انا عمرى 18 تانيه ثانوى انا ممكن هطول عليكو بس استحملونى من حوالى 7 سنين حبيت واحد كويس وبيحبنى جدا وبيحترمنى وفيه كل حاجه حلمت بيها وكمان جارى واكبر منى بسنه بس تفكيره كبير وراجل بجد ومش عيل حبنى وحبيته وكان بيدرس ف الخارج وكنا بنكلم بعض بس مش كتير وكان بيجى ف الصيف ويسافر في الدراسه من سنتين واحد حبنى جدا وكان طيب وعرفت وحاول كتير جدا انو يكلمنى وانا مردتش لانى كنت براعى اهلى واخاف من زعلهم وكلمته وفهمته دا بس مفهمنيش وحاول كمان واقرب صاحبه ليا كانت من رايها انى اكلمه وكمان حاولت تكرهنى ف حبيبي بحجه انو بيسافر وانتى متبهدله معاه وحياتك فاضيه وانى لازم اكلم الشخص التانى دا فكلمتو وسبت حبيبي سنه ونص واتعذبت بما فيه الكفايه وعمرى ماحسيت بمشاعر ناحيتو الا مشاعر انى محتاجه حد وخلاص وسيبتو مع انو كان بيحبنى جدا وكمان مجنون بيا ورجعت لحبيبي الاولانى بس بعد تعذيب كلمته وعرف انى كلمت واحد تانى وسامحنى وانا مقدره عذابوا وحاجات كتير قوى رجعت زى الاول بس فوات الاوان بعد ما اتحطمت ودا كلو بسبب اقرب الناس ليا (1)عارفين صاحبتى اللى قالتلى سيبى حبيبك دى بقي انسانه…………. بعد ماكلمت الولد اللى كان بيحبنى اللى هى عايزانى اكلمه بقت تقولى سبيه مينفعش تكلميه موضوعكو فاشل ومينفعش تكلميه واما رجعت لحبيبي تقولى نفس الكلام الولد التانى احسن وحبيبيك دا مينفعش ليكى وبقت تهدلى كل امل وحلم معاه وكل اما اكون فرحانه لانه كويس معايا كانت تستهزئ بيا نفسى اعرف اتعامل معاه ازاى؟؟ (2)امى مش المفروض ان امى تكون ستر عليا وان اما احكيلها متفضحنيش زى اى ام عاقله بتفكر بقلبها المفروض اى ام تتقرب من بنتها بدل ماتضيع من الدنيا وهى عايشه وتحس انها ميته امى دى بقي غاويه تسقينى المر انا بحبها جدا وبسامحها كتير ممكن تخلينى قاعده واضحك تبصلى بصه تستحقرنى بيها بكره نفسي وقتها او اكون بتكلم تقولى اسكتى غوري من وشي مبحبش اشوفك ولابحب اسمع صوتك قولتلها كتير صاحبينى وبقيت كتير احكى لها عن زمايلى وامهاتهم ازاى بيتعملو معاهم عشان تحس بيا من غيرها وانى محتجاها وبردوا مبتقدرش ودا كلو وعايزنى ازاكر ومفكرش في اى حاجه واركز فى مذاكرتى بس اعمل ايه ؟؟؟؟؟؟؟؟؟؟ انا حاسه كانى متخدره ومبقتش داريه باى حاجه غير انى اعيش عشان حبيبي اللى عمره ماقلى كلمه وحشه وبيعوضنى عن اى حد بس هو مش جنبي وبكلمو تقريبا كل يوم بس محتاجه اهلى بجد محتاجه اى حد يحس بيا ونفسي في بنت او اي ام بتفهم ولادها وبتخاف ع مستقبلهم ترد عليا في الاسئله دى………… -اعمل ايه في صاحبتى دى ؟ – محتاجه اخرج من اللى انا فيه واركز في دراستى واجيب كليه كويسه اعمل ايه؟؟؟؟؟ واهم سؤال اعمل ايه مع ماما انا بجد محتاجاها بس مش حاسه بيا
بس كفايه كدا عشان انا تعبت وتعبتكوا معايا آسفه واللهى بس انا حاسه انى اتحطمت
مشاكل البنات النفسية
محدش بيفهمني ويراعي مشاعري لا امي ولا صاحبتي
اضيف بتاريخ: Tuesday, February 6th, 2018 في 14:44
كلمات مشاكل وحلول: الحب, الدراسة, بنت, حب, شاب
