مشاكل البنات في المدارس

كارهة نفسي من ساعة ما رجعت مصر

اضيف بتاريخ: Tuesday, December 21st, 2010 في 04:10

كلمات مشاكل وحلول: اكتئاب, السعودية, المدرسة, مشاكل البنات, مشاكل البنات في المدارس, مصر, مصريين

28 رد to “كارهة نفسي من ساعة ما رجعت مصر”

1. i love ksa

   

   31/12/2013 at 22:32

   شي طبيعي لأنك طول عمرك عايشة في السعودية وانا كمان ولدت فيها وعايشة فيها ومستحيل اسافر بلد ثانية غيرها او احب غيرها وعمري الان 17 واحب السعودية اكثر من بلدي احبها موووووووووت واحب اهلها وهم بصراحة ينحبو لأنهم طيبين وتحسي فيها بالامان مو معناته اكره بلدي بس لأني تربيت هنا وماقد زرت بلدي وكمان عشان اهلي كلهم في السعودية وزي كذا
2. Dida

   

   15/08/2013 at 00:58

   نفس المشكلة مريت بيها بس من سنين انا دلوقتى سني 22 سنة والحمد لله اتخرجت
   وفعلا انا رجعت وانا في عمرك تقريبا كده الناس كانت مختلفة والمناهج كانت اصعب بالتأكيد ولكن مع الايام اخدت على كده بالعكس عرفت الناس الكويسة وعرفت الوحش وهيا دي الدنيا هتلاقي الكويس و الوحش واتعاملى وعيشي حياتك ,, وربنا يوفقك ركزي في دراستك ومستقبلك وشدي حيلك واتعرفي على المحترم ومتخافيش من حاجه السعودية اه جميلة واحلى من مصر بصراحة يعني ده رأي الشخصي ولكن طالما عشتي في مصر هتتحسي انك منها وقعدتى فيها مده كبيره ,, ربنا يوفقك وتلاقي الخير في حياتك ..
3. no nome

   

   04/04/2013 at 00:07

   حبيبتي انا فـ نفس سنك وكان عندي نفس المشكله دي بالظبت … بس لما كنت بقول لبابا ” مش عارفه اعيش هنا كان بيقول ان مينفعش نسافر تاني ”
   بس نصيحه مني اعرفي و صاحبي بنات من فصلك و حاولي انك تكوني اجتماعيه حتى لو حاجه بسيطه و مع الوقت هاتتعودي عـ الوضع الجديد اللي انتي فيه …
4. ابواميرة

   

   23/12/2012 at 17:55

   يابنتي الغالية مصردي بلدك ومافيش احد مايحب بلاده حاولي تعملي صداقات مع بنات من سنك واخرجي مع اهلك انبسطي وتفسحي مصرحلوةوجميلة واهلها ناس طيبين ومرحين يحبو الجميع ولوعلى صعوبة المناهج التعليمية خدي كتب ومراجع لتبسيط المقررات موجودة في اغلب المكتبات وربي يوفقك
5. كنت في نفس حالك

   

   15/06/2012 at 19:44

   انا بردو كنت زيك عشت طول عمري هناك في السعودية بس ماكنتشش بحها ابدا كان نفسي ارجع بلدي مصر
   ومشكلتك ممكن تتحل ان شاء الله لو وثقتي بقدراتك وانك ذكية الي مأثر بس الوضع الي تعودت عليه
   انما انا ذكية واقدر اتفوق على اي حد يعاملني كأني غبية

   ومفيش حاجة صعبة في الدنيا حتبقى حاجة صعبة لو انتي فضلتي تقولي انها صعبة
   لكن كل حاجة سهلة ان شاء الله
   وكلها فترة وتتأقلمي على الوضع الجديد
   اتمنى اكون افدتك
6. مايو المصرية

   

