا وخصوصا صلاة الفجر
اختي العزيزة هذة الحالة تعرف بالجاثوم او الرابوص اوشلل النوم وهي حالة من الاختناق وعدم القدرة على الحركة اثناء النوم ومن اسباب تلك الحالة ان الشخص يخرج من حالة النوم الحالم الى الى مراحل غير النوم الحالم ومن ثم الاستيقاظ ووعيه بماحوله ولايمكنه التخلص من خاصية الارتخاء العضلي الكامل التي تميز النوم الحالم ممايودي بالشعور والتوتر والرعب الشديدين نتيجة لرؤية بعض الاطياف المزعجة مثل الكوابيس والاحساس بالعجز والاختناق وعدم القدرة على الحركة والكلام وتستمر نوبة شلل النوم او الجاثوم لعدة ثواني وربما لدقائق معددوة تنتهي بعودة القدرة على الكلام والحركة ومن ثم الاستيقاظ في حالة من الرعب والتوتر وحتى البكاء ومن اسبابه ايضا الحرمان من النوم والقلق المفرط والتوتر الزائد ووضعية النوم على الظهر والاصابة ببعض الامراض النفسية وايضا التوقف المفاجئ عن تناول ادوية الاكتئاب تسبب في تلك الحالة شلل النوم اوالجاثوم وطرق علاج تلك الحالة يتخلص في التالي 1- الانتظام في مواعيد النوم والاستيقاظ 2-ممارسة الرياضة 3- النوم لساعات كافية اثناء الليل 4- النوم على احد الجنبين بدلا من الاستلقاء على الظهر 5- تجنب السهر والقلق والتوتر 6- تناول الادوية المهدئة كدواء -كلونازبيام- اوعلاجات الاكتئاب لتخفيف التوتر وتثبيط مرحلة النوم الحالم في حالات محددة والله الشافي