مشاكل البنات قبل الزواج

مبقتش عارفه اتعامل مع راجل هل اروح لدكتور نفسي

السلام عليكم ورحمه الله وبركاته
مشكلتي باختصار هي اني من سنتين دخلت في قصه حب كانت بالنسبه ليا كل شئ بس فشلت فشل ذريع واتصدمت جامد جدا
من يومها اتعيرت تماما
باختصار انا بقيت زي هند صبري في انا عايزه اتجوز بس انا عايزه احب
انا بقيت اشوف كل راجل مناسب علي انه حبيبه وثم عريس ..مش بقيت اعرف ابص للرجاله عادي كده ..لو لقيته امور اقول الله جميل يارب يحبني ..لو ذوق يارب يقع في حبي..لو شيك يارب احبه …واقعد بقي احلم بقصه الحب المؤثره اللي هتحصل والكتب بقي تقع مني وهو يجيبها بقي ويبعتلي جواب في الكشكول ويقولي بحبك في الميكروفون والافلام د بقي …….واهكذا ومع ذلك عمري ماقدرت احب ولا واحد
انا عارفه ان ممكن ناس كتير تتريق علي كلامي ..المشكله اني حلم حياتي اتجوز عن حب ومتجوزش جوازه تقليدي..محتاجه حد يحسسني بالامان والحب مش اكتر ويكون كويس معايا ويعوضني عن اللي فات
مبقتش عارفه اتعامل مع راجل …بجد نفسي اشيل الموضوع من دماغي واتعامل عادي بس ازاي مش عارفه
نفسي اروح لدكتور نفساني ..نفسي حد يقولي حل لاني بجد تعبت
اسفه اني طولت عليكو