   09/04/2012 at 23:34

   انا اكيد مقدرة ان كل دة لازم يحصل وكمان اناحسة انك كنتى بتحبى حد فى السعوديةومش اقدرة تعيشى من غيره بس انا مش مقتنعة انك مش قدرة تحبى مصر انالو كل الى بيحبونى سابونى مش هحس لان بجد الشعب المصرى شعب حنين وطيب ولا ايه رايكوا ياجماعة اكيد طيب هزرى كدة واضحكى ويا سيتى احنا موجدين ومعظمنامصرين
7. ميدو نور

   

   03/02/2012 at 04:44

   حرام عليكى مصر ام الدنيا
8. بورسعيدية وافتخر

   

   28/11/2011 at 23:48

   حبيبتى انا عندى 14 سنة وكنت زيك بالظبط وعشت حياتى فى السعودية بس لما رجعت مصر اتعودت على الناس اللى فيها وبدات اتعامل معاهم عادى خالص ومفيش اى مشاكل يمكن انتى بس مش واخدة على الناس اللى فى مصر لكن مرة ف مرة هتتعودى وهتحبى مصر بس انتى اصبرى شوية وربنا معاكى
9. توتا

   

   08/11/2011 at 23:51

   في حد في الدنيا يكره مصر حبيبتي انا مولودة في الكويت وعايشة فيها و انا دلوقتي عندي 17 سنة و بنزل مصر كل سنتين او ثلاث سنين ثلاث شهور بس يعنى في اجازة المدرسة بس لما بنزل مصر ببقى مش عايزة اسبهابس بيبقى غصب عني و انا عارفة يعنى ايه تسيبي مكان كنتي عايشة فية كدا كدا كان هيجي اليوم ده و ربنا معاكي ويوفقك يا رب
10. هتلر

    

    14/09/2011 at 15:10

    الامر مو بلدك الاصلي ولا لا

    الامر انكي ولدتي هناك وعشتي هناك واخذتي طباع اهل البلد هناك

    اعتقد قدامكي وقت طويل علشان تتاقلمين مع اهل مصر
11. بنوتة كيوت

    

    09/08/2011 at 08:39

    معقول حد يكرة مصر انامن وانا بثانوى وانا كنت عايشة بسلطنة عمانوانا دلوقتى 20سنة بس اقسم بالله كل يوم كنت اشتاق ارجع مصر بجد كنت بحن لبلدى جدا بس للاسف باقي حياتى مش في مصر بجد للاسف..حبيبتى لازم تفتخري ببلدك وتحبيها واذا انتى معاملتك مع الناس كويسة وبدون تكبر لية الناس هيعاملوكى وحش؟؟
12. فدوى

    

    27/05/2011 at 19:38

    على فكره انا بسافر الامارات لكن بنزل على الامتحاتات ونزولى مخصوص والله علشان باشتاق لمصر كتير وكنت كتير بعيط فى الامارات لان مصر علطول كانت بتوحشنى وفى نفس الوقت اما بانزل مصر من غير ابى وامى بكةن كئيبه وزعلانه بس خدى نصيحه طالما مع ابوكى وامك ان شاء الله كل حاجه هتزةل
13. حياة

    

    21/05/2011 at 01:40

    حبيبتي ..انا بجد كنت زيك لاني عشت تقريبااا خمس سنين بس انا دلوقتي 17 سنة المهم الانسان لازم يبقى قوووووي وماستسلمش وخليكي واثقة من نفسك جدااا والمناهج مش صعبة زي ماانتي تخيلة الشاطر شاطر فين ماكااان حطي في بالك الكلام ده ياقمر …وخلي حياتك سهلللة وجميلة ومتعقديش نفسسسسسك على حاجات صغيرة كده بكرا لما تكبري هتعرفي ان كل ده تفاهات وخليكي فرفووشة ولا يهمك هتنحبي صدقيني
14. اسامه منير

    

