السلام عليكم ورحمة الله وبركاته
انا طالبه جامعيه…عمري 20 سنه…مخطوبه لاحد اقاربي بس مابعد نملك..
صار لنا سنه الللحين من انخطبنا…
علاقتي بخطيبي..وحنا صغار ماكنت قويه..واساسا ماكان بيني وبينه اي شي…ولاجمعني معه اي حديث او لعب…بس شائت الاقدار وخطبني
بس احس باحساس غريب….
ماتكلمت قدام اي احد به….قلت بيني وبين نفسي يمكن هذا احساس طبيعي تحسه اي بنت لما يخطبها واحد من قرايبها…
بس بعض الاحيان احس انه لا….الاحساس هذا انا الوحيده اللي احسه…وغريب عن الكل
احس ان اي احد من قرايبي اعتبره مثل اخوي ومو المفروض يكون بيني وبينه علاقه تتعدى حدود الاخوه….
وهذا الشي احسه حتى مع خطيبي رغم انه خطبني ووافقت عليه….بس احس اني اعتبره مثل اخوي
اذا تخيلت نفسي زوجه له…وبيني وبينه علاقه زوجيه ويجمعنا بيت واحد ونكون عيله وننجب اطفال
هذا الشي يحسسني بشي غريب…كيف اعيش معه واكون معاه علاقه…وهو واحد من اقاربي يعني اعتبره مثل اخوي نوعا ما
شلون يعني يجمعني به بعض الضروف والمواقف وحنا اطفال ولاتخيلنا بيوم ان نتزوج….يصير ونتزوج..مع ان ماكانت بيني وبينه علاقه..بس كنت استبعد ان يكون هو زوجي
كل القرايب احسهم مثل الاخوان …حتى هو…
واستغرب من البنت اللي تحب ولد عمها ..او اللي يحب بنت خالته او يحس باحساس اعجاب او حب اتجاه احد اقاربه…كيف مادري
انصحوني هل انا طبيعيه…واحساسي سيتلاشى تدريجيا بعد مانملك واعيش معه واتعرف عليه اكثر
او ان احساسي بينتابني حتى وانا معاه بغرفه وحده..كيييف.؟؟
خاصة ان كلمته كذا مره…بس احساسي لازال نفسه..مع اني كنت اكلمه وهو يكلمني بدون مانتعدى الخطوط الحمرا ..نتكلم بكل احترام…
بس انا ما اكلمه باستمرار مجرد كلمات بسيطه وانتهت لضروف معينه
……انصحوني
