السلام عليكم:أنا مشكلتى كلها فى الشكل..أنا عندى 17 سنة أنا مش هقول على نفسى جميلة بس الناس هى اللى شايفة كده..اعتقد ان أى بنت بتتمنى أنها تبقى جميلة وتحس ب ده فى عيون الناس بس أنا لا شكلى سبب لى أزمة.. المفروض أنها حاجة تفرح بس أنا أسمع ان الشئ إذا زاد عن حده آنقلب ضده وهو ده فعلا اللى حصل وبدل ما تبقى حاجة تخلينى أثق فى نفسى خلتنى مفيش ثقة خالص لا فى نفسى ولا فى أى حد..الناس مش شايفة فيا غير شكل جميل وبس إنما كشخصية مش بيحاولو يقربو منى عشان شخصيتى عجبتهم مثلا لا عشان شكلى عجبهم وبس..مليش أصحاب قريبين وبرضو بسبب الموضوع ده فى اللى بيغيرو منى واللى أتعرفو عليا عشان شكلى لفت نظرهم و و و…..أنا كشخصية مش وحشة والله بس أصلا مفيش حد حاول يقرب منى أو يشوفنى من ناحية شخصيتى مش شكلى..نفسى الناس تحبنى عشان شخصيتى حلوة مش عشان شكلى حلو..طيب فين الناس اللى بتقول الشكل مش أهم حاجة الحلاوة حلاوة الروح؟!!..أنا حتى خايفة مستقبلا إن حد يتقدملى عشان شكلى بس!..يعني أنا لو جمالى راح لاى سبب محدش هيشوف فيا أى حاجة حلوة؟!! 🙁 ..أنا مهما وصفت إحساسى محدش هيفهمنى..أنا شفت مشكلتى دى أكتر من مرة بس الناس كانت بتاخد الموضوع بتريقة واكتر التعليقات اللى كنت بشوفها (يا ستى عرفنا انك حلوة خلاص)..(تلاقيها شبه القرد أصلا)..(طب ممكن نتعرف) وهكذااا…..أنا والله والله مش كاتبة الموضوع ده عشان اتباهى ولا استعرض زى ما ممكن كتير يفتكرو أنا كل اللى عيزاه بس حد يرفع معنوياتى شوية أى حاجة تطمنى ان الشكل مش أهم حاجة وان الناس ممكن تشوف فيا أى ميزة تانية غير دى وإزاى أخلى الناس تحبنى لشخصيتى مش لشكلى…وأسفة ع الإطالة…………………
اللي بيقربو منك عشان شكلك دول عاوزين انتيكات وبس
لكن تاكدس لما واحد يكون بيدور علي شريكة حياة او رفيقة درب هيفكر في الجوهريات
لا شك ان العين تعشق الجمال لكن لو الامر تطور الي ارتباط هيكون للموضوع زوايا اخري
تحياتي لك
أوافق الأخت رحمة في الراي طوري من نفسك وتفوقي عشان يكون عندك شي جوهري
حاولى تطورى من نفسك اتعلمى لغات؛ اقرئى كثير و خليك متفوقة فى دراستك. حتى ترفعى من ثقتك بنفسك و بذلك تشعرى ان لديك شئ جوهرى تفتخرى به .
تحياتى
شوفي ياعزيزتي الجمال الحقيقي هو جمال الروح والاخلاق وليس جمال الشكل لانه زائل خلي دي قاعدة راسخة في حياتك وتعاملي مع جميع الناس من حولك على مبدا الاحترام والتقدير ومعتزة بسمو اخلاقك وتربيتك الحسنة وثقتك في نفسك تخلي الجميع يحبوك ويحترموك ويتمنوا صداقتك وتفوقك في دراستك ونجاحك في عملك تفرض عليهم حبهم لك واحترامهم لك واياك والتفاخر والغرور والتعالي عليهم بانك جميلة جدا فالانسان منا بدينه واخلاقه وروحه الطيبة وتعامله الراقي والحسن مع الناس وانت في عزشبابك ومن حقك تفرح بعمرشبابك زي بقية البنات لكن وسط ضوابط لاتخالف الدين ولا الاعراف والتقاليد التي عليها مجتمعنا الشرقي المحافظ من حيث اللباس والاحتشام وعدم التبرج والسفور والابتعاد عن الاختلاط بالشباب او التكلم معهم ومصاحبة البنات الكويسات المحترمات والبعد عن رفيقات السوء والتمسك بتعاليم الدين والقيم والاخلاق والمبادئ التي امر الله عزوجل نساء المسلمين والالتزام بالحجاب للفتاة فهو سترة وعفة لها وتحصين من الوقوع في الفتن والمحرمات والله يسترعليك ويصلح حالك ويهديك انت وكل بناتنا المسلمات ويؤفقكن ويسعدكن في هذة الحياة ويرزقكن الحشمة والعفاف والوقار ويحفظكن من كل سوء ويبعدكن عن شر الاشرار وكيد شياطين الانس والجان
السلام عليكم ورحمة الله وبركاته
هو انتي تعرف قلوب الناس حبك ليه
الافضل كبر مخك اسبك من الناس اهم حاجه رضي ربنا بس
دي حاله نفسيه
وعلاج الحاله نفسيه هو عدم الاستهمام بشيء
او ذهب الي دكتور نفسي