مشاكل البنات قبل الزواج

من ساعة ما دخلت الجامعة وانا هموت على الجواز

انا بنت عندى ٢٢ سنه وهموت على الجواز معرفش ليه ، حاسه انى دايما خايفه متجوزش أو يحصل حاجه واتاخر ف الجواز ، عمرى ماحسيت الاحساس ده الا من ساعه مادخلت الجامعه طول عمرى كنت متفوقه ومتميزه بين اصحابى كانت المذاكره واخدانى وبالفعل دخلت كليه قمه وعلى قدر كبير من الجمال والاخلاق وبيتشهد بكده ليا دايما بس انا مش حاسه بده من ساعه مادخلت الكليه وبعدت عن كل اصحابى وبعدو عنى بس ع تواصل فيس لكن مش ز الاول للاسف اكتشفت انى كارهه دراسه كليتى وكمان معرفتش اكون صاداقات كتير ف الجامعه ف معظم الوقت عايشه لوحدى واللى تعبنى اكتر ان انا لوحدى ماليش اخوات امى مطلقه من وانا ف سنه اولى ابتداءى عايشين مع جدى وجدتى ناس كبيره ف السن ومشاكل السن ع طول قرايبى اه بنتواصل بس مش دايما كل حد ف حياته اخر سنه غ الجامعه دخلت نشاط طلابى واتعرفت ع حد وبالفعل اتقدملى لكن وقت الجد اهلو مكنوش عاييزن يجهزوه وبقم يتهربو من الجوازه ويطلعو فيا انا واهلى اى عيب او يتلككو ان امى مطلقه وعايزين يعرفو ليه بحجه ان ممكن مكنش بتاعه جواز واطلق زيها عشان مايكتبوش قايمه او يدفعو مهر طبعا بعد ماتعشمت سنه بحالها وهو كان عارف ان اهله هتعمل كده وكان بيحاول يخلينى اجبه حاول يستدرجنى ويخلينى اقنع اهلى بان مايتكتبليش حاجه او الكلام ده طبعا امى وخالى رفضو والموفف اتفركش من ساعتها وانا تعبانه جامد قليى دايما واجعنى وحاسه تن محدش هيتجوزنى انا امى تعبت عليا جامد عشانراستى لكن متزلت مش عايشه ف مستوى عالى مادى ولا اجتماعى بس بحاول ع قد ماقدر ارفع نفسى اخلاقيا ودراسيا بقيت خايفه ان محدش يتقدم خصوصا تن امى منغلقه ومتعرفش حد وتعبانه وحاسه ان ممكن رغم جمالى وشغلى برده محدش يجيلى ويسيبنى بعد ماكان طاير بيا ز الشخص الل عرفته اللى بقى يفولى ماليش دعوه بظروفك انتى اللى تهمينى وساعه الجد ساب اهله تبهدل فيا وف الاخر سابنى . فكرت انى هتعقد بعده الموضوع قلب معايا عكس بقيت مش حاسه بطعم اى حاجه اكتشفت انه كان حاجه كبيره ف حياتى رغم انى بشتغل كع اهلى وبساعدهم وبرده مع صحابى من فتره لفتره بس هو كان واخد مساحه وكان معوضنى كتير عن ابويا واخويا واحساس الامان اللى كان معاه اللى كان بيوهمنى بيه انا مش عارفه تعمل ايه مع نفسى دعيت كتير وتصدقت بس مافيش فايده حاسه ان ربنا مش سامعنى بحاول اشغل نفسى رغم كل دن بس حاسه انى محتاجه قدر اكبر حنان وحب وامان وثقه ف نفسى اكتر من اللى حصل فيا والمشكله ان انا اللى بقدر بس اعرف حد محدش بيتقدم بسبب ان كل الل. ف المكان اقل من مستوايا العلمى وبيخافو يقربو والعالى بيبص للاعلى منى ماديا واجتماعيا انا تعبانه ومش لاقيه سبب لده وقلبى واجعنى

مشاكل وحلول ذات صلة

اضيف بتاريخ: Sunday, February 17th, 2019 في 01:42

كلمات مشاكل وحلول: الزواج, المذاكرة, بنت, زواج, مطلقة

2 رد to “من ساعة ما دخلت الجامعة وانا هموت على الجواز”

