مشاكل البنات قبل الزواج

كرهت الدنيا والزواج وبفكر افسخ الخطوبة بسبب امي

مخطوبة لانسان محترم جدااا كل الناس تشيد باخلاقه ومعتقدش اني هلاقي حد يحبني ربع ما بيحبني! لاني باختصار كل حياته ..
في البداية اهلي كانو موافقين جدا وحبوه اوي ولكن والدتي هوائية ومتذبذببة بشكل غير عادي تجاه اي قرار بناخده في حياتنا
اول شيء رغم اني مخطوبة الا انها لا تتردد بالدعاء ليا بالزوج الصالح قدامي وكأن خطيبي ده هواء مش موجود
والكلام بيجرحني اوي وبحس اني خاينة غير انها فعلا كل فترة بتقدر تلعب في دماغي لاني للاسف متبذبة انا كمان طالعالها
انا بحبه جدا ولو بعدت عنه هحس اني مكسورة ممكن اكون مش بحبه اد ما بيحبني بس مظنش اني هلاقي حد يحبني زيه كده …
بقاؤه معايا هيتعبه اوي لان ماما اصلا دي طبيعتها وعملت ده كتير مع خطيب اختي لحد ما في كل مرة بنتتهي بفشكلة
بس ازمتي اني شايفة كل ده وبتعقد ومرعوبة جدا من الزواج ومشاكلة ..
عشان كدة جديا بفكر انفصل ومفكرش تاني
متصوروش انا كرهت حياتي ازاي
كرهت اني اوعد حد بحب واعلقه بيا ويرتبط بيا ويتقدملي ويحبني اوي وفي الاخر اجرحه ..وملحقش افرحه!
كرهت ان كل موضوع بيمشي كويس من كل ناحية وبعدين لو ملقيناش عيوب نبدأ نتحجج!
احب اقولكو انها لما ملقتش فيه عيب قالت مش امور وشكله مش عاجبني وانا احلى منه
بعدها لما حست انه مش فارق معايا الشكل بدأت تقولي عصبي وطول الخطوبة بيثبتلها العكس وانا الي بتعصب عليه كمان
بعدها بقا لما زهقت خالص قعدت تقول مامته مش مريحاني حاساها صفراوية كدة .. مع انها معملتهاش حاجة وحشة بالعكس
ماما هي لي بتطفشها كل ماتيجي وتقابلها بتكشيره وعدم ترحاب
انا اعمل ايه؟ ومتقولوليش متسيبيش خطيبك لاني بجد تعبت ولو فضل معايا اقسم بالله هشيل ذنبه
الرحمة حلوة