    18/05/2011 at 01:19

    ليه مصر بلد جميله وفيها اجمل واطيب ناس التاقلم مع الوقت
15. shuwky

    

    06/02/2011 at 13:52

    علي فكره دا اكيد لازم يحصل عنديك نوع من الضيق والزهق علاشان تغير المناخ والجو والمكان من كل ما كان الاقامه بس صدقيني انيك هتتعودي وكل ده محتاج منيك بعض الوقت انا باعمل بالكويت من حوالي 10 سنين وكل ما ارجع مصر احس اني غريب بس لاني مبقدرش اقعد اكتر من 3 شهور بل ممكن 30 يوم في مصر مبقدرش اكمل اجازتي ال 6 اشهر وده يرجع علي اني بحس اني غريب عن الوطن ولاكن انا متاكد ان مصر اجمل بالد في العالم ولاكن الفكر الوحيد هوا اني ميش ها اقيم اقامه دائمه في مصر المثل بيقول صاحب بالين كزاب انا اطلب منكي انيك تفقدي الامل انيك ترجعي السعوديه تاني وهتحسي با استقرار والحيا هتكون طبيعيه بالنسبه لكي
16. مهندس مصرى

    

    05/02/2011 at 10:33

    اختى الكريمة فى البدايه ما انا الا مار لاتصفح هذا الموقع الذى لم نعهد له من قبل فى وطننا العربى وهى خدمة جزى الله العاملين عليها خير الجزاء لانها تساهم بالكثير من الحلول ولم اكن اتوقع نفسى ان اساهم هنا الا لمعرفتى جيدا ما تمرين به الان لان زى ما بيقولوا ما يجربش النار الا اللى عاش فيها .
    انا تقريبا نفس حالتك اتولدت فى المملكة العربيه السعودية وعشت هناك اجمل ايام حياتى وتربية تربية خاصة جدا وانت تعلمين ذلك بحكم المناهج الدينيه والقيم والاخلاق التى تزرع فى الاطفال هناك منذ الصغر وكانت الصدمة الكبرى عندما انتهى تعاقد والدى حفظة الله من العمل هناك ونزلت مصر لتبدأ معاناتى مع الاوضاع هنا والتعامل مع الناس هنا فى حقيقة الامر غيرة هناك اطلاقا وعايز اقولك ده شيئ طبيعى ومش مقلق اطلاقا نتيجه لتغير جذرى فى كل الشيئ الغلط هناك حتلاقيه صح هنا لدرجة انى دخلت فى حالة من الاكتئاب وحسيت انى انا خلاص مش قادر اتأقلم مع الوضع وكثير كنت بفضل انى اقعد فى البيت رغم انى لما نزلت مصر كنت فى المرحلة الابتدائية يعنى اكيد اللى بتمرى بيه اشد واقوى
    بصى كل اللى مطلوب منك انك تستمرى فى الحجات الكويسة اللى اتربيتى عليها هناك ومتخليش اى حد يغيرك مهما كانت الناس وتعاملتها انتى صح وثقى تماما فى الموضوع ده الناس هى اللى تغرت
    اخرجى من الجو ده لانك لازم تتأقلمى مع الاوضاع الجديدة واياكى والهروب منها لان ده ضعف اللى قدر يتعلم الحجات الجميلة يقدر برده بصفاته الجميلة يتأقلم ويؤثر فى المجتمع
    حاولى تلاقى صحاب انتى شايفاهم صح وخدى رأى اللى اكبر منك دايما فى كل حاجه واياكى والانجراف مع الغلط اللى هنا
    ودائما خليكى قريبة الى لله وثقى تماما ان الموضوع مش حياخد اكتر من فتره بسيطة على متعرفى الناس اللى حوليكى وتقدرى تحددى مين الصح ومين الغلط مين اللى عايز يغشك ويوقعك ومين اللى عايز مصلحتك ويقف جنبك ده طبعا بجانب ان الناس كلها بصة للى جاى من بره ده على انه كائن غريب ليس له اى ملامح ولا لون ولا شكل زى ما ذكرتى حضرتك وبخصوص المذاكرة العيب فى لمناهج مش فى عقليتك انا كنت من المتفوقين هناك وباخد شهادات تقدير وهدايا اول ما رجعت هنا مصر بقيت حديث العيلة كلها فى الغباء المتحكم فياا هههههههههههههه حاولى على قد ما تقدرى تذاكرى ونظمى وقتك واعملى مكافأه لنفسك يعنى امتحان معين لو جبتى فيه درجة كويسة هاتى هدية لنفسك بصى شجعى نفسك بنفسك وحتعدى انا اهوه كنت زيك والحمد لله ربنا كرمنى ومهندس نظم ومدير قواعد بيانات فى شركة كبيرة فى مصر المهم واحده واحده وكل حاجه هتلاقيها مشيت مع الوقت
    استعينى بالله وفى كل حاجه خدى رأى اللى اكبر منك جدتك جدك والدك او اخواتك الكبار لان حيساحد كتييير معاكى وحيفرق برده كتيير
    اتمنى انى اكون وفقت فى نقل ما اريد ان اوصله ليكى وفقنا الله واياكم جميعا الى ما يحبة ويرضاه
    .
17. آحححلى مقيمـه ..$

