سؤالي موجه للجميع ولطائفة الرجال بصفة خاصة ولاسيما خبراء علم النفس ، يعنى إيه يا جماعة تجاهل الشاب للبنت ايللى تقريبا أحبها بعد لما تجاهلته خالص عشان خافت على سمعتها وسمعة أهلها لو وقفت معاه ، هوا ده ايللى حصل بالظبط ومش عارفة هل انا كده صح ولا غلط ، مجرد زميل لى فى الجامعة وفى نفس دفعتى كان بيحاول يتقرب منى ويستنانى بعد كل سكشن عملى وهوا واقف وسط زمايله طبعا وبيبصلى علطول فى كل مكان نتلاقى فيه لمجرد انه مرة طلب منى مذكرة العملى ينقل منها حاجة فاعطتها له وقلتله عادى بنية صافية اتفضل ولو عايز تنقل دى انقلها كمان، انا والله لم أجرؤ إنى ارفع عيني لعنيه وعرفت كده برؤية عينى الإحاطية ، المهم معبرتوش بعد كده (حرصا منى على سمعة أبى وسمعتى وخاصة انى انا فى غربة)لإنه فعلا مكنش مجرد موقف لقيته بيتمادى فى نظراته لييا وبيطيل فيها (كانت نظرات بس من قبله) بعد كده تجاهلنى خالص خالص المشكلة بقى ايلى بعانى منها الوقتى ان معظم شباب الدفعة بيختلسوا النظر لى ، كل لما أمشى فى الجامعة الاقيهم وقفوا كلامهم وبيبصولى ده معناته ايه؟؟ عايزة اعرف ايه انطباعهم عنى؟؟ معقدة أم محترمة؟ ولا حد فيهم مثلا بيفكر انه يوقعنى؟ انا عارفة ومتأكدة انى كل ده لعب عيال ومراهقة وطيش شباب بس برضه عايزة اعرف عقلية الشاب لما يواجهه موقف زى ده مع البنت
اولا- انت ماادارك ان الشاب كان يحبك هل صارحك حقيقة بمشاعره تلك وعواطفه بل ده مجرد اوهام في دماغك انت وفكرتي انه يحبك لمجرد نظراته لك ثانيا- احي فيكي حرصكي على مخافةالله عزوجل وعلى تربية اهلك لكي وثقتهم فيكي وده هوالمطلوب من كل بنت تعمله في هذة الحياة وتحافظ عليه ثالثا- مسالة نظرات الشباب زملايك في الجامعة اليك قدتكون نظرات اعجاب واستلطاف ليس الا لكن احذري من التساهل معهم اوالسماح لهم في التمادي في ذلك حتى لاتقعي في المعاصي والذنوب وتاكدي ان النظر بين الشاب والفتاة من سهام ابليس رابعا-صدقينى ان تصرفات الشباب مع البنات ماهي الا تصرفات غيراخلاقية وطيش شباب وتهور فلا تنخدعي بها اوتصدقي كل مايقولوه لك حتى تحافظي على شرفك واخلاقك وتربيةاهلك وماتقعي معهم في طريق المحرمات والمعاصي والذنوب وربي يحفظكي ويسترعليكي وكل اخواتناالمسلمات
تمام انا بصفتى طالب جامعى هجاوبك عن كل الأسئلة دى .. مبدأيا انتى معملتيش حاجة غلط انتى عملتى الصح لانك حطيتى اولوية ربنا وحطيتى اولوية ان اهلك ليهم حق عليكى بثقتهم فيكى واحترامى ليكى بس مبدأيا عايز اوضح ان مش كل الشباب كدا ولو فاكرة ان واحد كان بيعمل كدا ففتكرى كمان كام واحد بردو عدا من جنبك واتصرف بحترام وعدى ومحصلش اى حاجة وصدقينى لما اقولك ان اغلب الشخصيات من الشباب اللى عندهم عقلية سوية و عندهم رزانة وحكمة هما كمان عندهم دماغ يقدرو يفهمو بيها البنت ليه بتتصرف كدا وان هيا كدا محترمة وبتعمل الصح احنا عارفين دا والله بس مش بنضطر نعرفكم لان اللى بيحاولو يعرفوكم دول احنا متبريين منهم اللهم بلغت ! .. وبالنسبة للنظرات اللى بتلاقيها من بعض الشباب دى فمش كلها نظرات احتقار زى مانتى فاكرة يعنى بيبقى 70 فالمية مثلا من النظرات دى مجرد فضول مش اكتر اه هيا دى اللى ادت كتاب العملى لفلان .. بس اشطى بعد كدا ولا فى اى سمعة ولا حاجة طول ممظرش منك اى رد فعل يدل على انكم مأنتمين وكدا فاتطمنى ولو حد فى مرة بصلك على اساس فكرة غلط من غير مانتى تعملى حاجة فدا يبقى واحد دماغو تعبانة وملهوش وزن كبير حتى مبين صحابو فمتقلقيش نفسك .. وعامة عشان مطولش اكتر انا شخصيا وقطاع كبير بردو من الشباب بأكدلك ان دى مجرد حالات فردية وفعلا فينا كتير مش كدا وعمرنا مهنحاول ابدا نسوأ سمعة بنت باننا نتجاوز حدودنا معاها لاننا بردو عندنا اخوات بنات خليكى كدا متتغيريش انتى صح