مشاكل البنات قبل الزواج

ازاى اختار شريك حياتى: خايفة اخسر عريس مناسب

أنا بنت عندى 21 سنة وطول عمرى بسمع قصص عن الحب من اصحابى وبساعدهم فى حلها بس عمرى ما حبيت لحد ماصدفت حد ارتحتله وهو حبنى جدا بس طيقة معرفتى بيه كانت على النت ولما قابلته لقيته بخيل ودى حاجة ضايقتنى جدا وخلتنى عاوزة انهى الموضوع وفى نفس الوقت اتقدملى جارى اللى مكنتش موافقة عليه واهلى حاولوا معايا كتير عشان اوافق واللى كنت ساعتها اعرفه مكنش يقدر يجى يتقدملى فى الوقت الحالى المهم انى وافقت على جارى واتخطبت بس ديما كنت بسأل نفسى هو أنا بحبه ولا لا وكان ديما فى مشاكل بينا والخطوبة اتفسخت بعد شهرين واللى كنت بحبه الأول لما عرف حاول يرجعلى تانى لأنه كان تعبان جدا من بعد ماسبته وانا كنت رافضة لأنى لسة خارجة من تجربة فاشلة ووجعتنى جدا حاول معايا بكل الطرق وانا رجعت تانى ارتاحله وحبيت حبه ليا لكن محبتوش برده هو والمشكلة ان كل اللى حواليا بيخوفونى منه وبيقولولى احنا منعرفوش عشان نثق فيه ونصدقه وانا قلقانة جدا من كلامهم ومش قادرة اخد قرار فقلتله لازم عشان تثبت الثقة دى لأهلى لازم تيجى تتقدملى عشان اثبتلهم ان اختيارى كان صح ووافق وحاليا انا مستنياه يجى بعد حوالى اسبوعين وفى نفس الوقت برده جايلى عريس تانى وبيقولولى كويس اوى وفى صفات حلوة وكل حاجة واللى جايلى عن طريقهم بيشكروا فيه اوى ليا وبيقولولى ده احسن ده نعرفه لكن التانى منعرفوش فقلتلهم انه هيجى يتقدم نديله فرصة ان يثبت انه كويس بس المشكلة جوايا انا انا اللى مش عارفة اقرر انا عاوزة ايه اللى بيحبنى وهيجى يتقدملى لو اتجوزنا هنعيش فى بلد تانية بعيد عن اهلى عشان شغله وده غير انى خايفة انه يكون برده بخيل ومتغيرش بس انا حاسة انه اتغير شوية والتانى اللى بيقترحوه عليا انا معرفش عنه حاجة غير انه كويس جدا ومستواه المادى كويس وكريم ومحترم على حسب وصفهم ليا بس الميزة انى هعيش جنب اهلى انا محتارة اوى ومش عارفة اعمل ايه جوايا خوف رهيب انى اكون بغلط او بختار غلط انا حاليا مستنية التانى اللى بيحبنى يجى يتقدم ومش عارفة اهلى هيكون ردهم ايه عليه وخايفة انى أضيع من ايدى العريس التانىلحسن يكون كويس بجد عن الاول وارجع اندم على الرغم انى مبحبش الاتنين انا بس مرتاحة للأول وبحب حبه ليا والتانى متعاملتش معاه اصلا ممكن تفيدونى وتقولولى اعمل ايه؟