يا جماعه ومن غير تأنيب لانى مأنبه نفسي بما يكفي انا بنت عندى 24 سنه خريجة كليه من كليات القمه وعانيت من الفراغ اوووى بعد الجامعه لانى شغلى عايز وسايط اتعرض عليا شغل كتير وكان فيه انفلات اخلاقى فمكنتش برضى وكنت بعانى من الفراغ اللى ترتب عليه انى بقيت بتكلم فى النت بكلام مش كويس … المهم عن طريق واحده معرفه من كورس وهى بنت محترمه عرفت اخد رقم مدير وقالتلى متقوليلوش انى اديتك رقمه واتصلت بيه ومن اول مكالمه حسيت انه ليه فى قلة الادب بس ايه قلت اما اجرب لو لقيته اى كلام مش هشتغل … المهم رحت وقابلته ولقيته عادى وكمان مش الشكل اللى بيعجبني وهو سألنى انتى جبتى رقمي منين فقلتله هى قالتلى مقولش .. فقالى خلاص .. قلتله من فلانه بس متقولهاش المهم هى جت فى القعده وسلمت عليها وهى بينت انها متعرفنيش ومثلت كويس اوى … وهى طبعا كان موقفها وحش وانا اقسم بالله مكانش قصدي انا خفت يقول دى واخده الرقم من واحده مثلا سمعتها وحشه ومش عايزه تقول …. المهم بعدها بفتره ضيفته عالفيس بوك مقبلش وحسيت انه مش عايزني اروح الشغل مع انه كان بيتكلم كويس معايا … بعدها بفتره حسيت انى معجبه اوى بيه وعايزه اتكلم معاه وبالفعل رحت قلتله قالى طيب انتى تعرفي عني ايه عشان تحسي الاحساس ده .. قلتله اى كلام … المهم حصلت بيننا تجاوزات وبعدها وهو بيعاملنى معامله رباله … انا دلوقتى مدلوقه عليه بس بطنشه اوقات … الموضوع دلوقتى انى عارفه ومتأكده انى غلطانه ومش عارفه اعمل اكيد انا غلطانه بس انا عايزه حل غير انى اسيب الشغل لانى مش هقدر اسيبه … ياريت يا جماعه بدون تجريح لانى كرهت نفسي لوحدي
حصل بينك وبينه ايه بالضبط علشان نعرف نساعدك في حل للمشكلة هل حصل تحرش جنسي منه مثلا اواعتدى عليك يبقى لازم تبلغي عنه وتوديه في داهية لانه سافل ومنحط عليك وعلى البنات الاخرين اللي ياتون اليه بقصدالبحث عن عمل شريف اما صاحبتك دي اكيد انها عارفه الراجل ده ومش بعيدانها تجلب له الزبائن الافضل انك تقعدي معهاوتصارحك بالحقيقة والا فاقطع علاقتك بها وربنا بيكرمك بعمل شريف وبيسهل لك امرك اهم حاجة تحافظ على دينك وشرفك وسمعةاهلك ربنايهديك
والله انتو مسخرة البنات يعني بعد ما وصل للي بدوياه واعتدى على شرفك رحتي سبتيه المفروض انتي تلحقي وراه عشان يتجوزك يا هانم
هما كلمتين وخليكى صريحة مع نفسك لو انتى اتجوزتيه واكتشفتى انه بيخونك هاتعملى ايه ؟؟؟
يا أما هاتخافى على زعله فهاتسبيه … او … هاتتخنقى معاه ويحصل مشاكل
لو الاختيار الاول … يبقى مع كامل احترامى انتى معندكيش كرامه فخليكى زى ماانتى وقدمى تنازلات اكثر … وان كان الثانى فافعلى من الان واتركيه حالا لان الراجل لما يلاقى اللى قدامه قدمت تنازلات بتسقط من نظره وينظر اليها انها قد تفعل المثل بعد الزواج
اختارى ما شئت ولكن نصيحة لو انتى فعلا حاسة انك غلطانة توبى الى الله وادعى الله لانه هو الرزاق وان رزقك باخر فكونى له مخلصة ومطيعة … الطيبون للطيبات والخبيثون للخبيثات
السلام عليكم ورحمة الله وبركاته
الشغل اللى فيه ذنوب او شىء لا ترضى الله ابعدى عنه افضل
قربى من ربنا وهو هيرزقك العمل الطيب
السن دى سن الخطوبه والزواج متشغليش وقتك باشياء تانيه حرام
وفقك الله الى ما يحب ويرضى
واجهى الموقف بيك وبينها وبينك وبينة وافهمى وجهة نظر صاحبتك منة ووجهة نظرة منك انتى وسيبك من موضوع الحب دا لان مبقاش لية معنى اليومين دول استخدمى عقلك فقط وحاولى تتغلبى على قلبك شوية وربنا معاكى 🙂