أنا فتاة فى 2 جامعة عندى 19 سنة أشعر أن كل من حولى غير مثقفين وليس عندهم القدرة على الإحساس بيا أنا عندى مشكلة مدمرة حياتى عايزة حد يسألنى إيه هى ويتابع معايا ويسأل وأنا أجاوب عايزة أفضفض لحد عنده إحساس مختلف عن كل الناس ربنا أنعم عليه بالتقوى والإخلاص العالى بداية المشكلة إنى حزينة جدا ومعنتش قادرة أعيش فى حياتى ولكنها لم تنتهى بعد فماذا أفعل فى دنيا لا أريد العيش فيها لحظة أريد أن يناقشنى أحد عن مشكلتى ومايكونش بيضحك على عقلى ومش فاهمنى زى كل الناس اللى حوليا اللى عمرهم ا هيفهموووونى دا حتى بيرفضوا إنى حتى أفضفض للورق عن طريق إنى أكتب مذكراتى وأحزانى فى الورق فهم ليس عندهم الذكاء العاطفى الكافى لفهمهم ما أفعل من كتابة معاناتى فى الورق جاوبوونى لو كانت مشكلتى تعنى شيئا عندكم أما إن كان أحدكم يظنها تافهة فلا بأس ولا مانع
معدش عندى القدرة إنى أرجع لربنا تانى ، كمان قلبى بيتقطع لما الناس اللى عايشين حوليا بيشكروا فيا مايعرفوش إنى أنا من جوايا إنسانة منحطة فعلا سمحت لنفسى بسماع ألأغانى ، سمحت لنفسى بالكلام مع شاب فى التليفون ولكن ليس كثيرا أنا بس بقيت أقول ألو مين معايا وخلاص ويرجع الرقم يرن تانى وأنا عارفة إن هوا لكن برد برده وأقول مين معايا ، لأنى حاسة إن الحد دا ممكن يكون حد بيحبنى وحنين عليا ، ولو الناس اللى بيحترمونى ويعرفونى عرفوا إنى حتى فتحت على رقم غرب بجد أنا هسقط فى قاع أنظارهم ، المهم انا عندى كلام أكتر من كدا نفسى حد يتواصل معايا ويسألنى مااااااااااالى ويكون عنده إحسااااااس زى الداعية مصطفى حسنى ومعز مسعود والناس اللى مش بتتريق على اللى بيعبر عن مشاعره بل يقدره ويجيبه وانا واثقة بإذن الله إنكم كدا ، ارجوكى ساعدونى وناقشونى فى مشكلتى التى لا أود أن أموت وأنا عليها ، بقيت حاسة إنى قلبى قااااااسى معنتش بقدر أبكى لما بشوف حاجة تزعل معنتش بقدر أحس بمعانى ولا أفهم مفاهيم معنتش أنا ، ولسة بيقولولى لما تتخطبى ولما تتخطبى ، ساعتها بضحك فى نفسى وأقول هو الخطيب اللى هيجيلى دا هييجى لمين ؟ أنا مبقتش أنا ، أنا بقيت مفرغة من جوا ، وكل حاجة منبرا ، الناس فاكرانى شخصية محترمة أووووى لكنى بجد فضيت من جوا مابقاش فيا غير قلة العقل وقلبى ماعدش فيه نور الإيمان
حد يسألنى عن مشكلتى أكتر ؟
مشاكل البنات النفسية
معدش عندى القدرة أرجع لربنا تانى
اضيف بتاريخ: Saturday, November 25th, 2017 في 22:05
مشكلتك أن الانا العليا عندك قوية وبالتالي يؤثر على صحتك النفسية وتعطيكي دايما الاحساس والشعور بالذنب تجاه الافعال البسيطة لازم تعرفي ان كل واحد فينا يخطا ودا مش عيب المهم اننا ندرك الاخطاء ونسترجع حياتنا الصحيحة مرة اخرى يعني لما نسمع الاغاني نرجع عنها تاني مفيش مشكله و ربنا غفور و كمان مش لازم كل شوية تحسي بالذنب وتأنيب الضمير لان الله غفور رحيم وتاكدي ان ربنا يحبك علشان دايما يفكرك بالفعل الصحيح اللي لازم تعمليه لاتلومي نفسك كل شويه لكي تستمعي بحياتك
واخيرا ياريت تشتركي في انشطة خيرية تحسسك بالسعادة وتبعدك عن الصراع النفسي دا