    

    24/12/2010 at 10:32

    لآه حبيبتي مشكلتج مش تافه
    بالعكس وايد مهمه ..
    بعدين كلها مسألة وقت وتتعودين ../ انا بعد مثلج اول ماسكنآ السعوديه ما تأقلمت
    وكنت اصيح كل مغرب ههههه لآني مش متعوده وفقدت اشياء وناس وايد حتى حريتي فقدتهآ
    يعني كل شي بالنسبه لي فالسعوديه ممنوع ..^
    بس بعد سنه عرفت ان هالشي في مصلحتي وتعودت عليهآ وان الحريه مش اني اروح كل مكان بدون رقيب لآهـ الحريه إني أتعود على عاداتهم فالسعوديه لآن هالشي في مصلحتي
    والحينه لو ارجع الامارات ما ارتااح وايد

    تقريبا مثلج ..يعني هذا هو حل المشكله ( التأقلم)
    حاولي تتأقلمين وتشغلين روحج بـ” شي مفيد مثل القراءه+ تعلم المهن اليدويه وغيرها
    لاتستسلمين لـ” مشاعر الحزن والغربه الي تحسين فيهآ
    حاولي تشتركين فـ” نادي .. نظمي وقتج بـ” جدول اسبوعي خلي في حياتج شي اكشن
    أتقربي لـ” الله واستغفري وآيـد .. خلي ثقتج بالله قويه
    كل ما اقتربتي من الله حبيتي الحياة اكثثثثر واتيسرت لج كل امورج
    كل صبح حاولي تقولين لـ” روحج عبارات حلوهـ
    مثلا : انا اليوم اسعد انسانه ../ انا اليوم راح احقق انجاز رائع بواجباتي ../ انا جميله ../ انا حلوهـ../أنا اثق بالله كثيراً../ أنا لن اعصي الله اليوم
    وبهالاسلوب راح تحبين الحياة بذات ان سنج صغيرر على الهموم :$
    محبتي ..^
18. مصرية وافتخر

    

    21/12/2010 at 21:02

    اية دة ايةدة اية دة معقوووووووولة تكرهي مصر يابت هههههههههههه
    دنتي المفروض متحسيس بالامان الا وانتي في ام الدنيا
    وبعدين دة طبيعي يحصل جدا ليكي علشان انتي عشتي فترة طويلة بردة جاية هنا بقا مستغربة المنظر والجو والناس ومستغربة الوشوش الطيبة اللي لما تبصي ليها تحسي بالامن والامان تحسي انك فعلا في مصر ومستحيل تلاقي ناس زيها في بلاد تانية
    كلها فترة وتتعودي وانا واثقة مليون بالمية لو قعدتي فترة في مصر وبعدين رجعتي السعودية هتشتااااااااااااااااااااقي لمصر ولتررررررررررررررراب مصر ولنيل مصررررررررر
19. حلل المشاكل

