صعبان عليا انى مكلموش بس عايزة ربنا يغفرلى

السلام عليكم ….انا بنت اولى كليه طول فترة الاعدادى والثانوي بمنع نفسى من الحب لان فكرتى عنه ان الحب تسلية ومرة حلمت بشاب ولما صحيت حكيت لصحباتى وضحكوا ونسيت الحلم بس بعده بكام يوم شفت شاب ف ملامح اللى حلمت بيه ف قريه غير قريتى وخليت صحبتى تشوفه بس قلت انه مش من بلدى وان دا هبل وحاربت نفسى علشان افضل زى ما انا
انا ع الفيس مش بقبل صداقة اى شاب ومرة حصل سوء تفاهم بينى وبين واحد ع الفيس هو ف الاول حاول يتراخم ويتعرف وانا كنت بصده برد رخم وقوى وفضلت كتير اصده وابعده بس احترامه كان بيجبرنى ارد عليه كويس وكمان لما قالى انه احترمنى اكتر لما صديته وانه من بلدى قلتله تشرفنا وبعدت عنه
بس الكلام جاب بعضه وف مرة قالى انه شافنى وان عينى وقعت ف عينه ……طبعا انا مش فاكرة انى شفته ولقيته حط صورة للبروفايل بتاعته المفاجأة انه طلع نفس الشاب للى حلمت بيه واللى افتكرته من قرية تانية
دا شجعنى اكتر انى اكلمه واتكلمنا كلام عادى واتفاقاتنا كانت دينية زى مثلا نلتزم بالصلاة وكنا بنشجع بعض على صلاة الفجر
هو اعترفلى انه بيحبنى بس بعدت كام يوم ومفتحتش فيس بس اتأكدت انى بحبه وفتحت واعترفت له كان رد فعله انى اعرف اهلى علشان يجى يتقدملى ودا اكدلى انه راجل بس انا اشترطت عليه لما يتوظف وهو قدم ورقه ومستنى الوظيفة ……………المشكلة الوقتى هى انى اتفقت معاه انى عاوزة ابدأ حياتى معاه صح علشان كدا قررنا منتكلمش لحد مايكون ف حاجة رسمى وبدعى لربنا انه يسامحنى انى انجرفت ف مشاعرى وانه يرزقه بوظيفة كويسة
انا الوقتى صعب عليا انى مكلموش بس بعمل كدا علشان ربنا يغفرلى ………ياترا قرارى دا صح ؟وممكن ربنا يسامحنى؟ واتعامل معاه ازاى؟

مشاكل وحلول ذات صلة

• محبوسة بالبيت وحياتى مظلمه خوفا من التهديد والفضيحة
• بحبها بس مش فاهمها خالص
• سنية بحب شيعي .. واهلي بيئتلوني لو عرفو
• احب شخص غير متعلم واهلى يرفضوه
• بحبه بجنون من زمان وهو تقيل ومحترم
• ما بعرف اذا هاد الشي بيعني انو انا شاذة
• الحيرة بين حبيبي ودراستي