بسم الله الرحمن الرحيم
انا مشكلتى بقاا
انا بنت 16 سنة وبحس ان المستر بتاعي قريب مني ودايما بحكي معاه لو مضايقة من حاجة وهو كمان بيحكيلى على اللى مضايقه وبيقلي مفيش حد يعرف غيرك يعني انا بحب اني اتكلم معاه بس علي الفيس بوك مش الحقيقة ف الحقيقة بتكسف منه وممش بقدر اتكلم معاه كتير يعنى فى حدود الحصة والدرس بس لكن كل ما بشوفه فاتح فيس بكلمه واحكي معاه وبقله على كل حاجة لكن ف نفس الوقت بقله حضرتك اخويا الكبير مش اكتر علشان كدا انا بتكلم معاك عادى ومش بتكسف منك وهو كمان دايما يقلي انتى اختي الصغيرة بالظبط وقبل كدا حصلت مشكلة بينه وبين مراته بسببي اني بتكلم معاه كتير ولو محتاج كتب او ملخص او حاجة بيطلبها مني انا مش اي حد ولغايت دلوقتى مش عارفة احل المشكلة دي ازاى؟ واوقات كتير بتصل بيه ف التليفون علشان احكيله لو كنت مضايقة او مخنوقة من حاجة بس فى نفس الوقت انا شايفاه اخويا الكبير مش اكتر لانى كان نفسي يكون ليا اخ اكبر مني بس انا خايفة يكون هو فاهمني غلط او واخد عني فكرة مش كويسة؟؟ رغم انى قبل كدا سالته ايه رايك ف شخصيتى يامستر؟ قالي انتي بنت مؤدبة جدا ومحترمة وممتازة ومحدش يقدر يقول غير كدا وانا بعتبرك زى اختي الصغيرة او بنتى وهو عنده 37 سنة حد يقولي اعمل ايه والنبى؟ لاني لما حصلت المشكلة دى انا من ساعتها خايفة اوي يكون بيبصلي على اني مش كويسة ولا حاجة؟ بس انا والله اول مرة احس كدا مع اى مدرس ليا واول مرة احكى مع حد بالطريقة دى دى حتى ماما او بابا او اخواتى مش بحكى لحد وبحكى للمستر؟ كدا فيها حاجة غلط اللى انا بعمله ده؟ انا حاسة ان اللى بعمله ده مش غلط لانى شايفاه اخويا الكبير مش مثلا بحبه او معجبة بيه او كدا لا انا بطمنله وبرتاحله كأنه اخويا بالظبط وقبل كدا كنت تعبانة شوية جه وزارنى وهو ده كان سبب المشكلة اللى حصلت بينى وبين زوجته وانا مش عارفة احلها ازاى ولا اعمل ايه؟ بس المستر بعد المشكلة دى بيعاملنى زى الاول ويمكن احسن يعنى مش مضايق منى انى كنت سبب مشكلة بيبنه وبين مراته بس انا كل مابحس انه ممكن يكون فاهمنى او باصصلى من ناحية مش كويسة مثلا انا بتعب اوي واقات كتير بيغمى عليا وبروح المستشفى بسبب الموضوع ده وبقالى اكتر من شهرين وانا تعبانة على طول دايخة ويغمى عليا علشان بفكر ف الموضوع ومش عارفة اعمل ايه؟ ممكن حد يقولى اعمل ايه ف الموضوع ده والنبى؟
مشاكل البنات في المدارس
زوجة المدرس بتاعي فاهمة علاقتنا غلط
اضيف بتاريخ: Monday, February 26th, 2018 في 19:48
كلمات مشاكل وحلول: الحب, الفيس بوك, بنت, حب, شاب
ابعدي عنه ده حل مشكلتك
هذة لا تسمى علاقة طالب بإستاذ انما هي علاقة صداقة وهذا حرام شرعاً من حقها زوجته تغضب .. اقطعي علاقتك به وكوني صريحة ومن ترك شيئاً لله تعالى عوضه خيرا منه والفضفضةاللي في قلبك لأي موضوع في آخر الليل توضي وصلي ركعتين لله جل وعلا وادعي واشكي همك لله جل وعلا اولا ستجدي راحة نفسيه وسعادة مالها حدود ثم ستلاحظي الاشياء السيئة تختفي من حياتك .. هناك مهارات لابد ان تكتسبيها وتتعلميها خارج اطار الدراسة الاكاديمية اجعليها هدفك الاول واسعي لانجازها مهارة انت تكون علاقتك بالله جل وعلا في افضل حالاتها مليئة بالاخلاص لله تعالى بدون اي شرك لا في الاقوال ولا في الافعال ثم علاقتك بنفسك ومجتمعك مهارات التواصل الفعال مع الناس لباقة الحديث والتصرفات وقرآءة الشخصيات وتحليلها بان يكون لديك ثقافة ووعي تام لتصرفاتك وسلوكياتك ومبادى تحدد لك مسارك والخطوط الحمراء التي يجب الاتتجاوزيها حتى تعيشي حياة ترضي الله جل وعلا قبل كل شيء ويكون ملؤها الحب والسعادة والايجابية في اسمى معانيها.. اقطعي علاقتك نهائيا مع هذا الاستاذ.
انتي ف سن مراهقة لسه وبصراحة استاذك دا غلطان ف حق زوجته وف حق نفسه وف حقك هو كدا بيعلقك بيه وبيخرب ع بيته انا راي تشوفي مدرس تاني لان كدا بتظلمي نفسك وبتظلمي مراته وركزي ف دراستك ومستقبلك وبعدين انتي لسه 16 سنة بكرة تلاقي حد من سنك يفهمك ويتجوزك وربنا يسعدك