اقرر واختار واحد فيهم ازاى

انا بنوتة عندى 21 سنة الحمد لله من أسرة فوق المتوسط محترمة بشهادة الجميع ومحبوبة من كل الناس اللى حواليا ..انتهيت من دراستى من كلية ادبية مرموقة والحمد لله وانا فى 2ثانوى كان ليا زميل كنا بنتبادل النظرات من وقت للتانى اكيد مرحلة مراهقة ولازم امر بالفترة دى واستمريت لحد الكلية وانا معجبة بنفس الشخص لحد 1 كلية اعترفلى بمشاعره وفرحت بيها اوى وانا كمان كنت ببادله نفس المشاعر واخدت فترة على ما اعترفتله بمشاعرى ناحيته لكن علاقتنا مستمرتش كتير ومكنش ف الحقيقة ينفع نطلق عليها اسم علاقة حتى اننا متكلمناش فى لتليفون اكتر من 3 مرات بس فعلا كان حد غالى عليا وى واول حب دخل حياتى لكن هو انهى علاقته بيا وبدون سبب ومكنش فى بينا اى كلام بعدها قفلت على نفسى ركزت فى مزاكرتى والحمد لله لكن اعجبت بشخص تانى بعد قصة الحب دى ب سنة ونص وهو كمان اعجب بيا جدا وكان اخو وحدة صحبتى لكن لانه كان مرتبط ببنوتة كان بيحبها قبل ما يعرفنى ب3 سنين فضل انه يكمل معاها علشان ميظلمهاش لانها وقفلت حياتها عليه وخطبها وانا احترمته جدا لسبب دا وبعدها بحوالى سنة اتعرفت على زميل ليا فى الجامعة كنت اعرفه من سنة اولى لكن مكنش فيا بينا كلام مقربناش لبعض غير فى سنة 3 كلية وفضلنا سنة كاملة نتكلم مع بعض والشئ الوحيد اللى بينا هو الصداقة وخصوصا انه انسان محترم جدا ومكنش بيضايقنى بأى تصرف طول السنة اللى كنا اصدقاء فيها بعد كدا اعترفلى انه بدأ يتشد ليا وكان نفس الوضع عندى اتعرفنا على بعض واخدنا رقم تليفون بعض واتكلمنا وفضلنا اربع شهور مرتبطين وانا كنت كل يوم بتعلق بيه أكتر من اللى قبله بهرنى بشخصيته وحكيت لانسانة فى مرتبة اختى اكبر منى ب 10 سنين لما حسيت انى خلاص حبيت الشخص دا جدا بعد ارتباطنا ب 4 شهور بدأ يحصل حاجات غريبة ويتغير شوية وبعدين اتجرأ معايا مرة فى الكلام لكن انا صديته وهددته انه مش هيسمع صوتى تانى و رجعنا فترة كويسين لكن رجع مش طبيعى تانى يعنى مقريف على طول وبالرغم من كل دا اول ما اكون فى مشكلة يكلمنى حتى لو الفجر ويحلها معايا ويطمن عليا لكن بردوا فى حاجة متغيرة فيه ومبقاش مهتم بيا زى الاول وممكن يرد عليا على الموبايل على فترات وكل لما اقوله لو مش عاوزنى نبعد يحاول يتمسك بيا لحد ما فى مرة قالى اموره مش تمام واحاول اتحمله فترة صغيرة وانه عارف انه مقصر معايا لكنه متغير مع الكل فضلت فترة اطول من الفترة اللى اتفقنا عليها وبردوا مفيش فايدة اتحملت 5 شهور وهو متغير وكل مرة اقول هانت بعدها قررت انى مكملش طلب منى انى افكر فكرت وبعد فترة بلغته برسالة انى مش هكمل ومكنش له رد فعل على رسالتى وبعت له هديه عيد ميلاده مع زميل مشترك بينا وحاولت اتصل عليه بعدها كتير مكنش بيرد واعتبرت الموضوع انه انتهى وطبعا دخلت فى مود مش تمام فترة لكن لانى لقت وظيفة محترمة خرجتنى من المود اللى انا كنت فيه وعلشان الفضل الاول والاخير لبرنا طبعا لانى الحمد لله منتظمة فى صلاتى و ف قراءتى للقرءان الكريم خرجت من اللى انا كنت فيه اقوى من الاول وشايفة الحياة جميلة مقتنعة ان مهما ربنا اخدت مننا فعلشان يعوضنا بأحسن مشكلتى بقى فى الحيرة اللى انا فيها دلوقتى صاحب قصة الحب الاولى فى حياتى رجع كلمنى واتأسفلى على اللى حصل منه وانه مش عارف ينسانى طبعا ممكن يبان من كلامى انه بيتسلى وعاوز يضيع وقت لكنه فعلا كان ندمان وابدى رغبته انى اكمل معاه حياته ونكون لبعض والشخص التانى اللى كان اخو صحبتى انفصل عن خطيبته لاسباب بعيدة عنى ولكنه بيحاول يفتح معايا كلام علشان معرفش يختار شريكة حياته قبل كدا وشايفنى دلوقتى الانسب اما الشخص التالت فعرفت انه فعلا كان ف ظروف صعبة وانه موجود خارج البلد بيشتغل لكن خاله اتصل بيا علشان لو وافقت ارتبط بالشخص دا يتكلم رسمى مع اهلى
ال 3 حسيت ناحيتهم بمشاعر حلوة على فترات متباعدة وان كان الاخير حبيته اكتر من نفسى جايز تقوللوى خلاص اختاريه لكن المشكلة فيا ان مشاعرى بقت مختلطة ومش عارفة اختار مين والتلاتة مفيش حد فيهم بيتسلى وناوين على الارتباط الرسمى والتلاتة محترمين ف شخصيتهم جدا والتلاتة من مستوى اجتماعى راقى ومش عارفة دا طبيعى ان ىاحس انى محتارة ولا لا ؟؟؟

مشاكل وحلول ذات صلة

• عايز يجى يتقدملى وانا بقوله لما هخلص دراستى
• غلطت لما وثقت فيه وحبيته وانا مش قد عقاب ربنا
• لو أتيحت الفرصه هل أتقدم لها تانى
• زواجي دون علم اهلي كيف اصارحهم
• الحب الاول دمرنى ودمر حياتى
• متشتت جدا ولا اعرف كيف اتصرف
• بحب واحده من سنى وعايز اتجوزها