مش واثقة فى نفسى بسبب شكلى

السلام عليكم
انا بنت عندى 20 سنة مشكلتى هى انى ديما بحس ان الناس بتعملنى وحش بسبب شكلى بس لما بتعامل مع حد بيعاملنى باحترام اوى دايما باخد كل حاجة بتحصل على ان شكلى السبب وبحط كلام الناس فى دماغى بطريقة مش معقولة ونظرتهم كمان يعنى ممكن حد يقول كلمة فى الشارع اخدها لى انها عليا فلما ابص الاقى الحد دة كان بيتكلم مع حد تانى او حصل اى حاجة فى الشارع اقول ما هو حصل كدة عشان شكلى مش حلو مع ان فية ناس بتقلى انى حلوة وفى بيقولوا انى شكلى مقبول بس انا مش بسدا حد خالص و بقول انهم بيقولوا كدة مجاملة دايما لما مثلا ابقى فى فرح وحد يقولى عقبالك اقول ان شاء الله وفى سرى اقول دة فى الاحلام دايما متأكدة انة عمر ما حد هيعجب بيا حتى المرتين الى حبيت فيهم كانوا من طرفى انا بس انا بجد كرهت تفكيرى دة اوى نفسى اغير طريقة تفكيرى دى كل ما اجى اغير طريقة تفكيرى وفعلا بغيرها الاقى حد يقولى كلمة تزعلنى فى الشارع ارجع افكر كدة تانى وفية ناس بتقول ان شكلى كبير وفية بيستغربوا انى فى كلية وبيفتكرونى فى ثانوى انا بجد تعبت اوى نفسي اشيل التفكير دة من دماغى ليا وحدة صحبتى انا بحبها اوى هى طيبة جدا بس هى لبسها ضيق و بشعرها وكدة وانا بلبس واسع وطويل انا بفرح بلبسى دة اوى و عمرى ما فكرت انى اغيرة بس هى دايما الناس بتقعد تبصلها وفى الى بيعجبوا بيها وكدة هى شكلها مقبول وفى ناس بتقول انى احلا بس انا طبعا مش بسدأ خالص و بقولهم هى احلى طبعا و ديما بقول ان عمرى ما حد هيعجب بيا خالص ودايما بقول عمرى ما حد هيعجب بيا وهى معايا انا عارفة انكوا ممكن تقولوا انها غيرة بس فعلا انا متأكدة انها كدة ومتفتكروش انى مبسوطة بالاحساس دة بالعكس انا بكرة الاحساس دة لانة غبى وعارفة ان ربنا بيغضب عليا بسببة بس بجد انا بتمنى اغير طريقة تفكيري دى كل ما انزل ببئا خيفى لحد يعلق عليا بكلمة كدة او كدة فتجرحنى و انا تعبت اوى بسبب كدة انا عايشة فى مود غبى وتعبانة بجد وديما بدعى ربنا انة يخلصنى من كدة انا تعبت فعلا ارجوكم ساعدونى

مشاكل وحلول ذات صلة

• الشعر الزائد يؤذيني مع حكة غيرعادية بالمنطقة الحساسة
• وزنى ثابت ومش راضى ينزل
• هل انا مريضة واحتاج علاج لكن الخوف يقتلني بالبطيء
• ما هو علاج الشعر الجاف
• تشققات الثدي للبنات ما علاجها
• عندى تهتهة في الكلام وبفكر ادخل الحربية
• هل فعلا بيحبني