انا عندي 22 سنه اعجبت بواحد زميلي في الكليه بس هو اماراتي مش مصري وبصراحه مشفتش منه اي حاجه وحشه في حدود تعاملي مع الشخص بس عندي قلق ديما في اختياراتي خصوصا اني مريت بتجربة واتخطبت لشاب انا حبيته واختارته وفشلت لاني اكتشفت انه مش زي متخيلته انا صريحه مع اهلي جدا ولما حكيت لوالدتي اني معجبة بالشخص ده كان ردها ان هي من كلامي عنه شايفه انه كويس بس معترضه عشان جنسيته وقالتلي انتي بنتنا الوحيده مستحيل اقبل انك تبعدي عني وان الزواج من جنسية مختلفه ممكن يسبب مشاكل بعد كده كتير بس انا لسه مش قادره اخد قرار انا اتعلقت بيه وفنفس الوقت مش عايزه امشي خطوة اندم عليها ولما صليت استخاره مش قادره برضه احدد قراري ممكن اسمع ارائكو
الأخت السائلة مادام محترم وعلاقته بربنا كويسة وبيحبك وشاريكي اتأكدي إنه بإذن الله هيحافظ عليكي وصلي استخارة تاني برأيي زواج المصرية بالأجنبي أفضل حاليا من الارتباط بالمصري _ فيه أجانب بيكونوا أحسن من مصريين كتير وفعلا بيصونوا العشرة وبيحافظوا علي كرامة البنت المصرية قدام العالم _ وانا نموذج لمصرية زيك بحمد ربنا علي نعمة الزوج الليبي رجل بكل ما تحمله الكلمة من معني لا نكد ولا مشاكل ولا استغلال ولا اهانة ، أهم حاجة الزوج يكون عارف ايللي ليه وايللي عليه ومحافظ عليكي وكذلك الزوجة طبعا وكل حاجة بإذن الله هتكون تمام ربنا يوفقكم يارب ويذلل قدامكم كل صعب
حبيبة قلبي أنا مثال لمصرية مخطوبة لفلسطيني وبردو لقيت صعوبات بالنسبة لقبول الأهل الزوج الأجنبي للأسف بسبب ثقافة المجتمع المغلوطة إن المصرية ما تخرجش بره ..لاء طبعًا أنا وقصة الحب ايللي جمعتني بيني وبين خطيبي ربنا يخليهولي يارب ويحفظهولي من كل شر كانت أقوي من أى اعتراضات واتقدملي بدل المرة 4 مرات ، حطي الآية دي دايمًا قدام عنيكي ” وهل جزاء الإحسان إلا الإحسان” وربنا يوفقك يارب المهم أنك تكوني حباه ورايداه وحابة مامته واهله وتتعاملي معاهم كلهم بما يرضي الله وبهدوء واكيد تكوني حابة البلد وثقافة البلد ولهجة أهل البلد وتتعلمي وتعلمي وتحترمي وتحبي الكل عشان خاطره وسواء هتعيشوا في مصر او في الامارات اكيد هيكون في زيارات وخلاص التواصل سهل في كل مكان وفي كل وقت معدش زى الاول ومامتك تكون زى مامته ومامته تكون زى مامتك وكده .. الزواج قسمة ونصيب ومفيش في الدين يمنع إن البنت المصرية تحب وتتحب وتتزوج من بره بلدها .. وربنا يقدملك ايللي فيه الخير يارب.
تحياتي
يابنتي اذا كان الشاب زميلك في الكلية ابن حلال كويس وعلى دين وخلق ومحترم وجاد في الارتباط بك فلاداع للخوف او القلق ابدا خليه ياتي لااهلك ويتعرف عليهم وتسالوا انتم عنه جيدا واللي فيه الخير ربنا يكتبه لك ولست مع راى امك في ماقالت فالزواج قسمة ونصيب وكل واحد ياخذ نصيبو في دي الحياة كثيرا من البنات المصريات متزوجات من ازواج غير مصريين وحياتهن سعيدة ومستقرة سوا كان الزوج اماراتي او سعودي او كويتي او من جنسية عربية اخرى المهم التفاهم والارتياح وربنا يؤفقك ويسعدك