انا كنت بحس احساس غريب اني كل مابيجيلي عريس بحس انه مش كويس او معرفش العيب دا مني ولا منهم وماما اعدت مع واحده صحبتها وحكيتلها علي اللي بيحصلي وقالتلها ابعتهالي اشوفها وروحتلها واعدت معاها وطلعت بنت خالتها بتشوف الفنجان وقالتلي انك معمولك عمل وروحت فكيتو واول ماروحت فكيتو اخو اللي بتشوفلي الفنجان اعجب واتقدملي واهلي كانو موافقين في الاول و حصلت مشاكل عائليه قبل الخطوبة ورفضو اهلي بي وماما رفضت عشان هو كان عليه قضية سلاح قبل كدا وبعد رجعو وافقو عليه وماما صممت اني اسيبو بعدها وانا مكنتش عايزه اسيبو عشان هو كان متعلق بيا وماما عندت معايا وراحت اتهمتني اني سرقت منها 92 الف جنيه وسيبت البيت وروحت اعدت عند وحده صحبتي ورجعت البيت ولمه رجعت البيت كل ما ماما بتحاول تكلمني بحس اني مش طيقاها وكل امه ابص في وشها بحس اني مكسره من جوايا حتي اختي الكبيره بتتكلم عليا وحش وانا اتخنقت منهم وانا مش لاقيه حد يقف جنبي من بعد وفاة والدى اقولي اعمل اى بس انا عايزه رائكم بصراحه ومن غير مجملات وانا مش هزعل من اى رد بس عايزه ارتاح
شوفي يااختي الزواج قسمة ونصيب وماحدش ياخد الا نصيبه اللي قسمه الله له في هذة الحياة وانتي وامك لجتم الى السحر والشعوذة وصدقت كل ماقالته لكم تلك المراة المشعوذة الدجالة وهي انها فرقت بينك انت وامك وجعلتكم متخاصمتين فاتقي الله عزوجل في نفسك وفي امك الغالية اماتعلمي ان رضاها من رضا الرحمن وانها سبب وجودك في هذة الدنيا بعدالله عزوجل وهي الخير والبركة والفلاح في هذة الدنيا وهي سبب دخولك الجنة كيف تغضبيها وتقاطعيها وتتركي البيت مهما كانت الاسباب ومهما فعلت بك وموضوع الاتهام بانك سرقتي منها الفلوس عليها ان تحلف بذلك على المصحف والله بيحاسبها على حلفانها هذا وانت تعتقدي ان بهروبك من البيت هوالحل المناسب لا تبقي غلطانة جدا ومذنبة في حق نفسك وحق اهلك وكلام الناس عنكم استهدي بالله عزوجل وروحي صالحي امك وبوسي راسها وارتمي في احضانها عشان تسامحك وترضي عنك واذاهي معترضة على زواجك من الشاب ده فاسمعي كلامها وماتخرج عن شورها ورايها عشان ربنا يبارك فيك ويوفقك في حياتك طوال العمر الام عمرها ماتتعوض ابدا لكن الشاب يتعوض وهتلاقي احسن منه الف مرة لاتجعل كلام الناس الاخرين يفرق بينك وبين امك اوعي تعملي كدا ارجعي لها وعيشي مع اهلك في بيت والدك الله يرحمه وتحملي واصبري حتى يكرمك الله عزوجل بابن الحلال الصالح اللي يستاهلك وترضا عنه امك وتلاقي معه كل الخيروالسعادة والاستقرار في حياتك الله الله في امك يااختى احمدي الله انها عايشة بينكم قومي بالبرلها والاحسان اليها عشان ربنا يرضي عليك ويوفقك ويسعدك في حياتك ويفرج عنك كل الهموم والمتاعب في هذة الدنيا
حل مشكلتك بسيط جدا لكن المهم تعرفى اساس المشكة واساس مكشلتك هى فى الاية الكريمة :فيما معناه ان عمل الساحر يفرق بين المرء وزوجه وياخى العزيزة من البداية امك قد لجائت الى السحرة والمنجمين والمعروف عنهم انهم يقوموا بعمل الاعمال فمن ادارك انها فكت عملك هذا ان كان فى الاصل هناك عمل وجميعنا يعلم ان هناك سحر يسمى بالسحر الاسود فلو وعيتى كل هذا فسوف تصلين الى حل مشكلتك ان هذه السيدة قد قامت بالتفرقة بينك وبين امك وهذا من فعل شيطان رجيم وانتم الاثنين قد اخطأتم فى حق انفسكم بلجؤكم الى مثل هذه الافعال الشيطانية لقد ارادت هذه المرأة الشيطانية احداث الفرقة بينك وبين عائلتك وانت قد انصاعتى اى رغاباتها ووقعت انتى وامك تحت تاثير سحرها وانصحك بان تلجاى الى الله وان تصلى وتصومى وتحسنى علاقتك بامك وان تقطعى كل علاقتك بهذه السيدة وابنائها وكل مايقاربها وتبعدى عن هذا الجو الفاسد وكذب المنجمون ولو صدفوا ومن الكفر البين اللجوء الى السحرة والمنجمين فتوبى الى الله انتى وامك وعوضى على امك والكره الذى تشعيره ناحيتها هو من تاثير هذه المراة وافعالها الشبطانية
مشكلتك غريب وفيها حاجات كتير واقعة بس ممها بينك وبين مامتك ياريت تحاولى تصالحية الام وجودها مهم اوى فى الحياة وخصوصا للبنت حتى لو كانت قاسية واكيد لما رفضتو اكيد كانت عارفة مصلحتك فين وبتعملها الواحد مش بيحس بقيمة الام الا لما تضيع منو