    

    21/12/2010 at 20:05

    على فكره انا كنت بوجه نفس المشكله الى عندك دى
    انا بردو كنت مولود فى دبى وبعد كده جات على مصر وانا عندى 14 سنه وكنت مقبل على الثانويه وكنت مشتق انى ارجع تانى بلدى دبى الى اتربيت فيها وعيشت فيها ولكن مع مرور الوقت اخدت على الوضع وعرفت اصحاب كتير والحمد لله اتكيفت مع الوضع والدرسه………
    فنصحتى لكى ان تصبرى وسوف يتحسن الوضع عند قريب
20. محمد

    

    21/12/2010 at 13:30

    انا محمد من السعوديه بحب مصر والله لما اكون في السعوديه بفكر بمصر اتمنى اعيش هناك
21. النبيل شارل

    

    21/12/2010 at 11:51

    يا بنت الكرام مصر بلد رائعه وانتي من مصر فأنتي وسط اهلك وناسك سوف تتأقلمين على الحياه معاهم فلا تقلقي مسألتك مسأله وقت فقط
22. العم دهب المصرى

    

    21/12/2010 at 11:43

    ابنتى الصغيرة والحبيبة الغالية
    مصر ام الدنيا بلد النيل والحضارة اهل مصر ياابنتى طيبين جدا بس انتى اتعملى معاهم بحنية وباحترام وبعدين انتى اصلك مصرية الابوين لازم تعيشى فى بلدك ولاتنسى خير جنود الله فى الارض جند مصر والله سبحانة وتعالى كرمها فى كتابة العزيز
    وانصحك انك تكونى صدقات طيبة مع بنات من سنك فى مصر وتخرجى مع ابويكى وتشوفى مصر
    وبخصوص المنهج التعليمى فى مصر فهناك كتب خارجية تباع مبسطة المنهج خالص مع شوية دروس خصوصية هتعدى والحمد لله
23. الحبيب للرحمن

    

    21/12/2010 at 11:42

    حبيبتى دى مصر ام الدنيا جميلة بناسها
    بس المشكلةحضرتك اتعودتى على نظامومنظومة معينة اتغير كل شىء عن النظام فى السعوديةواقولك الموضوع ده حصل مع اولادى احنا قعدنا فى مدينة 14 سنة واولادى بقى ليهم اصحاب وانا ايضا ونقلنا بعد كده مدينة تانية واشترينا بيت جديد
    حصل لاولادى اللى حصل ليكى انتى دلوقتى ولكن عرفت انا اسيطر على المشكلة دى بأن اروح لادارة المدرسة ومديرة المدرسة قامت بصحبة ابنائى وقامت بتعريفهم على المدرسين واصطحبت مجموعة محترمة من الطلبة وقالت انهم يكونو اصدقاء لاولادك وبالفعل كانو بيزوروهم فى البيت وبعد كده الدنيا مشيت شوية
    وانا بقولك لازم تتعودى على الوضع الجديد هتتعبى ممكن 6 شهور وبعد كده هتتعودى وياريت تشتركى فى نادى محترم يسللى وقتك
    وده الوضع المفروض مش هتخلقى حياة جديده يبقى لازم تاخدى عليه
    وبعدين انتى لسة صغيرة يبقى انشاء هتتعودى
    وربنا يوفقك
24. مصطفى المصري

    