نور محمد

28/02/2024 at 19:17

انا بنت و عندي٢٣ سنه متخرجه من كليه و بشتغل من بدري انا حلوه ف الشكل و الكل بيقولي كده لاكن انا قصيره جدا جدا ١٤٤ سنتي و قصري ده مخليني مش واثقه ف نفسي و مستبعده أن ممكن حد يوافق بيه عشان قصيره اووي ده غير الكومنتات اللي بسمعها ف الشارع و التريقه و التنمر و حاجات كتير بتقصر فيه انا عندي اخوات و صحاب الحمد الله بس انا كان عندي مشكله مع امي أننا ديما بنتخانق و كانت بتفرق بيني و بين اخواتي و كانت بتقوليهالي اني انا حاجه واخواتي حاجه انا فضلت كده انا وامي لحد من قريب اوووووووووووي الموضوع ده قصر فيه اووووي وديما حاسه اني لوحدي و مفيش حد اطمنلوا انا مشفتش الحنان ف وقت مكنت محتاجه الحنان من امي كنت بشوفوا وهي بتديه لاخواتي لاكن انا محستهوش منها ديما كنت بدور عليه بره من اي حد انا كنت مخطوبه و فشكلت عشان اهلي و اهلوا اختلفوا و هو كمان بعني و سبني عشان امه من يوم مفشكلت وامي اتحسنت معايا والحمد الله بس مش مطمنه برغم انها بقت كويسه معايا حاسه انها هتقلب عليا تاني و ف اي وقت عشان انا اتعودت منها ع كده ف مش عارفه امنلها المهم اني بعد مفشكلت وانا نفسي تحت الارض
مش عارفه اقولها ازاي بس انا محتاجه لحد ف حياتي محتاجه أن يكون ف حد حنين و يطبطب عليا محتاجه الحنيه اللي اتحرمت منها محتاجه أن يكون حد ف حياتي كله بيقولي ربنا هيعوضك و يكرمك خصوصا أن كل اللي حواليا اتخطب و هيتجوز حتي اختي ف انا حاسه اني هبقت لوحدي اكتر من الاول
انا عارفه أن ربنا كريم و بيكرم و بيعوض بس خايفه يعوضني بحاجه تانيه غير الجواز انا محتاجه حد ف حياتي بالحلال و مش قادره اصبر يومي بيعدي بصعوبه ف هي دي المشكله ف كل ده اني خايفه ربنا يعوضني بحاجه تانيه غير موضوع الجواز و مش قادره اكمل حياتي حاسه ان حياتي واقفه عند النقطه دي مش عارفه اعمل اي
Peace

17/02/2019 at 10:16

صباح الأمل والتفاؤل عليكي..انتي قافله على نفسك ليه و معيشه نفسك في كابه..اوعي تقولى كلمه ربنا مش سامعني تاني مش كل واحد تواجهه مشكله في حياته يقول اللي انتي بتقوليه.اولا موضوع الشاب ده أنا شايف انك بنت مؤدبه و محترمه جدا من كلامك وراضيه عن حياتك وده صعب اي واحد يلاقيه في بنت اليومين دول…انا عايزك تدخلي تحدي مع نفسك وتكوني واثقه إن ربنا هيوفقك أكيد وتكملي دراستك علي اكمل وجه واللي إنتي فيه ده مرحله وهتعدي صدقيني كلنا أوقات بندخل في حاجات في حياتنا مغصوبين عليها وساعات بإرادتنا بس الرضا بالمقسوم هو اللي بيخلي الإنسان يعدي كل حاجه..الحب والزواج دي بايد ربنا اصبري واستني الشخص اللي يقدرك وما تحطيش في دماغك ظروف ماما أو المنطقة اللي عايشه فيها والكلام ده وخلي بالك اوعي تغلطي وتاخدي واحد أقل منك في التعليم ظنا منك إنه هو ده اللي هيمشي مع ظروفك لا ما تغلطيش غلطه تندمي عليها.وعاوز اقولك على حاجه كمان اهتمامك بنفسك وانشغالك بدراستك هو اللي هيعوضك عن الفراغ اللي هو كان ماليه سيبك منه وما تفكريش فيه لحظه ده إنسان ما يستاهلش واحده زيك سبيها لله وهتفرج واوعي تتسرعي في اي قرار ياثر عليكي في المستقبل كله هيعدي باذن الله وربنا يوفقك للصالح….