أحب معلمتي و ما أدري ايش أسوي ؟

السلام عليكم ، عندي مشكلة و يا ليت تساعدوني فيها بدون نقد أو تجريح . أنا طالبة حبيت معلمتي جدا كل يوم لازم أشوفها أو أسأل عنها و إذا غابت بيصير ذا اليوم أتعس يوم بحياتي أقلق عليها دايم و كل يوم الصباح أشوف الدواء حقها على المكتب إذا أخذته و لا لا . مرة غابت 5 أسابيع ! و أنا كل يوم أقنع نفسي ان اليوم اللي بعده بتجي و ليومك هذا ما أدري وش سبب غيابها ؟ وصلت الحين لدرجة اني طلعت رقمها و عرفت حسابها في أحد مواقع التواصل الاجتماعي و ضايفتها بعد بس هي ما تدري انه انا ، و أنا عرفت كل تفاصيل حياتها بعضها هي قالتها لي و بعضها عرفتها عن طريق حسابها طبعا مستحيل أصارحها بشعوري تجاهها بس جد تعبت كل يوم أبكي لإنه باقي 3 أسابيع و معد بشوفها لإني بتخرج ! طبعا أنا أحاول ما أوضح لها بس غصب عني أبتسم يوم أشوفها و أبكي يوم أشوفها متضايقة . حبيت كل الأشياء الجميلة المرتبطة فيها و كل عيوبها . طبعا هي درستنا سنة وحدة بس ، صديقاتي دايم يراقبوها و يراقبوني فدايم يوم تشوفني أمشي أو أتكلم تطالع فيني و اذا جت عيني بعينها تبعد عينها عني ! مرة كان عندنا أولمبياد فكان فيه ورشة و كانت هي المسؤولة عن الورشة مع معلمة ثانية . راحوا البنات سألوها عن مسألة مو عارفينها فهي قامت تشرح لي أنا بس لوحدي و ما شرحت لهم ! ما أدري إذا هي حست اني أحبها و لا لا ؟ و طبعا مو بس أنا اللي أحبها في طالبة أصغر مني بسنة تحبها 🙁 و المعلمة هذي ما تعطي وجه مرة يعني تحاول تسوي نفسها ثقيلة . وش الحل معها ؟ أحس ما بتحمل إني أبعد عنها 🙁 أفيدوني بدون نقد أو تجريح لو سمحتم .

مشاكل وحلول ذات صلة

• لسه بحبها وهي مؤدبة جدا
• حبيبتي انخطبت وانا بتعذب
• احبه وأشك بأنه بعلم اني موجودة
• حبي الاول من ع النت
• الحب يؤثر على دراستى وانا فى الثانوى
• اريد ان اعود كما كنت في السابق
• أحب أخت صديقي واشك بعلمه بالامر