    21/12/2010 at 11:03

    بصى يا بنوتة ..
    انا اتولدت وعشت في مصر ،، واتجوزت كمان الحمد لله من كام سنة ، وكل أصحابي وأهلى فى مصر .. واضطريت اسافرر السعودية عشان اشتغل واحسن مستوى اسرتى وأكفيهم ، وهنا فى السعودية اتعرفت على ناس كتير وصاحبتهم من كل الجنسيات وخاصة طبعا المصريين ، والحقيقة العيشة هنا اسهل بكتير من مصر وكل حاجة متوفرة وبدون زحمة ولا خناق ولا القرف الموجود في مصر ..
    ولكن …
    صديقينى وبجد من تجربتي انا وصحابي المسافرين هنا ، بتمني كل يوم ارجع لمصر واشوفه وامشي فى شوارعها رغم كل الى شفتة فيها ومن الحرامية اللي نهبوها .. بس مش هتلاقي زيها ولا زي اهلها ابداً ..
    حاولي تصبري واستعيني بالله واعرفي ان اى مكان جديد بنروحة طبيعي بنبقى مش قابلينة فى الاول بس بعد كدة مش هتقدري تسبيها تاني وهتصاحبي بنات حلوة زيك وتحبيهم وهتنسي كل اللي انتى فيه دة بس اصبري وادي لنفسك فرصة
25. فارس

    

    21/12/2010 at 10:01

    انا عندي أولادي نفس المشكلة لكن مع الصبر والحكمة ومحاولة التأقلم مع المجتمع والمدرسة والأصدقاء تزول المشكلة لأن لا يمكن أن يعيش الانسان خارج بلده على طول لابد يأتي يوم يرجع الانسان لبلده وسط أهله وناسه وأنت لابد أن تعيشي وسط المشكلة وتستعيني بالله تعالى والله معكي
26. ناصح

    

    21/12/2010 at 09:36

    هذا شيىء طبيعي لدى اي انسان وهو عملية التأقلم مع المكان. ومع القت سوف يزول هذا الشعور والانسان بطبعه يحن لمكان مولده وحياة الطفوله التي قضاها حتى في غير بلده الحقيقي. ولتخفيف هذا الشعور البقاء في تواصل مع اصدقائك في السعودية وسوف تجدين تغيرا في الحاله المزاجيه التي تمرين فيها.
    وفقك الله
27. حكيم

    

    21/12/2010 at 09:16

    هذا أمر طبيعي ينبغي أن يمر به كل من غير مكان نشأته ولذلك حاولي ان تجدي صحبة بين صديقاتك وتكون من البنات التي عندهن دين فعلي وظاهري معا أي أن تصرفاتهن دائما يحسون كأن عليهم رقيب هو الله وتلك الصحبة الصالحة هي التي تستطيعين أن تندمجي معهن بحكم نشأتك في بيئة طيبة بالسعودية ليس فيها أحقاد و مشاكل كثيرة كالبيئة بمصر ولا تأمني لصديقتك أم لسان كالعسل وفعلها لا يطابق قولها وإنشاء الله تتفوقين في دينك ودنياك ومن أراد مؤنسا فالقرآن يكفيه وأكرر عليك بالصحبة الصالحة وأشركي أمك الطيبة في مشاكلك فهي أحرص الناس عليك وبارك الله فيك وفي أمثالك
28. الحائرة

    

    21/12/2010 at 04:24

    يا حبيبتى مدايقيش نفسك كلها فترة مؤقتة وهتتاقلمى على الجو والناس والحياة هنا اكيد فى الاول هتحسى بفرق كبير بس مع مرور الوقت هتاخدى على الناس والنظام وكدة بس اهم حاجة انك يكون عندك ارادة لكدة انما مش خلاص تكرهى العيشة فى مصر وتحطى دة فى دماغك لان لو التفكير دة سيطر عليكى مش هتعرفى خالص تتعاملى مع الناس ولا الحياة ولا اى حاجة دى طبيعى بس عشان لسة فى الاول وربنا معاكى ويوفقك