صعب اقول حاجة بعد الردود اللى شوفتها من اخوة واخوات
مش عارفه حقيقى اقول لها اكتر من اللى اتقال غير منك لله
ةروحى بسرعة اطلبى من مامتك تسامحك واعرفى كويس مفيش حد يعرف مصلحتك ولا يحب الخير ليكى غير اهلك واولهم امك
منك لله
الجنه تحت اقدام الامهات
السلام عليكم
بالنسبه للمشكله ديه انتى اخطئتى ووالدتك اخطات ايضا والظروف المحيطه هى العامل المؤثر الاول ف المشكله والدتك اخطائت خطئين حينما بعثتك لهذه المراه لتقرا لكى الفنجان وعندما اتهمتك بالسرقه كما انكى ايضا اخطاتى عندما هزت ثقتك بالله واطعتى امك فيما قالته ليكى واخطائتى ايضا عندما تركتى البيت فحاولى ان ترجعى لربك وتسامحى وحاولى ان تجعلى امك واختك يسامحوكى ايضا وحاولى ايضا متتاثريش بكلاماناس وظروف المجتمع الا اللى هينفعك منهم لان دول لوحدهم كفيلين انهم يقلبو حياتك راسا ع عقب
سؤل الرسول عليه الصلاة والسلام من أحق الناس بحسن صحابتى قال امك قال ثم من قال امك قال ثم من قال امك قال ثم من قال ابوك صدق رسول الله
والله العظيم ما حد يحبك ولا يخاف عليك فى الدنيا دى كلها أكتر من امك ربنا يهديك للصواب
انت انسانه متمرده ارجعى لأمك وبوسى علا رجلها قبل ايدها النبى صلا الله عليه وسلم اوصى بلام فهيه خايفه عليكى وانت تهربين من البيت فهذا خطاء كبير لا يغتفر لا تلومين علا اختك لانه لو كان اخ لكنتى فىى عداد الموتى ارجعى لامك واختك وقولى لهم انك مخطئه ودعكى من هذا النصاب السوابق
عزيزتى بعد التحية
قال رسول الله صلى الله عليه وسلم ( لو اجتمعت الامة على ان ينفعوك بشىء لا ينفعوك الا بشىء قد كتبه الله لك ولو اجتمعت على ان يضروك بشىء لا يضروك الا بشىء قد كتبه الله عليك رفت الاقلام وجفت الصحف ) لا عراف ولا فنجان كلها اعمال شرك استغفرين الله عسى ان يكون لك خيرا مؤجلا لا يعلمه الا هو
الموضوع في بداية غلط علشان كتر الكلام هقصر عليكي انتي كنت ضحية نصاب تجارة سلاح وما خفي كان اعظم وبعدين انتي مالكشي غير والدتك واختك وبيتكم حولي تقربي منهم وتبعدي عنهم الواضح ان جارتكم كانت تعرف عنكم كل حاجة والقصة كلها ضحك ولعب عيال يعني العمل اتفك في لحظة وفجائة ظهر علاء الدين ارجعي لوالدتك وخليها تسمحك وسمحو بعض
بصراحة مش هلاقى احسن من الكلام اللى قيل فى الرد الثانى وياريت تعملى اللى نصحك بية
اولا رضا الام والاب شى موصى عنه الله سبحانه وتعالى فى كتابه العزيزالمفروض ما تقولى لهم اوف حا ولى اول شى تبعدى الشيطان الى بينك وبين امك واكثرى من الاستغفار وحاولى تقربى من امك واختك لانهم هيكونو احن عليكى من اى انسان اخر حتى لو كانت فيهم قسوه مشكلة امك فى يدك انتى ولا زم تنتهى منها ومشكلة زواجك بيد الله سبحانه وتعالى فالجائى الى الله وتذكرى انه مجيب الدعوات فى كل الاوقات
كذا حاجه لفتت نظرى فى مشكلتك اولا حكايه قراءة الفنجان وانك معمولك عمل واضح من القصه دى انك لستى متدينه بالقدر الكافى لانه لا يعلم الغيب الا الله ومفيش حاجه اسمها قرايه فنجان ده لعب بعقلك واضح ان اخت خطيبك دى ست فاضيه وبتستهبل ولما شافت حكايتك ضحكت عليكى بالقصه الهبله دى وانتى لانك كنتى عايشه فى وهم السحر والعمل لما شفتى اخوها اعجب بيكى اتهيالك ان ده من تاثير فك السحر ثانيا مما يدل على انكم عيله غير متدينه هى اتهام امك لكى بالسرقه ده تصرف غريب من ام لبنتها مهما كانت الدوافع الله يهديها والاغرب انك سيبتى البيت والمفروض البنت متسبشى بيت اهلها ابدا لان ده فيه خطر عليها ويعرضا للسوء والقيل والقال لانك بنت مش ولد يعنى اسرتك فيها خلل واضح جدا انصحك انك تنسى اللى فات وتبتدى صفحه جديده ويمكن امك اتصرفت غلط بالطريقه دى على اد تفكيرها علشان بتحبك ومش عوزاكى تتجوزى هذا الشاب هى عملت ذى الدبه اللى موتت صاحبها يعنى بتحاول تنقذك من هذا الشاب وفى نفس الوقت ضرتك بدون ما تشعر اتقربى منها يا اختى لان ملكيش حد غيرها وبرده محدش هيحبك ادها واتقربى من ربنا حاولى تتوبى لانك لجاتى الى الدجل استغفرى ربنا وصلى وقربى من ربنا وهو يحللك كل مشاكلك لانه احن من امك عليكى وعالم بحالك
الاخت العزيزة: استغقرى اللة فيما تفكرين .قومى الى الصلاة وكل شىء سيمر بسلام