انا فتاة سنى 23 حسة انى مخنوقة وتعبانة اوى مشكلتى انى مش حاسة انى بنت زى كل البنات ماما برضة بتقولى انتى عرة البنات بتقولى الناس لو عليهم يدفوا عليكى هو انا مش وحشة اوى ولا حلوة برضة يعنى العادى زى اى بنت بس الحمدللة محبوبة من الناس ولما بمشى فى شارع الشباب بيبصوا علية يعنى مش وحشة اوى زى ما امى بتقول واللة مش غرور بس يمكن عشان انا تعبت يمكن بيبقى شكلى حلو فى الحجاب انا عندى احساس عالطول انى اقل من البنات انى انا وحشة انا قصيرة ويمكن الى يشوفنى يفتكروا انى لسة فمدرسة ما اعنى خلصت غير كدة شعرى مش حلو خالص عالطول ببقى حطى الاشارب على راسى علشان محدش يبصلة حاولت كتير اصلح فية بس مفيش حل غير كدة ودانى كبيرة فابدريها بالاشارب فى البيت علشان محدش يبصلى ويكسفنى طب دى خلقة ربنا اعمل اى اعترض عليها انا مخطوبة وخطبنى وسافر يعنى مشفنيش خالص غير اسبوع وسافر فشفنى عالطول بالحجاب مش عارفة اعمل اى لما يرجع وهل انا فعلا عرة البنات زى ما بتقول ماما نفس ابقى زى اى بنت ماحسش عالطول انى اقل من حد عالطول لما بتكلم فى البيت مع حد يقولولى هو انتى فاكرة نفسك اى انتى ولا حاجة لدرجة انى فعلا حسيت انى ولا اى حاجة ولما اتناقش معاهم فحاجة يقولولى قعدى ساكتة ملكيش دعوة عارفين انا حاسة بقى حاسة انى معنديش شخصية ولا حتى ثقة فنفسى ولا مع الناس انا مش مريضة نفسية انا عادى بس يمكن انا تعبت حاسة انى ولا حاجة زى ما اهلى بيقولولى يعنى طلعت مش عارفة اعتمد على نفسى فحاجة ولا انا انسانة فاشلة مليش لذمة اكل واشرب وخلاص انا حدة لما جربت انزل اشتغل معرفتش اتعمل مع حد ورجعت البيت تانى انا عندى فى البيت بيعاملونى كالطفلة بيبقوا مرعوبين لو نزلت مع صاحبتى الشارع مش عارفة دة خوف لدرجة دى وحاجات وامثلة رغم سنى 23 وساعات بقول هما السبب الى خلونى كدة
ياجبيبتي انت زي القمر وربنا يهدي امك ويصلحها ماتزعليش منها ابدا او تتضايق من كلامها وليس الانسان بشكله وانما بدينه واخلاقه دي خلقة ربناعزوجل ولاحدش يعترض عليها عايزك تكون طبيعية خالص وتهتم بخطيبك وتعامليه كويس وتحافظي على اخلاقك وتربيتك وسمعتك وكرامتك ولاتفكريش الا في ارضا ربنا عزوجل من المحافظة على صلاتك في وقتها والصوم وقراءة القران والاستغفار والبر والاحسان لامك وطاعتها وتلتزم بالحجاب فهو اعفاف للبنت وستر لها ولست عرة البنات كما تقول امك بل انت احسن بكثيرمن غيرك من البنات وخليك واثقة من نفسك تماما ومعتزة باخلاقك وتربيتك واحسن التصرف مع الاخرين وخليهم يحترموك ويقدروك بحسن معاملتك ليهم وربنا يبارك فيك ويتمم لك بالخير ويؤفقك ويسعدك مع خطيبك وعقبال فرحكم عماقريب باذن الله تعالى