شاريني وعايز يتقدملي بس انا مش حاسة بيه

أنا لسه فى اولى كلية و من كام شهر جاه زميلي في الكلية و كلم ماما انه عايز يرتبط بيا بما نا بابا متوفي -الله يرحمه-
و ماما قالتله ميستعجلش عشان احنا لسه برضه صغيرين على الارتباط بدري و خصوصا ان كليتنا خمس سنين
المهم بعد ما كلمها احنا برضه فضلنا نتعامل في حدود الزمالة بس انا ابتديت الاحظ شخصيته و هو برضه و كنا بنفتح كذا موضوع عشان تفكير كل واحد يبان و نشوف حنقدر نكمل ولا لأ
بصراحة كله اجمع انه بيحبني جدا ,,, حتى زمايلي اللي مكانوش يعرفوا الموضوع كانوا بيلاحظوه هو و يبحوا يقولولي انه بيحبني و ان شخصيته بتاعة ارتباط و انه حيجي يتقدملك
و ده كان بيفرحني جدا عشان حسيت ان شخصيته محترمة و مش لعبي
مش هنكر اني حبيت حاجات كتير في شخصيته بس للأسف موصلش لقلبي بالقدر الكافي اني اقدر اقوله اني بحبه او اني ابقى موافقة مليون في المية على الارتباط بيه
و اديت لنفسي فرصة بدل المرة تلاتة و فكرت كتيرر بس من جوايا في حاجة تعباني اوي و محسساني اني مش قادرة
اولا احنا لو ارتبطنا حنقعد زي اربع سنين مخطوبين و دي فترة كبيرة اوي و اذا كنت انا دلوقتي مش حاسة اني قادرة اكمل فهل حقدر استحمل الفترة دي كلها لو مكنتش شرياه مليون في المية
ثانيا خايفة اني اكمل و اظلمه و اظلم نفسي يبقى هو بيضحي و بيسامح و انا من جوايا مش قادرة اعمل الحاجات دي
مع اني بقعد اقول اني مش حلاقي حد يحبني و يقدرني و يخاف عليا بالطريقة دي
بس خايفة اعالج غلط بغلط اكبر و هو اني ارتبط بحد انا مش حاساه كويس او مش مقدرة قيمته
و خليت ماما تكلمه و كلمته انا كمان اني مش عايزة الارتباط بدري و حاولت افهمه اني مش حقدر اكمل من غير ما اجرحه بس هو مش قادر و عايز يجيب اهله
المشكلة كلها ان قلبي مش قادر يحسه و عقلي بيقولي طيب لو سبتيه حتلاقي حد يحبك بالقدر ده و شاريني كده ؟ مع العلم اني فكرت كتير اوي و اديت لنفسي اكتر من فرصة
انا تعبت من كتر التفكير و اعصابي مشدودة جدا
ساعدوني

مشاكل وحلول ذات صلة

• انا مريضة وممكن المرض يوقف بطريق حبي ليه
• لو حبيبى مجاش هل اقبل العريس التانى
• مقدرش اعيش من غيره وهو بيحاول يثبت انه مش بيحبني
• هل البنت فعلا بتحبني ولا هي مش محترمة
• الغربه بعدتني عن حبيبي
• بحب شاب اقل منى فى المستوى المادى
• لو كان فعلا بيحبنى ليه كلم البنت التانيه