يا جماعه اكنشفت انى زميلى الرجاله فى الشغل بيقولو عليا انى مغروره وانهم خايفين منى يكلمونى لحسن اكسفهم واقولهم ماتكلمونيش تانى هما قالو الكلام ده لصحباتى اللى شغالين معايا مش عارفه اغير لهم الفكره دى ازاى لكن برضوا مش عايزه افقد احترامى لنفسى وعلى فكره ده بيكون تقريبا نفس كلام كل الرجاله واحيانا البنات اللى بتشوفنى بس بعد ما البنات بتعرفنى بجد بتعترفلى باحساسها فى البدايه من نحيتى وازاى اتغيرت فكرتها عنى وبرمى السلام على اللى قاعدين فى اى مكان بس انا والله روحى حلوه كل مشكلتى انى خجوله شويه وكمان انا مش بحب اى راجل يدقق فيه ويحكى معايا بس مش عايزه الفكره دى تكون فكره كل اللى يشوفنى وعايزه كمان اصحح الفكره الوحشه دى عنى لزميلى بس بدون فقدان قمتى ارجوكم قولولى محبش اظهر وحشه قوى كده
التواضع للناس لكى يرفعك الله درجات فى الارض وتحت الارض الغرور شى فظيع كون روحك طيبه لان محبة الله يضعها فى قلوب البشر والعظمه والكبريئا لله وحدهارجو منك ان تكون انسانه بشوشه مبتسمه وان تتقربى من الناس ولا تنكسفى لان نظر الناس لكى علشان انتى جميله وده شى جميل ان الناس بتبص عليك وده يخليكى تحمدى ربنا على نعمة الجمال مع تحياتى دكتور/ رضا
لو انتى واثقة من نفسك و عرفة انك مش مغرورة ملكيش دعوة بحد…الناس اما بتلاقى وحدة محترمة بيقولوا عليها مغرورة…صدقينى لو قعدتى تسمعى لكلام الناس مش حتخلصى و حتبوزى حياتك..
يا بنتي الاولاد دول لا بيعجبهم العجب ولا الصيام ف رجب و بعدين الغرورو ده حاجة كويسة انها تكون موجودة عند البنت عشان متسيحش قدام اي كلمتين حلوين من اي واحد شايف نفسو حبيب بعدين مش مهم رأي الناس فيكي انتي مش هترتبطي بكل الناس المهم شريك حياتك اللي هتختاريه هو اللي يفهمك و يفهم ان غرورك ده خوف على نفسك مش اكتر 😀
مع احترامي لاراء الجميع
طبعا حاجه كويسه جدا اننك تكوني خجوله خصوصا مع الرجاله
وده طبعا بيرسم لك شخصيه كويسه بين الناس بس حاولي انك تكوني قريبه منهم بس في حدود المعامله
يعني مثلا ان لو حد طلب منك اي مساعده وفي ايدك انك تساعديه ماتتأخريش عنه وكمان عايز اقولك ان المشكله دي عند ناس كتير مش انتي بس
وبعدين ياستي انتي مش غريبه ولا الناس برده غريبه بس كل واحد بيكون له وجهة نظر
انا كمان تقريبا نفس الحاله بس تقدري تقولي ان ده خجل
وكتير بيقولوا عليا اني منطوي بس انا بجد مش بحد اتعرف علي حد الا لما اعرفه كويس جدا
ومش بفتح قلبي لاي حد علي طول اواتكلم معاه
يمكن يكون خوف من ناس اليومين دول كتير بنقابل ناس مش كويسه
وانا ماشي بمبدأ من لا حياء له لا دين له
اشكركم على الرد واعطائى وجهه نظركم لكن انا والله وشى بشوش وببتسم فى وشهم وبرمى السلام لدرجه انى اى بنت بتصحبنى بتستغرب ازاى هى كانت شايفانى كده وبعدين تحلفلى انها ماحبتش حد بالشكل اللى حبتهولى غريبه والله
الاخت اسائله حياكى الله على احترامك لنفسك ولدينك لكن عليكى أن تتعلمى فن التعامل مع الأخرين سواء رجالا أم نساءا بحدود شرعيه خاصتا مع الرجال فلا تتهاونى وكونى كما أنتى واقرأى وثقفى نفسك حتى تستطيعى أن تتخطى هذه العقبه وحتى لا يوسيء الأخرين فهمك
والله وانا كمان كده
اللي يلاقي حل يقول
عشان انا بقيت حاسه اني بقيت شبح
الناس مش شايفاني اصلا
متهيئلى انتى حلوة شويه فهما شايفن ان جمالك دة ممكن يخليكى مغرورة زائد انك خجوله يعنى مبتخديش على الناس بسرعه وقليله الكلام فطبيعى حيخدو الفكرة دى عنك فانتى خليكى سورى فى اللفظ بنت بلد يعنى يعنى زى ما انتى بتقولى ترمى السلام لو شفتى حد من زميلك تسلمى عليه متوديش وشك الناحيه التانيه بحجه انك خجوله خليكى اجتماعيه اكتر شويهخلى وشك بشوش دايما بيضحك بس كدة لو بعد دة بيقولو كدة يبقا يقولو اللى يقولوه بقا طلاما انتى مقتنعه بنفسك فى ظل التغير اللى تغيرتيه وشايفه انك مش مقصرة يبقا خلاص
يعنى متمشيش مكشره ووشك للسما وتردى بنص كلمه على الناس ويكون وجهك فى سماحه يعنى بشوشه شويه صغيرين اكيد ملامح وجهك حاده فحاولى بسنه ابتسامه يكون التعامل وخير الامور الوسط فى كل شيئ من غير متزوديهم لكى لا يطمع الذى فى قلبه مرض وكلنا ولاد تسعه
مين قال انك كده وحشه بالعكس والله انتى صح فجمال المرأة يذينه الحياء
والمرأة بدون حياء كالزهرة بلا ماء………. صدقينى انا زى اخوكى ويهمنى مصلحتك اوعى تفكرى انك غلط
لو حد مثلا اتقدملك وسأل حد من زمايلك عن اخلاقك هيقول عنك انك خجولة ومش بتكلم حد وانك محترمه صدقينى اللى هيوافق عليكى بالشكل ده هو اللى انسان سوى ومحترم اما اللى مش عاجبهم انك كده فسيبك منهم انتى صح ياريت ربنا يكرمنا بزوجات وبنات صالحين وربنا يرذقك بالزوج الصالح