انا بنت عندي 20 سنه الحمد لله مثقفه وبيقولو انى جميله واهلي ناس طيبه جدا بس انا برا مصر مشكلتى انى بجد حاسه انى لوحدي كل البنات الى حواليه بيحبوا وعايشين احلى ايام وهما قريبين من الي بيحبوهم كل السنين الى فاتت كنت بنصح اصحابي وبساعدهم بس دلوقتى بقا الموضوع ده بيدايقنى عشان بحس انى ناقصنى حاجه . انا مش هقول ان مفيش حد حواليه في حواليه كتير معجبين بيا او بيحبونى بس للاسف مفيهومش واحد بس انا احبه او واحد كنت بحلم بيه انا حبيت قبل كده مره وكان شخص سيئ جدا للاسف والحمدلله ربنا نجاني .. بس دلوقتى ! انا ساعات بفكر ان العيب منى لانى مش بحب الخروج زي باقي البنات ولا ليا انى اصاحب او كده بس انا بجد محتاجه حد ف حياتى حد كويس يملى عليا حياتى .. كتير بفكر اجرب مع حد من الى حواليه بس برجع واقول كده هظلمه وهظلم نفسي طيب اعمل ايه بجد حاسه بوحده فظيعه وخصوصا انى مش ف بلدي يعنى فرصة انى الاقي حد من بلدي اقل
الاخت العزيزة والله انك احسن من غيرك من البنات احمدي الله على كده وتاكدي ان نصيبك سوف تلاقيه مع ابن الحلال اللي يستاهلك اصبري واكثري من الدعاء لربنا عزوجل ومن المدوامة على اداء صلاتك في وقتها والصوم وبر الوالدين والاستغفار وقراءة القران والابتعاد عن المحرمات والمعاصي والذنوب وربنا بيكرمك من اوسع ابوابه
اتقي الله
واصبري عشان متندميش
استنا نصيبك وحلالك ومن ترك شيئا في الحرام عوده الله خيرا منه في الحلال
قربي من ربنا واشغلي وقتك بذكره واستغفاره